إذاَ استقبلتَ العالَمَ بالنّفسِ الواسعةِ، رأيتَ حقائقَ السرورِ .. تزيدُ، وتتسِعُ، وحقائقَ الهمومِ .. تصغُرُ، وتَضيقُ، وأدركتَ أنَّ دنياكَ إن ضاقتْ ؛ فأنتَ الضيِّقُ لا هيَ !

تغلا على كيفك مدامك غلا مغليك*
يامحلا الغلا ياللي تغلا ويا مروعك,
,
احب الحياه اللي تضمك وبين ايديك
اشوف الحياه اللي تضمك ولا توسعك
,
لأنك قمر اقول سبحان من يخفيك*
شبيه القمر في كل مطلع شهر مطلعك
,
وتحب المطر وانت المطر ينزل يحاكيك
وتحب العطر وانت العطر منك و منبعك
,
وتحب الغلا وانت اتغلا على غاليك*
وانا ودي اودع حياتي ولا اودعك
,
وتكبرت ياللي مكبرك في عيوني ذيك
وانا اللي نثرت لك القصايد عشان اجمعك
,
تغيب وتعرف اني بعاني عشان اجيك*
وتسترجع الذكرى وانا اعرف وش رجعك
,
تعرف اني احبك محبه بلا تشكيك
لو انك توزع ل الفقارى ب وزعك
,
لاتزعل ولاياخذك مني الزعل .. ابيك*
تعرف اني اكثر شخص لو توجعه ما اوجعك
,
انا احاول اني قدر الامكان ما اخليك*
ولو يخدعك وقتك انا مستحيل اخدعك
,
افكر وانا ماودي افكر الا فيك*
واسافر وانا ماودي اسافر الا معك


يالبييييييييييييه يااانااااااس احب قصااايد هالشااعر

من أربع ايام احس بصدااع برااسي فضيييع لدرجة ما اقدر أطول بسجود بسرعه ارفع راسي ما اتحمل 😔
لدرجة استغفر الله بالبدايه وش هالألم ليكون ورم
والمصيبه يزيد علي لا بدأ الليل 😢
لو بنااام مايجيني النوم مايجي حااولت اغصب نفسي مو جايني
وبالاخص منطقه الجبهه والحواجب
وجع وش هذا أربع اياام ماباقي الا يسكن براسي

بعض الكلام يرسخ بالذاكره مايروح ابد
اذكر لما كنت صغيره جلست عند عجوز كنت اسولف معها ومع السوالف قلتلها أنا (ذابحني الجوع ) اذكر وقتها تهز راسها وتقول غلط غلط لا تقولين ذابحني الجوع قولي (مشتهيه الخير)
ومن وقتها للحين وانا إذا جيت بنطق جوعانه ولا ذابحني الجوع. احس فيه شي يخنقني مو متقبلتها ابد على انها عاديه بس مدري ليش احس فيه شي غلط
والعجوز الله يرحمها ويغفرلها قد توفت زماان

جاب هالسالفه لاني جد هالحين احس اني مشتهيه الخير 🌝واللي مشتهي الخير حياه معااي للمطبخ ويبشر بالخير 🌝

سلاما ع اولئك الذين اذا اسأنا التعبير! لم يسيئوا التفسير!
سلاما لمن رأوا جدار قلوبنا ان ينقض فأقاموه... ولم يتخذوا ع ذلك اجرا!
سلاما...

مهما كانت الظروف
اصنعْ سعادتك بنفسك
لن يفعل ذلك بالنيابة عنك أحد !