السلام عليكم
مساء الخير
بنقصر الليل بمحاورة ..
اللي قريب من الميدان يتفضل ويشد حيله

"
السلام يتقدم والنداء له مجيب
يا سلامي على الشعار ما أخص أحد
"
ودي بشاعرٍ عن واجبه ما يغيب
يعرف الأولة واللي تجي من بعد

"
بانتظاركم ...

الله الله
صح لسانك واستلم :

==
البقاء يا زبون الموقف اللي صعيب
يا كفو في المهمة جيتني مستعد
"
لا تعد النجوم و لا تعدّى الرقيب
شوف درب النجاة وعنه لا تبتعد

"
من ترقّت عزومه ما غدا له ذهيب
والعزوم الضعيفة حظها ما صعد
"
اشرب الصبر في الأمجاد شرب الحليب
من فقد طول باله .. لو زرع ما حصد