احس انها كبيرة سن / وأحس انها صغيرة حيل
خربطة الفكر فيني .. وخربطة الوصف فيها

احس انها شعاع الشمس / يزهى به نسيم الليل
احس انها وهج أنثى .. وهذا اللي محليها

احس انها كما الوادي / تغذى به مسيل السيل
افوّق الوّصف لو اني .. على كيفي اداريها

احس اني كما قالوا / لي الشعار نجم سهيل
قيعان الغلا بالحب .. لا بد اني أرويها

احس امطار فوق امطار / بالتكثير والتقليل
احس الشوق فوق الشوق .. عشق الشوق شاقيها

احس اني ظلمت القاف / احس اني بذوق الويل
احس اني كتبت ابيات .. مدري عن معانيها

احس اني ضربت المخ / فالتحليل والتعليل
احس احساس غير إحساسِ .. لوّ إني احاكيها



🌹🌹🌹