اول بيت شعري فاضت به قريحتك
 

بسم الله الرحمن الرحيم


الله يسعد مساكم واوقاتكم بكل خير


موضوع خفيف وحلو باذن الله . يخص شعراء مسك الغلا وايضا اعضاء مسك من لديه موهبة الشعر لكن ساكتين وما يبينون


هنا نريد فقط منك

اول بيت قلته او اول بيت نطقت به شعرا

ارجو من له علاقه بالموضوع التفاعل


حلو ان نتذكر اول دقائق اشعارنا


دمتم بود

بانتظار مشاركتكم

انا اول بيت
اتذكره لان له قصه

العصر نلعب بالحواري يوميا تحمسنا الشمس لين ندوخ من اللعب
الوالد الله يرحمه قال لا تروح العصر ودني المزرعه

ما ادري ذاك اليوم هو كان عندنا مباراة او عندنا تحدي مدري بس كان اللعب مهم ذاك اليوم
طبعا الوالد الله يغفر له امره نافذ مهما يكون

وحنا بالطريق

قلت بصوت مسموع شوي

وش جابني يم المزارع والبعارين /// يا ليتني وسط الملاعب اراكض


التفت علي الله يرحمه قال وش تقول وهو يبتسم عدته عليه
مسكني مع اذني مسكه حانيه

قال لا تحرص ونا بوك قلت ان شاء الله قال لا اوعدني ما تحرص قلت وعد يا بيي

قال ايه ما نفع خوانك وخوالك

ومن يومها ما احرص على اللي تجي عليه طبعا عمري ذاك الوقت يمكن بالطعش كم بالضبط مدري

وهذا اول بيت

وش جابني يم المزارع والبعارين /// يا ليتني وسط الملاعب اراكض

وسلامتكم

فكره جميلة يعطيك الله العافية

وللاسف الى الان لم نجد ذلك البيت

منور الفيفي

زان الموضوع بتواجدك
وان شاء الله تلقاه اذا ترغب انك تلقاه

والله ياخوي الغاوي

انا اكتب الشعر من فتره الطفوله

لكن والله مااذكر اول قصيده كتبتها

لكن اللي دايم كنت اردده قصيده بالفصحى تقول

الحب كماء الورد تشربه(و)
شرابن ذو لهفه وعذوبه ومذاقي
يدخل في القلب ويبقى ويسكنه(و)
من يسكن القلب صعب الفراقي

يا جعلك لولة العمر والله

تكفى حاول تتذكر اول بيت كتبته
او على الاقل اقدم بيت تتذكره لك