|
في غيابك يا وسيع البـال .. ضيقـت الصـدور رحت ما علمتني وين انـت سـاري؟ في غيابك.. مـا لخلـق الله حضـور وفي حضورك.. ما لهم بالبال طـاري ليـه مـا تختـال يـا بـدر البـدور و القصايد لك وصيفـات و جـواري لـك بنـات الفكـر ربـات الخـدور يكشفن الثامهـن.. و الجـرح عـاري جعل قلب مـا مـلاه الصـدق نـور عند وجه اريح.. مـا يلقـى مـزاري التغاضـي عجـز لا طـال القصـور ليه أداري؟.. و انت عني منت داري؟؟ الزمـان قصيـر .. والدنيـا تــدور كل يوم يضيـق فـي عينـي مـداري صاحبي محتاج لـك شعـر و شعـور و إحتياجي شي.. ما كـان إختيـاري من متى و الغصـن يختـار الطيـور من متى و البـال يختـار الطـواري؟ لا تسمي صمتـي البـارح .. غـرور إنكساري خلف هالصمـت امتـواري في غياب الشمس وش ذنـب الزهـور و المطر لا شح وش ذنب الصحـاري؟ اللقـا لحظـات و الغيـبـه شـهـور تقصر الخطوات و يطـول انتظـاري لو قريـت المنكتـب بيـن السطـور ما كتبـت لغلطـة العمـر اعتـذاري صمت هالمينا.. مثل صمـت القبـور ما رسى مركب.. ولا لاحت صواري شاعرها متعب التركي |
يا وسيع البـال .. ضيقـت الصـدور رحت ما علمتني وين انـت سـاري؟ في غيابك.. مـا لخلـق الله حضـور وفي حضورك.. ما لهم بالبال طـاري :81: صح الله لسان شاعرها وصحيت إنت .. :81: |
لا تسمي صمتـي البـارح .. غـرور إنكساري خلف هالصمـت امتـواري صح لسان قايلة وصح بدنك الله يسعدك جميل بجمال ناقلها |
صاحبي محتاج لـك شعـر و شعـور و إحتياجي شي.. ما كـان إختيـاري من متى و الغصـن يختـار الطيـور من متى و البـال يختـار الطـواري؟ اختيار جميل صح لسان شاعرها لاهنت ع النقل امتعتنا بهيك كلمات واحساس تحياتي وتقديري |
لاهنتم اشكر لكم مروركم المميز |
السلام عليكم أحسنت وابدعت... وصح لسان شاعرها دمت بود أيها الجميل. |
| الساعة الآن 03:55 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا