07-28-18, 02:31 PM
| #1 | ||||||||||||||||
   العـ(احمد)ـالمي
| 
قصيدة مؤثره بالام
خايف عليها من الثّرى غطاها... والا الحصى حافي..أخاف أذّاها... أكرم عليها بالكفن يامطوّع... بالبيت ظلّ فراشها وغطاها... أكرم عليها بالكفن هذي امي... واشهد عليها بما عطت يمناها... هذي الضّحى والليل يتحرونه... هذي السّماء ونجومها تنعاها... هذي السوالف مثلنا تبكيها... والأرض تنشد عن أثر لخطاها... هذي الكبيرة كبر هذي الدنيا... هذي العظيمه جلّ من سواها... أبكي عليها مو نهار وليله...! ولا سنه تمشي وأعد قضاها... أبكي عليها كثر ماشالتني... وكثر الحنين اللي إختلط بغناها... وكثر الأسامي..وكثر من سمّوها... وكثر النجوم..وكثر من يرعاها... ابكي عليها من القهر يادنيا... من لي انا؟ من لي عقب فرقاها ؟ من فتحت عيني.. ولا خلّتني... شوفوا ولدها بالقبر خلاها !! هلّ التراب بوجهها.. ماقصّر... شفتوا ولدها كيف هو جازاها ؟ لو إنها مكاني ماسوّتها... لكن أعزّ عيالها سواها... يالدود شفها ذابله .. جنّبها... أنا ولدها .. وحاضر .. وأفداها... قطّعني هاك اللي تبي من جسمي... بس الكريمه لا تجي بحذاها... وأوصيك أمانه قل لها تعذرني... وتكفى تروح تحب لي ماطاها... أبيها تغفر لي مثل ماكانت... كل خمله مني بطيبها .. ترفاها... ياالله عساها بالنعيم الخالد... وعساها في جنة عدن سكناها... يافضو هذا الكون .. ياهو خالي... ياضيق هذي الدنيا .. يا مقساها... يامر طعم فراقها.. يامرّه... ماني مصدق أرجع وما ألقاها؟! وشلون أجي غرفتها ماهي فيها؟ وش عذري لسبحتها .. ومصلّاها؟ شـ أقول أنا لدولابها , لشنطتها؟ واذا سألني مشطها , وحنّاها؟ وعباتها , ومي زمزم , ومصحفها؟ والمبخره ,ورشوشها, وإدواها؟ الكل في غرفتها متفقدها ... حتى الجدار .. مفطّر ويرجاها... الكل يبكيها .. ماهو ناسيها... يالله صبّرني شلون أنساها... ياليتها ماراحت وخلتني... أو وسعت لي بالقبر وياها.. | ||||||||||||||||
| |
|
07-28-18, 02:50 PM
| #2 | |||||||||
 
|  يُمّــه أخيلك مــن هنـــا مـا بيــن ليــل ونجمتين وأرسمْك في عين الوجود المتعب أوطان وبلاد من غربتي لي في بقايـا عطــرك الــزاكي يقين لا هفهف المــوت ونساني بيــن شكّي والــرّماد مؤثّرة تدعو للصّمت والإنهمار ... | |||||||||
| |
|
07-28-18, 06:30 PM
| #3 | |||||||||||||||||||||||||||||||||||||
| العـ(احمد)ـالمي
|
دائما الابداع مرافق لك بكل حالاتك اشكرك على روعة مرورك واجمال اضافتك ودي لك | |||||||||||||||||||||||||||||||||||||
| | ||||||||||||||||||||||||||||||||||||||
|
07-29-18, 01:24 AM
| #4 | |||||||||||||||||
 
| من فتحت عيني.. ولا خلّتني... شوفوا ولدها بالقبر خلاها ——- ياليتها ماراحت وخلتني... أو وسعت لي بالقبر وياها هنا قمه الانكسار قمة الضعف قمة الوجع  يعطيك العافيه | |||||||||||||||||
| |
|
07-29-18, 05:04 AM
| #5 | |||||||||||||||||||||||||||||||||||||
| العـ(احمد)ـالمي
|
الله يعافيك واشكرك على روعة مرورك الرائع ودي لك | |||||||||||||||||||||||||||||||||||||
| | ||||||||||||||||||||||||||||||||||||||
|
07-30-18, 03:49 AM
| #6 | ||||||||||||
|
أبياتٌ مبكية .. تحمل حباً وكرماً لقلبٍ ضحى ، سعى وأعطى حفظ الله الأحياء منهم ورحم الأموات وأسكنهم فردوسه | ||||||||||||
| |
