|
صباح الخير.. صدق الي قال من زان نومه زان يومه من صحيت وانا قافله معي متعوده انام بدري حتى ما اتعشى امس كانت اخر جولة حق مسابقة تاتي واخذت غفوه بسيطه بعد ما حطيت لي سبعه وعشرين منبه قبل الساعه 10 عشان ما اخسر في اخر الجوله المهم .. بعدها جيت انام الا واختي الصغيره جت تنطنط فوق راسي عشان ايش عشان اكون صاحيه مصحصحه بعد يومين في العزيمه وما نمت الا الساعه 2 الليل وتلقائي قمت الساعه 5 الفجر يالله ي الصدااااااع والغثيااااان وفوق هذا انحرمت من شي اليوم الي كان قلبي يحبه في محل عندنا يبيعون فيه شوربه من سنين واحنا ناخذ منهم وكذا نشرب بالكاسات بدون اي اتيكيت المهم قبل سنتين دريت انهم يخلطون مرق التقاطيع او الكرش فيها وانا يوم سمعت كذا هجرتها سنتين والشوربه هذي يحبها قلبي ما قويت من كم يوم جلست اقنع نفسي واكذب ع الخبر واقول الي قالها يمكن اشاعه الحين ما تهنيت فيها شهرين اليوم وانا اشرب الاقي ف كاستي قطعة كرش > الله يديم النعمه بسس ليه ليه كل ما حبيت شي من قلبي اضضطر ابتعد عنه :30: |
صبّح صبّح عطوني كاسة ماي بالله ياخي محدثتكم توها ترجع بعد قضاء 8 ايام خارج التغطيه مدري احيانا اخربها الاسبوع هذا اعطيتني اجازه من نفسي وبدون سابق انذار لاي احد فجاه اختفيت وسحبت ع العالم كله المهم.. حسيت بشعور غريب يوم رجعت البيت بعد هالمده لدرجة اني سويت جلسة بكاء دمعه عقبها دمعتين ثم ثلاث واربع وبعدها اررررررتحت مدري وش كان شعوره المهم.. على هالطاري قبل كم سنه كنت من النوع الي مستحيل اصيح بسهوله حتى لو شنو كنت اشوف البكاء نوع من الضعف وكنت اقاوم لكن الحين نظريتي تغيرت صرت اشوف البكاء مصدر القووه حرفيا احس كل ما بكيت صرت اقوى لذالك.. احب انصحكم فيه بس اهم شي انتبهو مش قدام الناس < لا زالت تشوف انه ضعععف وانتبهو يمر عليكم موقف حزين وتمشونه لازم تعطون كل حزن حقه لا تتجاهلون ابد الرغبه بالبكاء اجلسو صيحو لين ما تحسو انو ما عاد بقى من الدمع شي ياخي شعور هالعباره (كيوم ولدته امه) بمعنى الكلمه < من ناحية الراحه الي تجي بعد البكاء ^ ويا حبذا لو هالجلسه تكون على سجادة الصلاة :نبض: والمعذره :رحيق: ما عرفت ارد بالتقييمات وانا خارج البيت وخارج التغطيه :30: |
ما فائدة ان يكون الإنسان محبوبًا وهو لا يملك شخصًا واحدًا على الأقل ليتحدّث معه عمّا يؤلم قلبه؟ ..:30: |
1444/3/25 الحمد لله دائمًا وابدًا على كل حال اللهم اجرني في مصيبتي واخلف لي خيرًا منها . - اللهم إني أشهدك بأني قد رضيتُ بكل ما أردته لي من عطاء ومن حِرمان من جبر ومن كسر من فرح ومن ألم ومن نجاح ومن فشل رضيت بما قسمته لي فأرضِني بفرح وجبر من حيث لا أحتسِب |
اللهم آمين :رحيق:.. شكرا لكم على الدعوات الحلوه والجميله وابد الله يسلمكم ما فيه شي كايد الدعوه هذي انا اقولها في كل صغيره وكبيره يعني الحمد لله ما في خبر وفاه ولا شي صارت لي حادثه بسيطه في طريق الحياه وحسبي الله ونعم الوكيل فيمن كان السبب واللي بسببه انحطيت في هذا الموقف حرفياً ما عمري وصل فيني هالمواصيل اني اقوم ادعي على احد :30: لكن هالمره ما برد قلبي الا بهالطريقه كان فعلاً اسبوع مرهق جداً > من كمية الالم والصدمه من الاربعاء الماضي لهذا الاربعاء والحمد لله اولاً وآخراً واكيد الحياه حلوه رغم مرارتها بكرا راح انسى ولا كانه شي صار والمهم والاهم شكرا لكم والله للمره الالف :رحيق:.. |
عبارتي اللي دايما اقولها للناس (اعطو كل حزن حقه) احيانا ماعرف اطبقها بنفسي طول الاسبوع الي راح كنت طريحة الفراش والسبب اني ما اعطيت لنفسي فرصه انها تاخذ وقتها من الحزن والارهاق حاولت اني اتجاوز الموقف دون لفت المزيد من الانتباه لكن بالنهايه صحتي هي الي دفعت ثمن المهم لا باس اخذنا الوقت الكافي من التعب حدثنا وفضفضنا عانينا وتعافينا وراح نبدا من جديد ودام اني دعيت على احد بالعلن راح اقول بعد انو ما عاد في خاطري شي على احد واني نظفت خاطري وسامحت احس انك تكون شايل بخاطرك شي على احد اثقل من انك تسامحه بينك وبين نفسك لذالك دايما اني اسامح لنفسي ولذاتي بغض النظر عن حجم الاذى او الشخص |
| الساعة الآن 01:25 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا