أنا بنت مُغتصبــــــــــــــــــــــــــــــــــــــــــــ ــــة ..

ماتلاحظوا إننا صرنا نسمع عن حالات اغتصاب مرة كتير في مجتمعنا ؟؟
هادي قصة واقعية لبنت لمن قرأتها اتقطع قلبي و حمدت ربنا على النعمة اللي احنا فيها ..
بنت في جدة عمرها 19 سنة عايشة في الشوارع صارلها أكتر من 3 شهور , صارلها على هادا الحال 5 سنين يعني من لمن كانت 14 سنة, أقنعوها أهل الخير تروح للصحافة و تحكيلهم قصتها و هما حيساعدوها في مشكلتها .. سمعت كلامهم بعد تردد و خوف كبير ,راحت لمكتب واحد من الصحافيين و جلس معاهم مدير التحرير و الأخوات الوسيطات .. دخلت البنت بحجابها الشرعي الكامل و بدأت تحكي قصتها ..
البداية كانت زي قصص كتير بنسمعها كيف بيكونوا الأطفال ضحية موت أمهم و زواج الأب من ست تانية , ماتت امها و هيّ صغيرة واتزوج أبوها وحدة مغربية و جاب منها أطفال .. طبعا كانت البنت منبوذة في العيلة و بتتعامل أسوء معاملة من الكل , أبوها كان على طول سكران و الحشيش ماينزل من يده .. وطّت راسها و تغيرت نبرة صوتها وقالت للصحفي إلين ماجا يوم و اغتصبني !اغتصبها أبوها و هي 14 سنة !! متخيلين ؟ أنا أتذكر بابا الله يطول في عمره كان دايما يقولنا واحنا في هادا السن انتبهوا على نفسكم ترى البنت مايعيبها إلا سُمعتها ..و سٌمعة الأب من سمعة بناته و لليوم هادا ما أنسى كلامه و حرصه علينا .. في المقابل هادا الأب اعتدي على بنته بنفسه و دمّر حياتها و مستقبلها !
سكتت البنت و ماعرفت تشتكي لمين .. واتعوّد أبوها على هادا الحال إلين مافاض بيها و هربت من البيت ..راحت لأخوالها استقبلوها فترة و رجعوها لأبوها..و رجع لعادته و هربت تاني للشرطة وكلموا أبوها جا أستلمها.. و فضل على عادته قامت هربت لدار الرعاية الإجتماعية و لمن كلموا أبوها هربت من عندهم و لجأت للشـــــــــــــــــــــــــــــــــــــــوارع !! ماعندها سقف تنام تحته و هي متطمّنة , كانت نتام في مصلى النساء في المولات إلين ماصاروا عمال النظافة يطردوها ..
راحت البنت ضحية مجتمع و أب وحشي و مايمت للأبوة بصلة .. ساعدها الصحفي جزاه الله ألف خير و بلغ مدير عام هيئة الأمر بالمعروف و حكاله قصتها , رفضت البنت في البداية لأنها خافت يرجعوها لأبوها إلين ماحلفلها الصحفي إنو ماحيودوها عنده .. واتفاعل مدير الهيئة مع حالتها و رسل ناس مختصين أخدوها من عند الصحفي ..
ياجماعة مرة انتشر عندنا هادا السلوك الغير إنساني , مجتمعنا مجتمع الفضيلة و الأصالة يقوم يصير الزنا ظاهرة عندنا ! و بالأخص زنا المحارم !! لازم يصير عندنا حملة تثقيفية للبنات الضحايا اللي بيتعرضوا لهادي الإغتصابات و يعرفوا كيف يتصرفوا و لمين يلجأوا ..
و يصدر عقاب قاســـــــــــــــــــــــــــــــــــــــــــــــ ــــــــــــــــــــــــــــــــــــــــــــــي جدا للآباء اللي ماعندهم إحساس و يتشهّر بيهم .. حسبي الله و نعم الوكيل

مشكووور اخوي الوااااااافي
على القص الراااائع
وتقبل مروري

لبى قلبك ولبى مرورك

يسلموا يالغالي

عــــــــــ ـــــــــــــــــــلـــــــــــــ ــــــــــــــى

مــــــــــر ورك

حسبي الله عليهم

شكرآ لك خيو

منورة

يسلموا على مرورك بصفحاااتي

اشكرك