|
دهب قشره دهب قشره [youtube]https://www.************/watch?v=BdM9Ut7KPT8[/youtube] دهب قشره عاجبكم شكلي وملامحي لوني بلون النيل المزروع علي تربته قمحي وعيوني الخضره شاغلاكم وبصه غريبه علي وشي قالقاكم طب أمشي ولا أستنى وألقاكم صدقوني مش هعجبكم أصل كلامي من الوجع هيشيبكم مدام بتبصوا للمظهر وللبشره أكيد هتتغروا بدهب قشره جوا القلوب جمال رباني مفيهوش غش ولا تزييف مستحيل قلبي يدق بنبض قلب تاني حتي لو بيموت وضعيف قلوبنا في كف مولانا هو إللي يغير معالمها هو العالم باللي جوانا وخفايا القلوب مين غيره عالمها بإيده يقلبها او يثبتها بإيده يخلي الهوى سلطان او قلوبنا يموتها لما تحن لعشق زمان لناس هانت عليهم العشره باعت صاغة دهب علشان جرام قشره يا عشاق المظاهر مع الإتيكيت انا صعيدي وباني بطين البيت وارضي سقيتها من عرقي ودموعي لما بكيت ولو عاجبكم قميصي خدوه وادوني جلابيه وغيط وجاموسه أرعاها وكام غنمه وكام معزه ياما جا من ورا الجاموسه كتاب وياما طلع واعظه مشايخ علمتنا اصول وكتبهم للثقافه اصول وجابوا في الادب بالأدب عشره على عشره ناس دهب ماهيش قشره يا عشاق الدهب قشره يا بايعين عشرة سنين ببلاش بعتلكم سنين عمري وكأنه مجاش وسهرت ليالي أواسيكم علي اللي إنجرح فيكم ولما طاب للزمن جرحي دورت عليكم وملقتكوش بقالي سنين مصاحب بياعين عشره بقالي سنين شاري دهب طلع قشره ياسر إبراهيم خليفه (بكاء بلادموع) |
صح لسانك ابدعت واجدت واللهجه المصريه جميله جدا تحيه لك |
ياسر ! لأول مرة أقرأ خاطرة باللهجة المصرية أبدعت وأخذتنا لشعورٍ جميل دمت كما تحب |
الله الله .. أصالة المعنى وأصالة اللهجة نص يزخر بالوفاء وبالاكتفاء رائع كروعتك أنت يعطيك العافية تحيتي |
بنكهة إبن النيل .. وأصالة المعنى سقتَ السُقيا للقلوب / كعادتكـ رائع أيها الجميل فلا زلت أتلذذ بمعزوفتك [ صراع مع النفس ] كن بخير أنت ومِصر .. |
حين يراود الإحساس جسد القصيد هل يجوز للحرف ان يكتب غير الابداع بإحساسكم تجمل جسد القصيد وروحه تجملت بحروفكم عزفت الأوتار على مكامن الجمال وبكم كل العطايا أُجزلت شكرا لكم إخوتي وأحبتي |
| الساعة الآن 01:36 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا