((يا ما حلا الخبزة على صالي الصاج))
 

يا ما حلا الخبزة على صالي . الصاج
مع سمنة كل العرب ......... تشتهيها
تقلط عليها وقت الافطار .... يا حاج
تنسى العطش والجوع ونفسك تبيها
مع تمرة الجوبة وزبدة .... من انعاج
مع الشنينة زبدها ............. معتليها
وفنجال بن ريحته تشعل .... اسراج
عقب العماس وظلمة ........ تعتريها
ومن عقبها نمشي على كل ... منهاج
ونزور ربع بالملا ............ ونحتفيها
وين انت ياللي بالقصايد لك .. التاج
هات القوافي مسرجها .... ونحتريها

القارظ العنزي

.



وعلى أوتار القصيد كان لـ العزفِ أصالة
أستطاب بـ أذني الكلام وأنا اقرأ لك
أبدعت يا العنزي وأمتعت ، فـ شكراً لك

تحياتي

كفو يا ام الرجال هذا من ذوقك ولطفك يا ميمتي

صح لسانك اخوي القارظ

مبدع كالعاده

قصيدة راقة لي

تحيه لك ولقلمك

صح بدنك سيدي أعد النجوم اسعدني مرورك لاهنت

ادندن على العود . وارفع الصوت بالعاج
كلام موزون .. من قصايد لي .. احتويها

من علة ن .. في القلب . منها الفكر داج
علة ن ما تبرى . . إذا إني . . ما اكتويها

يالقارظ العنزي يانبراس على الراس تاج
يا صاحب الابيات . ينبوعها عذب وارتويها

تضوي .. في سما المسك .. كنها سراج
كل ليله على الواتس . انتظرها واحتريها


صح لسانك يالعنزي وسلم نبض قلبك وبنانك ...
ارويتنا من ينبوع شعرك العذب يا الغالي ...
رائعه تلك الابيات لله درك ...

لا خلا ولا عدم ...