منتديات مسك الغلا

منتديات مسك الغلا (/vb/)
-   ديوان ومحاورات حصريه لشعر ( شعرائِنا ) (https://www.al2la.com/vb/f84.html)
-   -   ((احس انا والمسك ما من توافيق)) (https://www.al2la.com/vb/t91684.html)

القارظ العنزي 10-04-18 11:54 AM

((احس انا والمسك ما من توافيق))
 
أحس انا والمسك ما من ....... توافيق
مدري هم الجمهور ........ ما يذكروني
احلام غابت عن كثير ....... الطواريق
والضاوي راح ولا يتذكر ........ فنوني
والله يا لولا ام السعد تجلي ... الضيق
حرمت انا اكتب بين كافي ..... ونوني
ومداوي اللي ينعش القاف ..... ويويق
ضاعت علومي يا عرب .... واعذروني
هذي رسالة قلتها ............... للتعاليق
عسى الغوالي بردهم ......... يطربوني
بعد الحبايب عذب القلب ....... ويعيق
ان غابوا متنا وان لفوا ...... ينعشوني
كني اشيل بكاهلي هضبة ....... طويق
والا الجبال الشاهقة في ........ متوني
والا سقطنا من الجبال ...... الشواهيق
اسرع من برق بالرعد ........ والمزوني
وتقطعت اوصالنا ............. والمعاليق
ومن تحتنا طير الوحش .... يحتروني

القارظ العنزي

ام أسعد 10-04-18 01:44 PM

سلامة قلبك والله ماعاش اللي يزعلك عزيز وغالي

ياريتني اقدر اجاريك بالابيات نفسي ومنى عيني

لكن مني لك شكر وتقيم على ذكر اسمي بالقصيدة

يارب اكون فهمتها صح واكون عند حسن ظنكم فيني

القارظ العنزي 10-04-18 02:29 PM

الله يسعد ايامك يام أسعد ، أكيد فهمتيها زين ، فأنا ظاهري المذهب لا باطنية ، أسعدني مرورك وتقييمك لا تهونين .

ام أسعد 10-04-18 08:57 PM

اقتباس:

المشاركة الأصلية كتبت بواسطة القارظ العنزي (المشاركة 1824896)
الله يسعد ايامك يام أسعد ، أكيد فهمتيها زين ، فأنا ظاهري المذهب لا باطنية ، أسعدني مرورك وتقييمك لا تهونين .

الله يحفظك ويسعدك ويوفقك ويسدد خطاك

انت تستاهل الخير ودروبة ولا تهون يا اخوي

أنا فداهم 10-05-18 12:37 AM

صح لسانك وهذي مجاراة بسيطة لأبياتك

،

بفتح أنا للمسك ملفات ..... تحقيق
ياللي من كاس العسل ..... تحرموني
عامين أكتب قصيدي .... والطواريق
هاليوم في سكة الناسين ... ترموني
عامين أوردكم وأنا يابس .... الريق
واليوم من حوض المنايا .... تسقوني
ياليتني من سكرة الوقت ... ما أفيق
دام أصدقايا بضيقتي ... ما يذكروني
وش لون أسليك يا خاطر ... والضيق
الضيق يملاني ويسكن .......عيوني
دزيت انا طرشي وعيني له.... تويق
على شظايا الشعر أعلن .... سكوني
حتى الفرزدق اللي له بشعره ..... بريق
لولا جرير ما عاش شعره .... الجنوني

،

أتمنى أكون وفقت بالمجاراة ...

لا خلا ولا عدم

مسكك الغلا 10-05-18 12:57 AM

له له له من مزعل خالي أبو سلمان
....

السموحة منك ياخالي ماورثت الشعر والا تسان جاريتك
يعلم الله ماردني عن المشاركه في مسك والاطلاع والرد
الا الشديد القوي .... ربي يشفي الوالدة ان شاء الله لاني
منشغله معها .... والشعار هنا فيهم خير وبركه باذن الله
لا تحرم موقعنا من حرفك وبوحك ... يسعدك الرحمن ويجمع الشمل
عن قريب مع احبابك في ارض اباءك واجدادك باذن الكريم


الساعة الآن 03:25 AM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا