بستشيركم
 

السلام عليكم اخباركم ياحلوين

عندي مشكله بالنسبه لي كبيره
انا اشارك مرات كثيره في مسابقات ع تويتر وانستقرام لكسب ايفون وما الى ذلك
ولكن كل مره مافوز لان المشتركين بالالاف والايفون واحد فقط
فانا من باب التذمر والعصبيه كتبت في تغريده فيما معناها
اني مقهوره واريد افوز بهديه الايفون ومن هذاك الكلام
المهم يجي شخص ماعرفه وقال ابشري وانا بهديك ايفون

طبعا انا مشكلتي هنا ان مثلا لو هذا الشخص فعلا اهداني ماذا اقول لاهلي لاني مااكذب ولا احب اكذب بهذي الامور ولو كنت ريحت ف مسابقه كان الامر اهون
وبالنهايه مسابقه اللي يعملوها رجال ما يعرفوني ولا اعرفهم يعني نفس حاله هذا الشخص اللي قال ايفونك علي
الحين لاتقولو انه يكذب مايهمني كذبه من صدقه الاهم لو فعلا الشخص اهداني الايفون ايش اقولهم وهل عادي لو قلت لهم كسبته من مسابقه
والله تعبت من تفكير صحيح بتقولو سخيفه ومن هذا الكلام
لكني محتاجه الايفون وبشده وماعندي القدره الماليه لاشتري
وشكرا بنتظر ردودكم

الله يرزقك بالايفون و اللي احسن منه بعد
بس ما اشوفها حلوة تاخذي الايفون بهذي الطريقة

و ممكن هالرجال يستغل هذا الشي
يتمنن عليك
او أي شي ثاني


الايفون و اللي احسن منه بيكون من نصيبك يوم بس انتي اصبري

خذيها قاعده في راسك ( لن تفوزين بجائزه ) مهما شاركتي في مسابقات حسابات شخصيه غير معتمده برعاه

لأن كلها نصب وإحتيال الغرض منها جذب عمل رتويت و فولو أو إنضمام لإشهار حساباتهم ومواقعهم وسلعهم لأكبر قدر بين الناس

-- اما من ناحية لو شاركتي في مسابقة عامه عبر الانترنت وفزتي بجائزه مهما كان نوع هذي الجائزه بإمكانك تطلبين إرسال جائزتك عبر إحدى وكالات الشحن المعتمده أو من خلال وسيط معتمد بإسم المسابقه حتى لو كان مقر المسابقه في دوله غير دولتك .

لا أنصحك لكونك أنثى من عائله محافظه تأخذي أي هديه من شخص غريب بدون مناسبه لأنك ستفتحي باب مع أهلك لمشاكل قد تكوني في غنى عنها .

دام انتي
ما تكذبين ولا تبين الكذب

ودام انتي متحمسه وبتين الايفون
والرجال تحمس وكريم ويبي يعطيك الايفون

مالك الا حل واحد

افتحي جهازك قدام الوالد او اخوك الكبير
وخليه يشوف اللي صار والردود
ويتواصل مع الرجال ويجيب لك الايفون وانتي تاخذين الايفون من ابوك



اذا ما تقدرين تسوين كذا

لا تاخذين الايفون

ي قلبي الله يرزقك بايفون وايباد وماك بوك
ومثل ماقال صاحب المنتدى "لاتصدقين كل هذة الاشياء"
ولا تنجرفين وراء هذولا كل كذب ف كذب واشياء خفية ماتدرين وش وراها

مع كلامهم لا تاخذينه :3: