|
حوار بين الشاعر والقبر ... بسم الله الرحمن الرحيم الحمد لله والصلاة والسلام علي رسول الله نبينا محمد وعلي اله وصحبه . قصيده غريبه من نوعها *يقول الشاعر*/ ياقبر قلي عن زمــــان الاقامـــــه كم عام يقدر ينتقل منـك راعـــــيك ودي توضح لي شروط السلامـــه من ضمتك من ظلمتـــك من بلاويك *رد القبر* / ياذيب من ينشد يثمـــن كلامـــــه راجع خطياتك وراجع حسانيـــك تبقى بجوفي لين يــوم القيـــــامه محدن يجي عندك ولا يتصل فيك *رد الشاعر* / وان كانت الاعمال خامه وخامـــه منها ذهب صافي ومنها سراميك ممكن تفيد المعـــــذره والنـــــدامه بعد نزولي بالكفن في ضواحيــك *رد القبر* / فوقك ليا جات النصايب علامـــه ثنتين توضع عند راسك ورجليك ماعاد ينفعـك العتــب والملامـــــه من حين روحك ترتفع عند باريك *رد الشاعر*/ ياقبر ما دورت منــك الكرامـــه ارجو عفو ربي ولاني براجيك اللي بديه الامر ماسك زمامــه رب الملوك ورب كـل المماليـــــك *رد القبر*/ ياذيب في هذا التحدي غشامــه بلا عمل ماهو مناسب تحديـــــك اوصيك عهد الله صون التـــزامه مني ومن بعدي من النار ينجيك *رد الشاعر*/ ياقبر زودت المخـــاوف جسامـــــه زدني نصايح نافعه قبل ما جيـــك اخاف اجي لك فوق ظهري غرامه وتسديدها ما يقبل الدفع بالشــيك *رد القبر* / اقرأ كتاب الله وا فهــــم نظامـــــه وتلقى الذي يعني لغيرك ويعنيـــك واختار ما يعنيك وامسك خطامـــه ما دمت حي خطام الاعمال بيديك. اللَّهُمَّ إني أسألك الجنة وأعوذ بك من النار .ومن عذاب القبر . سبحانك اللهم بحمدك اشهد ان لا اله الا انت استغفرك واتوب اليك . |
يعطيك العافية اخي والله يجزاك خير |
اللهم امين .. جزاك الله خير .. |
الله الله اللهم اجعل خير اعمالنا خواتمها واجعل قبورنا وقبور موتانا روض من رياض الجنة يارب العالمين وجزاك الله خير الجزاء اخي المحور حترامي وتقديري |
سلمت ولا هنت على هالنقل الله يجعلنا ووالدينا ومن يقرا قبورنا رياض من رياض الجنه اللهم امين |
قصيده مؤثره يعطيك العافيه ع الطرح الهآدف |
| الساعة الآن 09:34 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا