|
مقتطفات شعريه هذه الابيات بعض من كتاباتي على تويتر حبيت انشرها ان شاء الله تنال اعجابكم بقلمي ابوالليل الشريف \\\\\\ حبك بقلبي يالحبيب غزاني والحب مايرحم قلوب المحبين \\\\\\ بكيت حتي الموت مافي افاده قالولي اكتب يمكن انها تسليك بس مالقيت من الكتابه سعاده بالعكس والله بين الاحزان ترميك \\\\\\ انا على وعدٍ قطعناه....... ملزوم لكنك انت خنت عهدك ...وموفاك وش فايدته الحب والقلب محروم من شوفتك لكانت مناه ...روياك ودعتك الله ياحبيبي عسى يوم ترجع تحن الروح للقاك ....ولقاك كل البلاوي كوم وفراقنا .....كوم الله ياخذني قبل يوم .....فرقاك \\\\\\ الله على ذيك البنيه تراها مزيونةٍ والزين من زينها زان سبحان رب الكون منه عطاها جمال يسحر ناظر الانس والجان \\\\\\ تبختري وانتي الذي تستحقين كل المدايح بالشعر والقوافي من وين ببدا ياغلاياي من وين مثلك ترى بين المزايين مافي \\\\\\ وش حيلته قلبٍ تخطفه الايام بين الليالي والهجر مارست به عايش وميت بين احلا ووهام غبني على قلبٍ زمانه غدر به \\\\\\ روحي فدا من قالت الخاص ممنوع انا اشهد انك بنت اصل وشريفه وانا بعد يابنت ماني من النوع الي يبي كل شخص يمشي بكيفه \\\\\\ يـازيـنها تحت اللـثـامــه تـراهـا تسحر وتبهر كل مـنهـو يـناظـر وسود العيون الي مزييد حلااها مافي مثيله بين ماضي وحاضر \\\\\\ ابيع روحي لجل عينك وراضيك بس المهم لاتزعلي من كلامي والله احبك حيييل يابنت وغليك وطيفك يلازمني بسهادي ومنامي \\\\\\ يلي شغلتي القلب من بين هالناس عسى السعاده ماتفارق...... سنينك \\\\\\ من يوم رحتي وقلبي يابنت كنه طير تبلل والبلل حيل غطاه من عقب ماكانت حياته بجنه صارت حياته نار من هول ماجاه \\\\\\ يامتعبة قلبي عسى القلب يفداك انا اشهد انك غاليه بكل الاحيان انتي امري القلب ويقول لباك يامترفه منك غدا القلب سكران \\\\\\ يــامــرحـبا تــرحـيـبة الـعز بـاللــي جانــي وقــلي بصــوته الحلو ilove من زينها ضــلـييت ثــابت محللــي كيف اوصفه ماقدرت الاقي له وصوف \\\\\\ ماهوب كيفك تجرح الروح وتروح ترى المشاعر ماهي لعبه بدينك ماتدري اني بغيبتك صرت مجروح ومايدوي جروحي سوى رمش عينك \\\\\\ ولا لك الا الصبر والصبر حراق هذا مصير العاشق وذاك حظه وسلامتكم |
صح السانك ابو الليل ومن عادتك الابداع لاهنت |
ابيات جميله استمر صح لسانك |
صح لسانك شاعرنا كلك إبداع وجمال |
كتبت حتى .. حبر القلم . جف وبكيت حتى .. جفت . دموعي حسيت بشي جو المحاني رف اثاريه قلبي .. داخل . ضلوعي صح لسانك يا .. ابو شرف .. مقتطفات جزله من شاعر جزل .. راقت لي وفالك البيرق ... لا خلا ولا عدم ... |
. الله ..! وكأنك شهقت الغيم وأتيتنا بـ مطرٍ كثيف شكراً لـ فحوى من جمال فيها أجدت الشعر وأترفت تحياتي لك |
| الساعة الآن 08:01 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا