10-14-18, 09:30 PM
| #1 | |||||||||
  
| 
وانت ماظنك ...
قد عطيتك وانـت ماضنـك لئيـم .. .. والنصيـحـه لليـالـي تـذكـره لاتحرك جرحـي الماضـي الاليـم .. .. ولاتحسب ان طول بعـدك طهـره كل جرح يهـون يالجـرح القديـم .. .. وكل شي قد مضـا معـك اذكـره جرحي وذكـراك والليـل البهيـم .. .. حـزت فـوادي بمثـل المنشـره العذول غراب وانا اكبـر غشيـم .. .. والجروح الماء وطاريـك حجـره والزمان اكرم من الحـظ الكريـم .. .. لانفتح لي بـاب صوبـك سكـره وحبك اللي لاطرى لي رحت اهيـم .. .. قمت احسب اصغر كلامك واكبـره ليتنـي عـاد الهـوا تـوه فطيـم .. .. انعذلـت لعاذلـي بـس خـيـره مالقيت من الوفـاء يـااول نديـم .. .. كون صدق الحزن وجهه وظهـره عقب رمح الشوق في وجه الصميم .. .. سيف هجرك في قفاه وشف ثـره وانت شكلك تحسبنـي فـي نعيـم .. .. لنـي اخبـي صوابـي واستـره لايغـرك حلـم رجــال حلـيـم .. .. مهون اللي مـن سكوتـه فجـره ولاتحسب الجفن من دمعه عقيـم .. .. يستحي منك والى اقفيـت انثـره ولايغرك وان بدا جسمـي سليـم .. .. والله ان جسمي سـوار المقبـره والله ان امر من ضحـك الغريـم .. .. شوف حقي بين اياديـه اشكـره والله ان احر مـن دمـع اليتيـم .. .. دمعة الرجـال مـن فرقـا مـره الشاعر محمد بن فطيس المري | |||||||||
 |
|
10-15-18, 01:31 AM
| #2 | ||||||||||||
|
صح لسان قايلها وشكراً لانتقاءك ونقلك قصيدة ممتعة | ||||||||||||
| |
|
10-15-18, 01:52 PM
| #3 | |||||||||||||||
   Diamond brightness
| صح لسان قايلها ولسان ناقلها تسلم لنقلك الجميل | |||||||||||||||
| |
|
10-15-18, 01:56 PM
| #4 | |||||||||||
|
وانت شكلك تحسبنـي فـي نعيـم .. .. لنـي اخبـي صوابـي واستـره صح لسان شاعرها وتسلم على هالذوق ياذوق ..  | |||||||||||
| |
|
08-06-19, 12:30 PM
| #5 | |||||||||
|
اشكر لك حضورك لاهنت
| |||||||||
| |
|
04-21-21, 09:40 AM
| #6 | |||||||||
|
اشكر لكم مروركم جميعا لاهنتم
| |||||||||
| |
