08-21-18, 06:50 PM
| #7 | |||||||||
 
|   | |||||||||
 |
|
08-21-18, 07:00 PM
| #8 | |||||||||
|
كل عام وانتم بخير وعيد اضحى سعيد يارب عليكم.. دووم في المناسبات احاول اكون متواجد في غرفتي (بسبب اني ابكم ) طبعا مو خجل من هالشي بس بسبب عدم القدرة على التأقلم من الطرف الآخر .. يعني في كثير من المناسبات اكتفي بتوزيع الابتسامات .. او اني ابحث عن أحد من اخواني عشان اكلمه بالاشارة وهو يترجم اللي ابغى احكيه.. وهنا ابدأ اتضايق بسبب اني مو قادر ارد او او صل الشي اللي حاب افهمه للي يحكي معي مباشرة بدون وسيط .. هالشي صار معي اليوم كنت اتمنى اوصل الحكي بدون مترجم ههه. مجرد ثرثرة ... | |||||||||
| |
|
08-22-18, 02:38 AM
| #9 | |||||||||
|
اليوم كان جمعة العيلة احنا واعمامي وعايلاتهم ولان ابوي الكبير كان اليوم عندنا . اجتمعنا وسوالف وضحك ولعب طبعا اكثر واحد ضحك ووزع ابتسامات انا .. وجا وقت حبيت اطلع واترك كل شي .. فعلا طلعت ع الساعة ١٠ ورحت الكوفي اللي اعتبره زاوية خاصة فيني .. جلست وطلبت لاتيه بارد .. الكوفي ماكان زحمة .. واتا جالس اطالع في الموجودين .. الكل مشغول بموبايله .. طيب ليش جيتوا الكوفي المفروض عشان تحكوا مع بعض وتسولفوا ..لكن للاسف اتوقع برامج التواصل قضت على هالشي .. فجأة وصلوا اثنين وجلسوا في الطاولة اللي جنب وبداوا يحكوا .. لكن كيف ؟ والله العظيم بالاشارة وكان ربي ارسلهم لي هههه. طبعا انا ماحاولت اتواصل معاهم يس جلست اتابع اشاراتهم لبعض .. ومن لقافتي عرفت ايش كانوا يقولوا .. الله يغفر لي بس .. واحد منهم زواجه بعد اسبوع والثاني يعاتبه لانهم كانوا متفقين يتزوجوا نع بعض .. خلصت اللاتية وطلعت وهم لسه جالسين يسولفوا لاموبايلات ولا تكنلوجيا .. | |||||||||
| |
|
08-31-18, 08:26 PM
| #10 | |||||||||
|
العيد هالسنة غير يمكن ناسبني انا اكثر خاصة في خصوصيتي .. العادة اول يوم بالعيد نطلع نصلي وبعد كذا نضحي .. وطبعا عادة عندنا اول يوم بالعيد نحتمع مع عائلات اعمامي .. طبعا الوضع الصحي كان سبب كافي لإني مااحضر هالاجتماع زكام على سخونة واحمرار في الانف .. الوالد مااقتنع بس البركة في امي اقنعته .. طبعا جلست اشوف التي في واغاني العيد واتذكر جمال الطفولة لماكنت انام حاضن ملابس العيد وكاني خايف تسرق او تضيع مني. تذكرت كيف كنا نفرح بالعيد والفعاليات اللي فيه ملاهي او روحتنا الحديقة او احيان استراحة ... كنت احب كثير روحتنا الملاهي .. الحين اصبح العيد باهت اعتقد برامج التواصل الاجتماعي قضت على فرحتنا بالعيد وفرحتني بلقاء اقاربنا او اصدقاءنا ..اصبحت مجرد رساله كافية انها تعبر عن المشاعر ..حتى لوكانت رسالة احساسها ميت .. | |||||||||
| |
|
09-01-18, 10:44 PM
| #11 | |||||||||
|
احيان ننحط بمواقف لانحسد عليها ونتمنى محد ينحط فيها والله.. اللي صار اليوم كنت طالع اجيب اهلي من بيت خالي.. وفي الطريق حبيت اخذ قهوة من ستار بوكس .. ما شاء الله كان المكان مزدحم وقفت السيارة في اقرب مكان ونزلت.. اخذت طلبي ورجعت للسيارة .. طبعا والله ملتزم دوم بحزام الامان ومستحيل امسك الجوال وانا اسوق المهم طلعت ولسه دوبي ارتشف اول رشفة من قهوتي .. الا واطالع وعسكري مروري واقف ع راسي ... طالعت فيه ونزلت قزاز السيارة .. طبعا طلب الرخصة والاستمارة اعطيته اللي طلبه الا ويقولي لارابط حزام وكمان تتكلم بالجوال ؟.. انصدمت والله ومو عارف كيف افهمه اني واقف اشرب قهوة مامشيت بالسيارة.. وجالس ارد ع اهلي بالواتس .. اللي قهرني مو فاهمني لا ويقولي والله لو تسوي نفسك اعمى كمان حتاخذ القسيمة حتاخذها.. طبعا تعبت افهمه بالاشارة لكن كان يظن اني استهبل واسوي حركات.. بالاخير اتصلت ع اخوي وشرحت له الوضع واعطي العسكري الجوال يقولي مااعترف بالواسطات .. اي وسطات يابن الحلال والله رفع ضغطي الله يسامحه ... رجع اخوي قال لي افتح المكبر عشان يسمعني.. فتحت المكبر وبدا اخوي يتكلم ويفهمه واخيرا اخونا في الله فهم بس بعد شو .. المهم بعد هذا كله اعطني المخالفة واخذتها على مضض.. اللي يقهر هو ماسكني عشان حزام وجوال .. وفي الاخير عطاني قسيمة وقف خاطئ ... انجلط انا وكان ودي ارجع له بس للاسف مافي مترجم هههه. | |||||||||
| |
|
09-04-18, 10:16 PM
| #12 | |||||||||
|
الفقد .. الكلمة في حد ذاتها مؤلمة جدا .. فكيف ان حدث ذلك الفقد ؟ اليوم توفت والدة صديقي المقرب يوسف .. كم كان المنظر مؤلم .. يوسف ذلك الصديق المبتسم دائما صاحب الضحكة العالية نادرا أن اراه عاضب او حزين او زعلان.. اليوم رايت ذلك اليوسف يتفطر قلبه حزنا.. يبكي قهرا والماً يبحث في عيون والده واخوته ويستجديهم ان لا تذهب والدته يالله مؤلم جداً مارايته حاولوا تهدئته كان كالطفل يهذي إلا امي إلا أمي .. بكى وابكانا .. فقد اجمل مافي هذا الكون. تمنيت لوإني كنت استطيع الكلام .. لكنت صرخت فيهم دعوه يبكي فالبكاء والالم اكبر منه.. وإن لم يكن البكاء على الام فعلى من يبكي وهل هناك اكثر من فقد الام لكي يتالم ويبكي.. اليوم كان اول أيام العزاء .. حين عدت الى البيت كنت فقط ابحث عن أمي عن ذلك الحضن الحنون وذلك الوجه المبتسم .. وجدتها كعادتها دائما وقد جهزت القهوة والتمر وجلست مع جدتي .. جلست بجوار ولدتي واسندت راسي على رجلها وامسكت بيدها وقبلتها ..ابتسمت وكانت اجمل ابتسامة. اللهم ارحم والدة صديقي يوسف واغفرلها وادخلها فسيح جناتك ... والهم يوسف واهله الصبر والسلون.. اللهم احفظ امي وأمهات المسلمين .. | |||||||||
| |
