|
يا نجم يالقارظ الله يمسيكم بالخير يا نجم والقارظ كنت عند الوالده الله يطول بعمرها وقلت لها وش رايك يا ميميتي هذا واحد من الاردن يمدح بنات الأردن وخويه من السعوديه يمدح بنات السعوديه قالت وش تقول الله يعظم الأجر الكبر والسمع هههه عدت عليها الكلام وزدت من عندي علشان تطلع شي ما تطلع الا اذا شافت الشي تعدا هههه امون عليكم واكيد مسمحيني على اللي زدت قالت قل لهم كلن يمد فراشه على كيف وده والزين بكل بلاد العرب موجود وقل لفريقك يقضب حدوده وحده ترا البنات ماهيب معزا تنقاد قود حنا الحريم اللي اليا صار شده جانا طويل اشناب ويطلب الزود ههههههه مالي دخل هي تتكلم بلسان الحريم انا برا |
سلم على اللي قافها فيه .... حدة بنت النشاما ما مشت درب منقود سلم عليها وحب راسه ...... ويده حق عليك تبرها يا فتى ... الجود قالت صحيح وقولها ..... ما نرده هو الصحيح وصدقها ما له حدود وقل له بنات اليوم عيش ومخدة ما هن على خبره يبرن .... بمولود هذي تهدد بالعصا وكف ....... يده وهذي غدت بصراخها تقل نمرود مهما قدمنا من العطا ..... والمودة كل ما عطينا عندهن صار مجحود والزين كله بين الاردن ...... وجدة لو ما ذكرنا جدة يغتاض .. مسعود عد الصحيح وما كتبناه ....... عده وسلم عليها وجعلها يالغلا ... بزود |
اقتباس:
وسلامك واصل فديت خشمك |
صح بدنك ويفداك اللاش وامك أم الجميع لاهنت |
بلغ سلامي .. للوالده من سط جده وقول لها .. ياميمتي يقول مسعود عايش وسط جده . . وماسك ن حده ماغير القارظ . . سبب لنا .. منقود مسعر .. لزعتري .. يا الغاليه خده وعندي على قولي براهين وشهود ماعاد به حيل .. ولاعاد به . . شده كبير سن .. ياكافي والعقل مفقود اسأل الله . . العقل .. للقارظ يرده اما ميمتك .. يفوح من هرجه العود |
اقتباس:
صح لسانك ولا هنت يبلغ سلامك ان شاء الله |
| الساعة الآن 10:36 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا