منتديات مسك الغلا

منتديات مسك الغلا (/vb/)
-   همس القوافي - شعر - قصائد •• (https://www.al2la.com/vb/f5.html)
-   -   عزاه للي داخل السجن مسجون (https://www.al2la.com/vb/t88173.html)

jrm99 03-04-18 01:49 PM

عزاه للي داخل السجن مسجون
 
قصيدة العسكري السجين سالم سعد السهلي في امن المنشات بينبع ..قتل صديقه بالخطا ...العام الماضي
.....
عزاه للي داخل السجن مسجون.

الي بوسط السجن مثل الوداعة.

صدر علي الحكم والناس يدرون.

حكم القصاص الي فجعني سماعة.

حالي وانافالسجن من دون في دون.

حال المريض الي ماعنده مناعة.

اعيش وسط السجن لسيف مرهون.

والعقل عقل الي بسن الرضاعة.

وابوي وامي طيلة الوقت يبكون.

ولايكف الدمع لو كان ساعة.

ابوي بين الناس تايه و مغبون

وامي عليها الهم ركز شراعه

قلبي عليهم ياعرب صار محزون.

ياما تجرعت المرارة جراعة.

ثمانية وعشرين ياناس مليون.

تعتق رقبتي والحياة الطماعه

الاجر عند الله محقق و مضمون.

للي سعى لعتاق نفس بقناعة

تكفى يابن #براك لي سيف مسنون.

تكفى يابن #سمرة منجي المراعة.

تكفون ياباقي الشيوخ المسمون.

نور الامل تراه باقي شعاعة

ياربعي الي فالمواقيف تؤفون.

#بني_السهول اهل الوفاء والشجاعة.

وانخا #قبايل_عبس يالين يوحون.

#عبس الكرم والطيب وقت المجاعة.

يا#عبس في وقت الشدايد تبينون.

انتم هل الوقفات والاستطاعة.

وانخا القبايل كلها واطلب العون.

تكفون ياهل الخير فرد وجماعة.

تكفون ياهل الخير والطيب تكفون.

تكفون ياهل الجاه واهل الشفاعة.

السجين/ سالم سعد السهلي


ارجووا منكم ان لا تبخلو عليه.... من رحم من في الارض يرحمه من في السماء

وردة الجوري 03-04-18 07:40 PM

سلمت الانامل على الموضوع القيم والمميز

الغاوي 03-05-18 10:15 AM

الله يفرج همه ويعينه


سلمت ولا هنت على النقل

فراشة كريستالية 04-01-18 08:18 PM

الله يفرج همه ويفك اسره
ويقر عينهم بشوفته

يعطيك العافية :81:


الساعة الآن 02:33 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا