منتديات مسك الغلا

منتديات مسك الغلا (/vb/)
-   قسم العام للمواضيع العامه •• (https://www.al2la.com/vb/f2.html)
-   -   الحياة الرقمية (https://www.al2la.com/vb/t88999.html)

ام سارونا 05-04-18 10:38 PM

الحياة الرقمية
 
*عصر البيانات الهائلة ...*

- ألو ، دومينوز بيتزا ؟
- لا يا الحبيب معاك غوغل بيتزا.

- وشلون؟ دقيت الرقم بالخطأ؟
- لا يا الحبيب، غوغل اشترت دومينوز بيتزا.

- هب عليكم، ما خليتوا شي، طيب أبي بيتزا.
- ولا يهمك، تبي طلبك المعتاد؟

- شلون تعرفون طلبي المعتاد؟ توكم شارينه.
- حسب رقم جوالك، آخر 15 مرة طلبت بيتزا دجاج حراق سميكة مع أطراف محشية بالجبن.

- خلاص جب لي نفسها.
- طيب، شرايك هالمرة تاخذ بيتزا خضار عجينة نحيفة بدون حشو أطراف؟

- لا ، أنا ما أحب الخضار.
- لكن الكوليسترول عندك مرتفع كثير.

- شدراك انت؟
- المستشفى اللي يراجع فحوصاتك رابط نظام الفحص مع غوغل، ونعرف نتائجك خلال السبع السنين الماضية.

- يا ذا النشبه، لا ما أبي بيتزا خضار، أنا عندي علاج للكوليسترول أستخدمه.
- لكنك ما تستخدم العلاج بانتظام، قبل 4 شهور اشتريت علبة من صيدلية الدواء فيها 30 حبة وما شريت بعدها.

- رحت صيدلية ثانية و اشتريت منها.
- ما فيه عمليات شراء أدوية على بطاقتك الائتمانية خلال الثلاث شهور اللي مضت.

- دفعت كاش.
- حسب بيانات البنك اللي تتعامل معاه، آخر عملية سحب نقدي كانت 150 ريال قبل 4 شهور.

- عندي كاش مخبيه من زمان، رحت صيدلية النهدي و اشتريت.
- صيدلية النهدي تحفظ جميع مشتريات الزبائن برقم جوالاتهم، وحسب رقمك ما راجعت الصيدلية من سنة.

- يا خوي اشفيك انت؟ خلاص ما نبي بيتزا ولا غوغل ولا واتساب ولا فيسبوك ولا تويتر ولا انستغرام، بطير من هالدنيا، بروح جزيرة ما فيها نت ولا جوالات ولا تلفون ولا أحد يتجسس علي.
- فهمتك يالحبيب، لكن اذا تبي تسافر لازم تجدد جوازك؛ منتهي من شهرين

(القصة السابقة تلخص التطور المستقبلي الملخص بكلمة : الحياة الرقمية
وهذا جد ما هو هزل )

الفيفي2017 05-04-18 10:56 PM

ههههههههههههههه
مشاركة رائعه والله يستر من تاليت هالتطور المخيف

يعطيك العافية


الساعة الآن 09:23 AM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا