((قالوا تغزل والغزل يجرح الصوم؟))
 

قالوا تغزل والغزل يجرح .... الصوم
متى تتوب وتعلن بالتوب ........ نية
قلت : الحقيقة صاحبي عنده علوم
روحوا انشدوه وعنده فتوى القضية
الشيخ ابو ضاوي مع البيض منجوم
كم وحدة راحت لضاوي ..... ضحية
هو شيخي اللي شال ذنبي . ومليوم
كل ما بغينا انتوب يقسم ....... عليه
بغيت اتوب وقال لا لا ... يا محروم
اصبر معي بالعشق وباقي .... شوية
اما نتوب ونقلع عن حبهن ...... دوم
والا معي للنار ونمشي ......... سوية
الله يصيبك يا بو ضاوي مع . القوم
اللي نووا بي شر وشر ......... البلية
منعتني لا توب وش حيلتي .. اليوم
غالي علينا والوفاء لي ........ سجية
امشي على خاطرك ولو كنت مظلوم
وعسى الولي يغفر ذنوب ... وخطية

القارظ العنزي

صح لسانك ولا هنت

والله يبعد نا وياك وكل مسلم عن النار


سلمت

كنك بهذا الشعر ياخوك مغروم
صاحبك ناوي لك ترا شر نيه

تراه ابوسلمان ظامي ومحروم
يبغى يتسبح في بحور النديه

يسهر على لحن المعنا وكلثوم
ويقول ياليل الطرب الف حييه

انا اعرفه غاوي لعب وعقله يحوم
بعد العذارا عند ذيك .....البنيه

لكن صراحه جلسته تطرد النوم
يازينها معه السوالف ...حلييه

صح لسانك اخي القارظ
ابدعت بالوصف والله

ههههههههههههههه طيب يا القارظ ...
خير ان شاء الله .. لي عوده بعون الله ..

اللهم آمين وصح بدنك ولاهنت يالغالي الغاوي

احذر من الفتنة يابو الليل ملزوم
ابعد عن الضاوي لا تزعل .. عليه
نصيحة مجرب ياما طاح ويقوم
ومرت عليه من الضاوي ..... بلية
احذر ترى سحره الاسود ومبروم
يرمي لك العقدة بلطف .. وخفية
سحره عظيم بين الاسحار مشؤم
ما ينفعك كثر القراوي ....... ونية