وين انت ياللي تشرح الحب .... بالقاف
تعال واشرح لي عن حبك .... وشوقك
الياصار ما حبك جلب ظل .... والحاف
عز الله انك بت وتشكي ....... حروقك
ما ينفعك كثر السوالف ...... والالطاف
الياصار ما ينذاق منه ......... ويذوقك
وصار التحدي بينكم كنه ....... اسعاف
حتى ارتفع معيار ذوقه ........ وذوقك
هذا الصحيح وباقي الهرج .. صفصاف
تشكي الولع وتقول سهران ...... موقك
ما ينفعك لو تشتكي زين .... الاوصاف
ما دام ما حصلت منها .......... علوقك
خل الهوي يا ذيب للذيب ..... ما خاف
ذاك الجسور اللي بحبه ........ يشوقك
حاف الخطر والموت في حوفته حاف
واحيا عروقه وانت ماتت ......عروقك
عز الله ان السوق سوقه ..... الياطاف
سوقه نفق والا انت كاسد .... بسوقك
هذا هو الميلاف يا حي ........ ميلاف
هو طوق الزينات والموت ..... طوقك
يستاهل السهرات مع نابي ... الارداف
من ينعش الاشواق وانعش .. خفوقك

القارظ العنزي

صح خفوفك المسا أسعدني مرورك لاهنت

الجزالة في تواجدك في متصفحي ابو ضاوي لاهنت ، ولك في القلب محل ومكان يعظم يوما بعد يوم وانت الاستاذ والاخ الاكبر دوما وابدا .