((قامت تسولف وانقطع حبل الاصوات))
 

قامت تسولف وانقطع حبل الاصوات
مادري علام صويحبي ... ما يتماسك
اشرت له اثقل ترى ابليس ... ما مات
احرجتني واحرجت ناسي ... وناسك
ردت وقالت : مرحبا حي .... الاموات
قلبك حجر ما اقواك ويا قو ... باسك
ما تدري ان يالعذارى ......... رهيفات
وكم انتظر يا شوق لحظة .. حماسك
قلت : العفو قبلك انا ذبت .. باسكات
وضيعت فروض الدين وكل المناسك
ولولا الحيا واخشى حسودك وشمات
لابوس كفوف يديك وابوس . راسك
وقول لك يا سيد البيض قم .... هات
خذني بحنانك عقب ياسي .. وياسك
وعجل عليه عوض القلب .... ما فات
وارحم صويب مبتلى بطيب . ساسك

القارظ العنزي

زاد الهوى بقلبي وخربشت... بابيات
عسى الي بقلبي يحرك.... احساسك

نبض الغلا بالقلب حي ما........مات
وباحت به للملا انفاسي ..وانفاسك

هيهات يموت الوجد بالحنايا هيهات
لو يعذلوني فيك ناسي ......وناسك

لاهل العشق ياصاحبي دوم .. زلات
وزلتي يوم القاك وابوس .....راسك


القارض العنزي ابدعت
صح صح لسانك مدد بلا عدد
اتمنى ان تتقبل مروري كما هوى

احترامي

مدري ليه . . افكر بعض الاوقات
واقول يالقارظ كيف الوقت داسك

وجالس اراقب . أنا الوضع بسكات
واشوف اشلون . . تجرى وحاسك

وين ذاك العز ووين ذيك المسرات
يوم الكبير والصغير . يبوس راسك

هذا كلامي . وعندي عليه الامارات
انصحك لله .. كيل واوزن بمقياسك

حب ما تشتهي . من حلو الجميلات
واملا . . من عذب . . الزلال كاسك

الزعتري فيهم بياض قشطه وكحيلات
وإياك تعلن .. في الحب . . افلاسك

خابرك من قومآ . لهم باع وبطولات
اتبع هوى قلبك .. واتبع . احساسك

صح الله لسانك القارظ

قلبك ودربك خضر واصل

حترامي وتقديري

الزعتري فيهم بياض قشطه وكحيلات
وإياك تعلن .. في الحب . . افلاسك

هذول الي بالزعتري جار عليهم الزمن
والا بنات الشام خوات رجال
ولولا هالبلوى ماحد قدر يجي بساحتهم
ولا يجيب سيرتهم
ماحبيتها منك ينجم
احترامي