مغمور
 

..


كم لي وانا مبعد عن مصافح النور
عن موطني مسك الغلا والحبايب

..

ما هو على كيفي ولاني بمجبور
حدتني ظروف الزمن والنوايب

..

يا ظرفي اللي حدني منت مشكور
غَرَّبتني وأصبحت مبعد وغايب

..

عن شوف من حبيت والحب دكتور
يعالج جروح القلوب العطايب

..

شاعر واحس بلاهب الجوف والزور
تمر بانفاسي مرور الهبايب

..

احيان احس بغطرسة شعر وغرور
تقول وين اللي يصوغ العجايب

..

واحيان احس إني مغيب عن الدور
والوقت ذا وقت العنا والغرايب

..

والشعر له فكره ومعنى ودستور
لا تحسب إن الشعر بيديك سايب

..

صحيح انا مغمور ماني بمشهور
لكنْ لي فالمسك جملة حبايب

..

مع السلامه قلتها لك من شهور
ولاني بمخطي ولاني بصايب

..

//


هايم .. اللي يحبكم كثير .. يا بني سويده



....

.



رائع ومُحلّق ومُشرق
أتيت ومحبرتك بـ صيدٍ ثمين
فـ أهلاً بك كثيراً
وبـ جرعة الجمال التي أهديت

تحياتي لك

مرحباً بعودتك أخ هايم
وهذا منزلك الاخر لتتردد عليه بعد جولات غيابك
،
نثرت لوناً مشرقاً فلا تحرمنا جديد ابداعك

صح لسانك وعلا شانك

رائعه يا رائع

..


انا من عشاق المرور الفخم .. يمكن اكثر من الموضوع نفسه


عيني فلا هلت .. يا احلى ام من بين امهات الرجال كلهم

انتي وردك الراقي

.. مستانس الاخ :الجوهره::الجوهره::الجوهره:


..

..

يا هلا بكوكب اورانوس كله

وبها الطله الجميله الحلوه

:0005::0005::0005:

وورد كمان :ah11::ah11::ah11:

..

..


عيني فلا هلت يالغاوي .. ويا مرحبا فيك

وصح بدنك .. وجعلك دايم حولي

:MonTaseR_57::MonTaseR_57:



..

..


ياااااا وجه الله ..


ها ويش اقول ويش اخلي .. قدامك يا مجنون

باقي شوي واطير

عيني فلا هلت .. يا احلى احساس شاعر في الدنيا

والله ودي وانا اخوك اني افضى من كل المشاغل في الدنيا

ومن السفر ومن كل شي ..


مع اني اجتماعي من الدرجه الاولى .. هههه مصدق نفسه الاخ

لا جد .. بس على الطبيعه .. اما في المنتديات او شبكات التواصل نادر ما اتواجد

احب اعيش الحياه مع الناس كذا على الحقيقه

بس ما عليك ابشر .. ان شاء الله بتشوفني مسنتر على طول إلين تكرهني


:iqf03163::iqf03163::iqf03163:


..

مواطن الجمال غالبًا مغمورة

عودة جميلة ..صح لسانك

اهلا هايم ..

قصيدة كلها احساس ..


صح لسانك

يا هلا بشاعرة المنتدى الاجمل

الزياره هذي يبيلها وقفة احترام

وهج بكلها هنا .. مشكووووووره شكر عميق جدا

والله الإحساس مرورش الجميل

شكرا لجمالش يالنور

شاعر مبدع ياهايم

والشعر له فكره ومعنى ودستور
لا تحسب إن الشعر بيديك سايب

..

صحيح انا مغمور ماني بمشهور
لكنْ لي فالمسك جملة حبايب

..

مع السلامه قلتها لك من شهور
ولاني بمخطي ولاني بصايب


صح لسانك وعلا شأنك

احسنت الإحساس وفقك الرحمن

شاعر وانا اشهد ننتظر مزيدك

المشرق ان شاءالله

صح لسانك
واهلا بعودتك لمنتداك
يعطيك العافية

صح لسانك (هايم)