https://pbs.twimg.com/media/Dsl4mW-U8AA4nbL.jpg:large

احبك ..
كثر ما هبّ النسيم ..
وطار شعرك ..
واحتفت به ريح ،
كثر ما حاول النورس ..
يحاكي خصلتك ويطيح ..
كثر ما حس بالتجريح !

https://pbs.twimg.com/media/DmdClCYU4AEuIVF.jpg

خايف أنا من الجاي ،
واللي مضى يخوّف !
.
كم شفت في دنيـاي ،
خذلااان ،، و أطـوّف !
.
أخطر عدو ( جوّاي ) !
يوعـدني .. ويسـوّف !
.
قلبي ، مثل هالنـاي ،
ملياااان ..ومجـــوّف !

http://i0.wp.com/effectivewriters.ne...it=1482%2C1111
__

لا تبتئس يالمرهف الحسّاس
يا معوّد الدنيا على حضورك
-
تحس بالوحده وحولك ناس ؟
يا قلــب لا تحزن ، اذا دورك :
-
تصحى، تمد اليـائسين انفاس ،
وشعرك يطبطب من وصل سورك !
_
دورك تصيح .. تعلّق الاجراس ،
لين اهتدى للحب .. جمهورك !
-
دورك تشوف اللين بالأمواس ،
وانت المصاب وتعرف شعورك !
-
دورك .. تهز اغصانك اليبّاس ،
للراحلين .. احبابك .. طيورك !
-
ويصيغ صوتك .. فحمهم ألماس ،
وتلمم الاشــواك .. بـ زهــورك !

اخترت غصنك وانت كنت الفـاس
تحطب لهم .. رغم الالم نورك !
-
تجمّعوا بك ، لين فاض الكاس ،
وما غيرك اللي إحتمل جورك !
-
يعني واذا يا الساقي .. الغرّاس ،
الما لغيرك .. والظما لـ بورك !

عادي ولو ما تشعر باحساس -
انسان يقرا داخل سطورك
-
يكفي يحس بحزنك الكراس
و الشعر مد ايديه لـ حضورك
-
يا انت لاتحاول تكون الناس
يكفيــك تعرف بينهم دورك !

__

https://pbs.twimg.com/media/DjI2no0U8AAABTp.jpg:large



بعض القلوب
- اقفال ..
تكتم مخاوفها
.
تصدأ ولا تحتال ..
والشوق يُضعفها ..
.
- سؤال :
"كيف الحال"
يورق طوارفها

_

كم لي وأنا أصون الهوى ،
ولـ غيـري ،، يمطـر بارقك !
.
نجمك ، من عيوني هوى ،
والله يهنّـــي ( ســـارقك ) !
.
عطني سبب نبقى سوى ،
وأعطيــك ألف ،، أفارقك !

_