الله عليه وعلى نشاطه وعناده ،،
أنا بنت أخوي بنفس عمره وعنيده مثله وتصر على رغباتها
بقولج من واقع خبرتي معاها من اللي أشوفه
أول شي هي لا زالت وحيدتهم يعني ما فيه في بيتهم طفل ثاني لهذا هي تتملل
الشي الثاني أخوي جداً ملبي لرغباتها مثل الأكلات الأيس كريم والشوكليت في حين أمها تمنعها
فهي تميل لأطباع الترفية أكثر يعني أختلافهم في التعاطي معاها بين طرف ملبي كل رغباتها وطرف لا فهي تعاند في حالة غياب أبوها
بعدين نوعيه الأكل للطفل تخليه يزيد نشاطه الشوكليت الفيژي دركنز ذي تخلي الطفل حركي بزيادة
بعد فيه شي بضيفه ما ينطبق على بنت أخوي بس يمكن يفيدچ بالنسبة إذا طفلچ يشوف
الرسوم المتحركة ترى ذي بروحها تخليه مقلد متمرس من الدرجة الأولى
طفلچ ذكي وتعبثه جاي من حبه لأستكشاف العالم من حوله يعني إن شاء الله بكرة تشوفينه شي كبير
عناده وتعبثه ذيلا إذا ما تقدرين تطلعين دوم فالبيت اشتري له سيكب أو اللي تسمونه دراجة
وبعد أكثر شيين ينمون ذكاء الطفل ويفرغون طاقته
الطين أو الرمل والماي
يبو له تريب رمل وعطيه أدوات البحر مع الماي بيني حقج قصور من رمال شفتي عاد
والماي اشتري له بركة على قده وخليه يسبح بها مع ألعابه
وسلميلي على حياتي العنيد أنا
ربي يخليه وينبته لچ النبات الصالح وبكرة بنفسه بيشتكي من الأزعاج
وأسألي مجرب ،، الله يحفظه
وقولي له أنا ما سكت ترى محدن مسنعة غيري
أي هين
الجادل ،،،

الله يخليه لكم ويخليكم له


الطفل طبيعي يكون حركي ويلعب ويشاغب في هالعمر لان هذي مرحلة اكتشاف ما حوله وتعلم العالم اللي هو عايش فيه

اما التكسير والعناد
فهذي هي طريقة الاطفال للفت الانتباه
طرق استخدمتها مع طفلي ونجحت
ا- اذا حاول يكلمك لا تصدين عنه او ما تلقينه بال قابليه وجه لوجه وخليه يحس انك منتبهه له ترى يفهم لا تقول ما يدري
- اذا طلب شي اذا كان الشي هذا صح وعادي ياخذه فاعطيه اياه وانتي متبسمه علشان يحس انه اخذه بارداتك انتي ما هو بارادته هو
- اذا كان اللي يطلب غلط وما يصلح ارفضي وانتبهي مع اصراره توافقين اذا رفضت لانه لو صار بيستمر على الاصرار
- والاهم هو الغيره من اخوانه لان الاطفال يغارون وتذبحهم الغيره ومشكلتهم ما يقدرون يعبرون عنها الا باسلوبهم الطفولي


والصبر التربيه صعبه يبغى لها صبر

الله يصلحه ويحفظه لك
هذا شي طبيعي يااختي عمره سنتين صغير
لكن عادي عندك عدة نقاط لان ولد اخوي كذا كثير الحركه الله يصلح

اولاً طنشيه لان هو بحركاته يجذب انتباهك
ثانيا لاتعطينه اكل يسبب حركه زايده مثل الشكولاته والحلويات
ثالثاً وديه للحديقه يعلب ويطلع طاقته كلها
رابعاً بيني له محبتك ولاتعصبين عليه او حتى بالنظرات
خليه على راحته بكره يكبر ويتعلم.

هذي امور كلها سوتها مرت اخوي مع ولدها تغير الولد الحمدالله
صار يسمع الكلام

الله يحفظه ولاتنسين الدعاء له بالصلاح والهدايه

وعليكم السلام ورحمة الله وبركاته