إضافة رد
 
LinkBack أدوات الموضوع انواع عرض الموضوع
قديم 08-10-18, 11:19 AM   #1
القارظ العنزي

الصورة الرمزية القارظ العنزي

 الأوسمة و جوائز

افتراضي ((يا بنت ما ينفع لنا حب شخصين))



يا بنت ما ينفع لنا حب ..... شخصين
أما لنا والا لذاك ................. الوليدة
ما يجتمع يا بنت بالقلب ....... حبين
نصبح ثلاثة ما تجي ......... بالعقيدة
ان طعتني تسمع من القول ... يا زين
هذا ارضعيه وذاك عطه ..... الحديدة
خوذي رؤس اقلام وبعض . العناوين
لا ترتمي باحضانه واحذر ...... تزيده
ترى رفيقي يوفي بالعهد ...... والدين
مير البلا جلده يسم .......... الخريدة
يحط لك وسمه ان باسك .... بخدين
بوسة رفيقي تجرحك ....... يالفريدة
وانا ادري انه طيب ويطرب ... العين
وايضا عزيز بربعه وباقي .... البديدة
المشكلة خشونته زادته .......... شين
وانتي لطيفة وبالخلايق ....... وديدة
لو شفتني يالترف احلا من ..... التين
واحلا من طعم الفاكهة ..... والثريدة
واحلا من ذوقك للعسل والعسل وين
وايضا خبير في سواة ...... العصيدة

القارظ العنزي


 


رد مع اقتباس
قديم 08-11-18, 09:45 AM   #2
احلام عابره

الصورة الرمزية احلام عابره
تاج النساء

MMS ~

 الأوسمة و جوائز

افتراضي



قلبي يبيك انت يا اغلى من العين
اجيك حافي لو ديارك.......بعيده

هذا الكلام الجد ما بحكي شكلين
وقلبي عنيد وصعب حد يصيده

ايه اعشق واحب بالقلب والعين
لكن قويه وجريئه .......وعنيده

واحب المهر كاش ماتعامل بالدين
واحب العسل وانت... والعصيده

واحب الرجل كريم وطبعه...زين
ولاهمني خشن ايدينه.. وخديده

المهم سياره وفله .... ومليونين
ويعشق جنوني واسري. بوريده

وانا معك مايسكن القلب .حبين
هوحب واحدويقعدك عالحديده

هاذي طبوعي ما تلقى بها.شين
وهذا غرامي وكل الي.... اريده


هههههههه
شكل العصيده عجبتني
وهيضت قلمي
هههههه

ابدعت يالقارض
اضحك الله سنك

احترامي


 

رد مع اقتباس
قديم 08-11-18, 10:18 AM   #3
القارظ العنزي

الصورة الرمزية القارظ العنزي

 الأوسمة و جوائز

افتراضي



انا اشهد انك يالغلا تطرب ... العين
وعز الله انك بالصبايا ...... عميدة
وانا تراني بينهم اعشق ...... الزين
واموت باللي تفتهم ..... بالقصيدة
لكن ترى ما فيه فلة ...... وقرشين
ولا فيه موتر عندنا ....... يالعنيدة
اخوك والله بالملا ممتلي ...... دين
يعني تراني يالغضي ع .. الحديدة
اعيش انا غربة مع عيشة ... البين
وان جيتكم يا قوم ما لي .. بديدة
مسكين مثلي عايش .. والمساكين
ولا يوم وحدة حطتن في .. وريده
وان جيت للضاوي ما يعطي الشين
اشحذ على بابه وطلب ..... مديده
ويقول لي اقلب بصفعة .... وكفين
مثل اليهودي ما بقلبه ....... وديدة
محتاج انا للحب رحمة مع .. اللين
صدقة عواطف والحوايج . عديدة
ان كانها يالترف حولك .... وتعنين
عجل بها والا نعيش ...... بعصيدة
ابي سلف يازين هالحين . هالحين
نشري بها الخبزة ونحوس الثريدة
نبي انتعيش لين يجي الفرج لين
من ربي اللي ما تناسى ..... عبيدة


 

رد مع اقتباس
قديم 08-11-18, 11:42 AM   #4
احلام عابره

الصورة الرمزية احلام عابره
تاج النساء

MMS ~

 الأوسمة و جوائز

Icon N2



اليوم ياخوي وانا والصبايا نتمشين
لمحت اسمك وصورتك... بالجريده

ياساتر! ليكون صاحبي...... سجين
مسكين يالعنزي...والكلبشات بايده

فزعت وتحدرت دمعة........ العين
وقلت ياناس صاحبي من... يعيده

مرن الضاوي وقال ياحلام ليه تبكين
وعلامك فزعانه وكنك........ شريده

رديت والصوت مبحوح .....وحزين
شف صورت صاحبك قارظ بالجريده

صاحبنا وانت تعرفه ماله بدرب الشين
ناصره وخلك بجانبه ........يا عضيده

ضحك بعالي الصوت وقلي. لا تندبين
هاذي مسابقة..... شعر ......يالعنيده

دخلها صاحبنا وفاز .......بالمليونين
وياعسى ايامنا تصبح .......سعيده


هههههههههه
هيك فزت وخدت المليونين
لا تشكي الفقر بعد هيك

ههههههه

وينك يالضاوي عشان تاخد حصتك


 

رد مع اقتباس
قديم 08-11-18, 01:36 PM   #5
القارظ العنزي

الصورة الرمزية القارظ العنزي

 الأوسمة و جوائز

افتراضي



الضاوي والله ما صدق يا ريش العين
ولا شفتي شكلي يالغضي . بالجريدة
صحيح ما مشي يالغلا بسكة . الشين
لكني اشبك مع كفوف ....... الخريدة
وفقري طبيعة مبطي مع كثرة الدين
من الواجب اللي نذبحه مع ... وريده
يوم الردي يجمع فلوسه من ... سنين
واكبر همومه بس يراقب ..... رصيده
انا رصيدي ابلج ذرب ن ......... يعين
عند اللوازم يرخص باللي ...... نريدة
نقسم الرزقة بيننا ......... بعهد ودين
هذي عوايد صاحبي ......... يالعنيدة
انا فقير ومن عشير ......... الفقيرين
والا كثير المال ماني ........... نديده
تطربني اللي بالحلا كلها ......... زين
ادعج غنج مثل العناق ....... الفريدة
وعيونها تشبه لعيون ...... الشياهين
من فعلها بالخرب ما له ....... شريدة
وخدودها مثل الزهر ....... بالبساتين
يا ليتني قلادته وسط .......... جيده
هذي وصايف عشقتي ..... بالمزايين
ما مثلها يا سيدي ............ بالبديدة


 

رد مع اقتباس
قديم 08-11-18, 01:55 PM   #6
taymiyah

الصورة الرمزية taymiyah

المكان »  MAROCE CasaBlanCa
MMS ~

 الأوسمة و جوائز

افتراضي



صح لسانكم


 

رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



| أصدقاء منتدى مسك الغلا |


الساعة الآن 11:35 AM.

Powered by vBulletin® Copyright ©2000 - 2019, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
بدعم من : المرحبي . كوم | Developed by : Marhabi SeoV2
جميع الحقوق محفوظه لـ منتديات مسك الغلا