((بنت العماني سحبت بالسعودي)) طلبتها صورة بها رمش ....... وعيون وقالت : اخاف الظل يفضح . خدودي قلت : البلا بخدك وبالخد ..... مفتون بنت العماني سحبت ....... بالسعودي ان قاله الله جيتك باللي ...... يزفون ما همني لو قيل دونك ....... حدودي جننتني والقلب طايش ..... ومجنون ولا عاد اميز وش بقي ....... بالبنودي عشقت انا والعشق عشقك يا ميسون ما شفت ي وش حصل لديانا ودودي راحوا ضيحة حب نادر ....... وملعون وضحى بهم يالترف واحد .... يهودي وش عاد لو عيوا بك او .... ما يعيون حلفت انا ما سيب غض ...... النهودي اللي رضى بي والبشر فيه .... يحيون واختارني والناس تسمع ...... شهودي جيتك انا بالحال والمال ...... والعون تفداك الروح وما لنا ........ بالوجودي وان عاضبت نركب على غيم ومزون ونقطع ديار ترتفع .... ....... للسنودي القارظ العنزي |
صح لسانك وعلا شانك تحياتي لك |
لك .. من الترحيب .. يا اخوك مليون ولك .. باقه .. من عذب .. الورودي ويش .. في الغواني .. منك يشكون رسايل على الخاص يالقارظ شهودي انت كفو . وغيرك من الناس يخسون ادري بك . . ما تتعدى . . الحدودي ليش البنات .. صارو .. منك يشكون لا عاد . . منك رجا . . ولا عاد فودي قيفان .. من عندك .. بالقلب . يكون اخلفت يا القارظ . . وعدي وعهودي لا تقول .. إنك . . شايب .. ومزيون ومن الحلا . . يقطفون منك الورودي عيبك عيونك . لا شافو الزين يسرون عز الله انها صدق .. عيون السعودي يا خوفي . . بك . . بعد بكره يعزون وتروح . . ضحية .. ناكر . . جحودي اخر الليل .. بك . . للقبر .. يسرون قصة غرام . . والبطل واحد سعودي عيوني عليك . . يا صاحبي . . يبكون طحت يامسكين في حب واحد يهودي صح اللسان يا القارظ وسلم نبض الفؤاد والبنان ... والله من سهل يا ابو سلمان ... جزله من شاعر جزل وعذب الحروف ... اجزلة ورب الكعبه لله درك ... لا خلا ولا عدم ... |
هلا بك بنت عدنان صح بدنك مرحبا |
يا نجم عيوني ما تلفت . لميسون ميسون جتني يم دياري .. تعودي تعود اللي في هوى البيض مفتون يومك قطعته يا قليل . الجحودي والسعودي الياحب تراه .. مجنون وهذي طبيعة الهوى ... بالسعودي قلي من اللي عندكم لي .. يشكون ارسل لي اسمه يا سليل . الفهودي حقه عليه بوسة الخد ..... وعيون ونخضه لين العين تبكي .. وتودي وعقبه يحرم كذب واللي يكذبون ولا لي مع اللي يكذبون الوجودي مير انت دايم تشك والشك ملعون وايضا تمنى موتتي وقل ... فودي تبي يخلا لك جو هيفا ... وخاتون وتلعب بهن يالقرم تحت وسنودي هذي بعيدة عنك والله هو . العون ما ينفعك دعاك ...... بين الوفودي |
الله يسعدكم المجارى بين الشعار شي جنوني والله اني انبسط معكم وانكم تهبلوووني |
الله يسعد أيامك يا أم أسعد . وهذا شرف لي وللضاوي يومك تابعينا أخت وأم عزيزة لك ودنا . |
هههههه الله يعينكم صح لسانك ي القارظ ويعطيك العافية |
ويعين الجميع ياسمينة صح احساسك وذوقك |
اقتباس:
الله يسعدك ويرعاك |
كله من لطفك ام اسعد لاهنت ي |
ما حسبت انك في التفاكير مجنون وافكارك السودا . . تلفالك وفودي يا قليل الخاتمه . . والعقل مرهون في حب .. شوق واشواق ونجودي بكره اسمك .. من الوجود .. ينفون يا حسرتي . . عليك . . ويا وجودي وتصبح على الرف .. ياخوك مركون يكسيك . . من الغبار . . والركودي وشبك على حالك يالشايب المزيون ضيعوك العذارى . راكزات النهودي يا اخي تركد .. ولا تصير .. مجنون واتبع خطى نجم . الشهامه وجودي خلك سحابه .. تحمل الغيث ومزون ولا تكون .. لمن . يحبك .. جحودي |
يعطيك العافيه روعه |
أنا العاشق اللي ما خدع يوم مزيون ولا شكني للعرب ........... ياليهودي والا انت حطيتهن فلم ....... كرتون تلعب بهن ما خفت رب ... الوجودي تاخذ بهن جولات بنت ...... وتلفون وتلعب بهن سواة بعض ... القرودي يا ما بكى من فعلكم نجل .. العيون هذيك اللي سموها اهلها ... نجودي |
الله يعافيك قلب مجروح |
الساعة الآن 07:56 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا