https://66.media.tumblr.com/02d0e139...gyv6o1_500.gif

يأخذنا الشوق لايام ماضنتي بتعود :نبض:

https://66.media.tumblr.com/88ed17cf...6o1_r3_500.gif


:30:

-:Dl3:

اليوم أتخذت قرار سريع , مرتاحه له حقيقه وأهلي كمان

كنت أبي شيء بلمح البصر تغير لشيء ثاني وأقتنعت فيه

قبل كنت أبي أدرس دبلوم سنتين خياطه وإنتاج ملابس بس تحول لتصميم أزياء

وأختي أكثر وحده حمستني قالت أنتي تعرفي ترسمي + ذوقك حلو
وأنا بدخل خياطه وإنتاج ملابس لان أختي لها خبره سابقه

قالت لي تعلمي التصميم وأنا بطور نفسي بالخياطه وأخيط لك

مره كل البيت تحمس معي كأن شعور جميل وخطوه حلوه

عاد الاحد بروح أقدم , أنا وأثقه بالله إن الامور رح تتيسر ويتم قبولي

والله يكتب فيه الخير يارب

https://i.pinimg.com/originals/21/b7...b419f1d676.gif

:رحيق:

وش كان حلمي ؟؟


وشو هو حلمي ؟؟

أتذكر أخر حلم حلمت فيه أني أشتغل بقناة سبيس تون !!!

ومن بعدها صرت أفكر شنو حلمي وش أبي أكون ؟

كل المراحل الي مرت بحياتي عشوائيه أو بالاخص دراستي كنت أردد كلمة
معلمه بس ماحس أن عندي شغف لهذي المهنه أو حب لها
ماني حاسه أني أنفع أكون يوم من الايام معلمه

يمكن كنت أهتم في هذي الوظيفه لانه فقط المناسبه لي ولمجتمعي الي حولي

معلمة راتب كويس إجازه طويله وبس .

بس أنا وش كان حلمي وش كان الشغف الي عندي ؟؟

وش الشيء الي أحبه وما أمل منه ؟؟

في أمل أني أحصل حلمي وأحققه في أمل أني أسوي الشيء الي أحبه ومامل منه ؟؟


بكل صدق أنا مازلت أبحث عن حلمي للحين

وواثقه وحاسه بأمل كبير أني بوصله أتمنى أتمنى من كل قلبي أوصل له .

https://i.pinimg.com/originals/3e/f5...9fbb84683c.gif

السيكل : من أكثر الاشياء رعب بالنسبه لي بعد موقف حصل لي وانا صغيره

كنت راكبه مع أخوي وطحت منه ومن بعدها كرهت أني أركبه مره ثانيه أو أني أتعلم عليه

صرت أكره أي لعبه فيها سواقه حتى تتذكرون السيارات الي تجي بالملاهي
كنت أكرها كره فضيع والدباب وغيره من هالاشياء .. مع أني عارفه أنها كثير ممتعه لكن عجزت أتقبلها نهائي
https://i.pinimg.com/originals/7e/23...b2c0b8bcf0.gif
إحساسي الفني , رغم أن صوتي مايساعد على أني أغني نهائي

لكن أتذكر قبل لما أتابع أفلام كرتون كنت أحب الشارة حقتها وأغني وراها وأطرب عليها

كان أخوي يسمعنا أغاني بمسجل مخبيه عن أبوي ذيك الايام طبعاً كان مهووس خالد عبد الرحمن

وكنت أروح أنا وأختي لبيت عمي عشان زوجته كان عندها أشرطه ومسجل نسمع محمد عبده وحليم وأم كلثوم وسميرة توفيق

طبعاُ مرات عمي مو سعوديه كانت مصريه و كانت عندها أشرطه كثير ونلعب أنا وأختي وهي تشغلهن لنا أو نرقص معه كانت تسعدنا
كثيرررر فوق متتخيلون من أنواع السعاده وتلعب معنا العاب جداً جميله

أمي كانت تحب سميرة توفيق وتطرب عليها هي واختي الكبيره

أتذكر أختي الكبيره لما تكنس البيت تغني وتقول : جميلة .. جميلة
جميلة .. جميلة.. جميلة..جميلة ولابسة فستان الأسود جميلة وحاطة الحمرا على الخد
طبعاً وقتها أنا ماكنت أهتم مره لكن كان يعجبني الطرب الي حولي

طبعاً أخوي الكبير كان ذوقه أغاني إمارتيه أتذكر هالاغنيه :
خمس الحـواس يسائلنـي. عنك و قلبي فيـه جرحيـن. جرح التجافـي و التجنـي. و جرحٍ سكن في قلبي سنين. كل مـا نسيـت يذكرنـي

طبعاً أغاني خالد عبد الرحمن حفظتها من واحد
من أخواني كان مجنون عليه وحط صوره بكل مكان
ومن زود حبه له يجبني أنا وأختي مع أنا صغار مانفهم بس يسمعنا معه
https://i.pinimg.com/originals/94/d7...40c1e363eb.gif

ومن بعدها تقريبا من بديت أعرف قناة سبيس تون هههه وقعت بغرام صوت رشا رزق وطارق العربي طرقان

ومازلت أتابع أخبارهم لليوم واحفظ أغانيهم بشغف وحب :نبض:

https://media.giphy.com/media/xl3u9I...b3LW/giphy.gif

التصوير من أجمل المواهب بالنسبه لي

صح أني بهذي الفتره صايره بخيله

لكن بكل صدق مافيه شيء ملهم حولي , يمكن أكثر شيء ملهم هو شكل الغيوم
ومزرعة أبوي لان فيها تفاصيل عميقه تجذبني

طبعاً أنا بكم صوره صورتها كنت أتعب أوقات في إخراج الفكره كنت
أشيل وحط وحوس الدنيا والبيت عشان أحصل فكره ملهمه , تخلني أنبهر ويجني كذا إلهااام

وأحس أني أتخيل منظر الصوره قبل تصويرها

ووقات أصور بعشؤائيه وتطلع صوره مبهره جدا

بس يظل التصوير الاول بلا منازع وأقرب هويه لقلبي :نبض::34:

https://i.pinimg.com/originals/b2/95...44bdd6f48a.gif


الكلام عن الماضي يجلب لي شعور بالسعاده , لما نجتمع كذا مع أخواني

ونبداء نتذكر كلنا مع بعض المواقف السوالف الاشخاص الاحداث الحلوه التفاصيل الالعاب

أو حتى لو ماعشتها مثلا لما أشوف أخواني يتكلمون عن أشياء ماتذكرها أظل أبتسم معهم ومتحمسه بالاحداث

شكثر كانت البساطه مليانه بحياتنا , كانت البساطه الذيذه الجميله تخلنا نفرح
من أعماق قلبنا .:نبض:
https://i.pinimg.com/originals/41/4a...034e4e5b77.gif

-

لا أنتمي لشيء، إنني انغمس في ذاتي اكثر كلما إمتد بي الوقت، كأنما روحي ألفت غربة أن تسير وحدها دائمًا.