بقايا جرح
 

جيتك بقايا جرح ينزف من الشوق
جيت ارتجيك ان كان تبغى .رجاوي

جيتك فؤادٍ منّه الفَرح ......مسروق
من كثر ماشاف المتاعييب.... ذاوي

تايق وصال التوق ...ياتوق... واتوق
من عقب ماقضّيت عمري... شـقاوي

وش حيلته قلبٍ من الهم... مخنوق
شاف المصايب كبرها..... والبـلاوي

دمع المقل من كثرة البين .مدفوق
ارحم عليلٍ مالقى... من ....يـداوي

دونك ابات الليل في مرتعَ ...النـوق
اســامــر الـقـمــره واجــرّ الـــغــنــاوي

ضيق وسهر غيم ومطر رعد وبروق
هم ونكد والقلب... طاويه ...طـاوي

ياهاجسي غنّي على كل... طـاروق
هات الجزايل وانشد .النجم ضـاوي

يانجم وسط القلب مسمار. مدقوق
صارت حياتي يابوضاوي. ...هواوي

وسلامة الجميع

بقلمي ابوالليل الشريف

الله عليك ابو الليل

قصيدة جزلة

شكرا على هكذا ابداع

تحية لك

الله الله عليك يا .. ابو الليل ..
من غاب غيباتك جاب الغنايم ...
وانت غبت وجبت الجزاله ما ساء الله عليك ...
ولكن أنا الآن ماسك الخط من جازان الى جده ...
ادعو لي ان اوصل بالسلامه ان شاء الله ...
وان شاء الله لي عوده مره ثانيه ...

صح الله لسانك يا صبي وصاب ...

لا خلا ولا عدم ...

من أجمل ما قيل بوركت ان شاءالله


ننتظر المزيد

صح لسانك وسلم بنانك
ابيات رائعه

"
كعادتك تهطل من سحابة إبداعك غيث الأحاسيس فتنتشي الأفئدة وتزهر شوقا إلى المزيد من هطول قلمك وفيض شعرك

..
نص رائع بروعة شاعريتك
وبانتظار النجم ليتحفنا برائعته

يعطيك العافية
تحيتي