02-17-18, 04:21 AM
| #1 | |||||||||
  
| 
المزح الثقيل كيف اخلص منه مساعده
السلام عليكم عندي مشكله بسيطه وعجزت القا لها حل عندي اخ اكبر مني واصل عمره 35 الله يحفظه وقريب مني مرررره و بيننا اسرار وكل شي ماشاء الله يحب المزح في اوقات غلط ومرات ماله مزاج حتى يتكلم مع احد المهم مشكلته انه يمزح بيده يا يسحب اذني والا يسحب شعري ومرات يمسك رقبتي ويسحبني او يرمي علي علبة مناديل او يسوي نفسه يرمي مفاتيح سيارته ويقعد يقلدني ويحط ايده على راسه وعيونه ويضحك بشكل هستيري ويقول ليتك شايفه نفسك كيف وانتي خايفه لا ومرات يلعب بوجهي في فلتر سناب وانا قاعده اشوف تلفزيون او اقرا ويقعد فاطس ضحك علئ شكلي ادري يمكن تضحكون وتقولون يسعد جوه بس المصيبه انه مرات يمزح بالفاظ حق عيال وتكون لسانه وصخه والفاظ قويه مفروض مايمزحها معي واذا اقول له ياخي عيب ذا الكلام احترمني شوي يضحك ويقول اسف على بالي مع اخوياي، مدري وش يقصد ويقول مدري انتم البنات كيف عايشات وليش تتحسسون وانه كذا عيب وشي وااو كبير ترا ماقلت شي جديد صرت افكر هل معقول انتم الشباب كلكم كذا مزحكم وكل شي تشوفونه عادي وماتستحون حتى لو كانت علاقتكم قويه مع خواتكم؟ يعني فالها مره احسه مايستحي وانا احيانا انحرج ماعرف وش اسوي ابغا حل كيف اكلمه ويسمع كلامي ويخفف من بعض مزحاته شوي واسفه على الاطاله. | |||||||||
| |
|
02-17-18, 12:50 PM
| #2 | |||||||||||
 غيّمُ السّلام.
| وعليكم السلام ورحمه الله وبركاته ، مافيها إطاله هالقسم مفتوح للجميع ومن حقج تفضفضين فيه .. لو أنا مكانج وجي صار بقول له يحاسب أفعاله . بالنهايه هو الاكبر وأكيد الاحترام يكون مُتبادل .. ومثل الوقت أحس مزحه طبيعي ، العيال مب مثلنا ناعمات :22: . ماعرف لو أستفدتي مني بس حاولي لما يمزح وياج تكوني جاديه شوي ، احياناً المزح ينقلب ل جد. وبس والله الله يخليكم لبعض  . | |||||||||||
| |
|
02-17-18, 05:40 PM
| #3 | ||||||||||||||||||||||||||||||
|
يقول مو لايق بس لاتسوين فيها الاستاذ المعلم يختي يجبرني اضحك هههههههه الله يسعدك | ||||||||||||||||||||||||||||||
| | |||||||||||||||||||||||||||||||
|
02-17-18, 02:38 PM
| #4 | ||||||||||
  قاتل الله خيباتي..!
|
وعليكم السلام أولا : شي لا جاء يمزح حاولي تكووني جااده معه خااصة اذا تمادى بمزحه معك وتبيني زعلك عند الالفاظ السيئه اللي يقول ولا ترضى بسرعه علشاان يحس انك يزعلك هالشى مررة.. ثاني : بما أن عمره ماشاء الله 35 حاولي تنااقشيه بالموضوع بكل جديه وتقولي له ان هذا المزح ما ينفع مع البنت خل هذا المزح مع أخوياك مو معي انا وعلميه كيف يفصل في اسلوبه ب ين اخوياه واهله كل شي لها تعامل.. ثالثاً : ومالي غير الصبر ترى مزح الاخوان في الغالبيه كذا الا من رحم ربي وانا من واقع حياتي بقولك لي اخ أكبر مني مثل كذا يمزح صرت أتأقلم على وضعه وأضحك مالنا غير الصبر وانا أختك ..! أتمنى أكون أفدتك بشئ..تحيتي لك ..! | ||||||||||
| |
|
02-17-18, 05:43 PM
| #5 | ||||||||||||||||||||||||||||||
|
يعني هو الولد الوحيد بيننا علشان كذا يمكن يمزح معنا مثل مايمزح مع اصحابه رح اجرب طريقة النقاش معه في وقت يكون فيه مو رايق لان لو كان رايق بيقعد يتمسخر وماياخذ كلامي جدي مشكوره ياغاليه  | ||||||||||||||||||||||||||||||
| | |||||||||||||||||||||||||||||||
|
03-06-18, 07:19 PM
| #6 | |||||||||
  
| 
وعليكم السلام ورحمة الله وبركاته روى أولوا الأخبار عن رجل سيار أبصر في صحراء فسيحة الأرجاء دباً عظيما موثقا في سرحة معلقا يعوي عواء الكلب من شدة وكرب فأدركته الشفقة عليه حتى أطلقه وحله من قيده لأمنه من كيده ونام تحت الشجرة منام من قد أضجره طول الطريق والسفر فنام من فرط الضجر فجاء ذاك الدب عن وجهه يدب فقال هذا الخل جفاه لا يحل أنقذني من أسري وفك قيد عسري فحقه أن أرصده من كل سوء قصده فأقبلت ذبابة ترن كالربابة فوقعت لحينه على شِفار عينه فجاش غيظ الدب وقال لا وربي لا أدع الذبابَ يسيمه عذابا فأسرع الدبيبا لصخرة قريبه فقلها وأقبلا يسعى إليه عجلا حتى إذا حاذاه صك بها محذاه ليقتل الذبابة قتلاً بلا إرابه فرض منه الرأسا وفرق الأضراسا وأهلك الخليلا بفعله الجميلا فهذه الرواية تنهى عن الغواية في طلب الصداقة عند أولي الحماقة إذ كان فعل الدب هذا لفرط الحب وجاء في الصحيح نقلاً عن المسيح عالجت كل أكمه وأبرص مشوه لكنني لم أطق قط علاج الأحمقِ(ي) * * * اخشى ما اخشاه، .. اخر المجاملة .. والمزح الثقيل نهاية ماساوية .. ذكرتني بقصيدة الدب هذه ^_^ الاخت الكريمة، .. لتحلي مشلكة المزح الثقيل، عليك اولا .. ان تحلي مشكلة امكانية التواصل والحوار الجاد دعواتي، .. بالتوفيق | |||||||||
| |
