منتديات مسك الغلا

منتديات مسك الغلا (/vb/)
-   همومنا ومشاكلنا وإحتياجاتنا الشخصيه ( مشكلتي ) (https://www.al2la.com/vb/f77.html)
-   -   حل مع بنتي (https://www.al2la.com/vb/t88700.html)

بناتي حياتي 04-16-18 02:17 AM

حل مع بنتي
 
اهلين اخباركم وحده من بناتي تكرها طبخ ولاتعرف تسوي شي ابدا
كل ماطبخت حرقتها او ماضبط معاها حتي زيت ماتسوي مع الاكل
خايفه عليها اذا تزوجت بكره ايش تسوي دلوعه ماتحب تسوي حتي شاهي
لانفسهاا كيف اعملها الغداء او العشاء والحين صارت بثانويه عمرها
هي الوحيده من خواتها ماتحب الطبخ او ادخلها دورات طبخ

الجادل 2018 04-16-18 09:49 AM

هههه ذي نفسها وألا غيرها بعد:eh_s(10):
والله أنا مستغربة هل في ذي السن تحاتين وتقلقين على زوج وزواج ،،
أنا لو منچ أقلق على مستواها الدراسي ،،
أقلق على من صديقاتها ،،
أقلق على نسبتها في الثانوية العامة ،،
أقلق على زوج في علم المستقبل!!!
أول شي قبل ما تفكرين تزوجينها فكري كيف تتم دراستها الجامعية ؟؟؟
ترى الشهادة قيمة وفكر ،،
وبنتچ طفلة ليش مستعجلة غلى مسألة تزوجيها!!!
لا تفتحين عينها على شي ربما هو مو في بالها ،،
لأنچ ما تعرفين هالنقطة ممكن تشغلها بطريقة معينة ،،
بعدين الطبخ ،،
والله بالنسبة لي غير مهممم تماما في ذي السن ،،
لأني عشت سنها ممنوع أدخل المطبخ ليش لازم لازم تطبخ ودورات و و و ،،
ليش ؟؟؟
الطبخ بتتعلمه مستقبلا الدراسة أهم ،،
والبركة فيچ ،،
وعلى فكرة على المستقبل لا تقلقين عليه وما أدراكِ لربما أم زوجها إنسانة تحب
تدلع كناينها وما تحبهم يطبخون ،،
وبعدين يمكن زوجها يهمه تأنقها ودراستها أحثر من مجرد قدر وزيت وطبخ ،،
ترى تفكيرنا بأمور أحيانا ثانوية يشغلنا عن المهم والأساسي ،،
والله لا تحتاج دورات ولا شي ،،
هي صغيرة ذي ينحط الأكل قدامها مو تطبخ في ذي السن ،،،
خليها في دراستها ذي رايي ،،
والطبخ لااااحقة عليه شدراچ
يمكن بكرة ذي اللي ما تعرف شي تذهلچ وتتفوق حتى عليچ ،،
يا ماما تبالغين في تفكير ليس وقته الآن ،،
عموما الله يخلهم لچ وتشوفينهم عرايس وموفقات بحياتهن ،،
يا ليت تهتمين بالأهم قبل المهم ،،
تقبلي تحياتي وسلميلي على البنات الجميلات ،،
مرت من هنا
الجادل ،،،

ام سارونا 04-16-18 11:03 AM

امم فيه كثير تزوجن ومايعرفن الطبخ وبالعكس اصبحن طباخات
الدلوعة عند اهلها هي الي يعدلها الزواج وتصبح الافضل دوم
من اواقع اقولها لك :23: اهتمي بالامور الي ذكرتها الاخت الجادل :32:

الغاوي 04-16-18 11:08 AM

اقتباس:

المشاركة الأصلية كتبت بواسطة بناتي حياتي (المشاركة 1712421)
اهلين اخباركم وحده من بناتي تكرها طبخ ولاتعرف تسوي شي ابدا
كل ماطبخت حرقتها او ماضبط معاها حتي زيت ماتسوي مع الاكل
خايفه عليها اذا تزوجت بكره ايش تسوي دلوعه ماتحب تسوي حتي شاهي
لانفسهاا كيف اعملها الغداء او العشاء والحين صارت بثانويه عمرها
هي الوحيده من خواتها ماتحب الطبخ او ادخلها دورات طبخ



لا تشيلين هم خليها تتعلم براحتها

وازواج هالوقت مثل بنات هالوقت
يدربونها ما همهم الطبخ وما الطبخ


لكن نصيحه واحد اكبر منك
اذا طلبت اكل غير وقت الوجبه لا تسوين لها الاكل خليها تعتمد على نفسها
قوليلها قومي سوي لنفسك

خليها تنفع روحها او تموت جوع

M.ahmad 04-16-18 11:43 AM

جوعيها وراح تطبخ وتتفنن في الطبخ وستنحل مشكلتك

رقه 04-16-18 02:03 PM

لا تشيلين همها أبدا
بتتعلم أذا تزوجت مستحيل تفضل على حالها وماتتعلم الطبخ او ماتعرف تطبخ
أعرف كثير مايعرفو وين كاسة المويه بمطبخهم .. ويوم تزوجو صارت طباخه بأعلى مستوى


الساعة الآن 01:34 AM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا