منتديات مسك الغلا

منتديات مسك الغلا (/vb/)
-   ديوان ومحاورات حصريه لشعر ( شعرائِنا ) (https://www.al2la.com/vb/f84.html)
-   -   ((ما يبدع الشاعر بغير المحبة)) (https://www.al2la.com/vb/t92114.html)

القارظ العنزي 10-27-18 01:29 PM

((ما يبدع الشاعر بغير المحبة))
 
ما يبدع الشاعر بغير ........... المحبة
والا رثاء الغالين وردود ....... الافعال
لولا القصايد قلبي ما شاف ...... طبه
يعيش بجرح الحب والدمع .... همال
ياللي جربت القول هذا .......... وغبه
عجل تعال وهات من زين ... الاقوال
انا بلاية ورعة ................ مستحبة
ما شفتها بالبيض وزينات .... الازوال
اهدتني نار بالغلا ............... مشلهبة
نار تلظى واللهب مثل ........ الاجبال
يا ليته طفى النار في نصف .... حبة
والا يرسلها بالوسايط ....... والامثال
اللي خذا عقلي وقلبي............. ولبه
وعقلي سرح مع خطوته يوم . يختال
لولا الغلط والعبد في رجوى ...... ربه
لاقول قول فيه ما ظن ......... ينقال
لاوصفه وافصفصه واغترب ....... به
واشرح جماله يا عرب واشرح الحال
ابو عيون سود والخد ............ شبة
وارموشها لاسلهمت غطت..... الخال
خال يسابق صوتها في .......... منبه
كنه يحاكي حسنها وزين ..... الاقبال
قلب العنا روح ويتبع ............ مهبه
يبي الجنوب وديرته يم ..... الاشمال

القارظ العنزي

أورانوس 10-28-18 01:02 PM

النفس تعشق جوار من هي تحبه
في أقصى جنوب الأرض كان والا شمال


صح لسانك يا القارظ ،، لا عدمناك

مرجانة 10-28-18 03:04 PM

صح لسانك يا القارظ
احساس جميل ، يعطيك العافية

نجم ضاوي 10-29-18 12:18 PM

:61::61::61::61::61::61:

ياخوك حبك . . عن الناس . . خبه
واحذر .. من العين .. وكيد عذال

وان كان حبه .. نار .. القلب شبه
اكتم لهيب النار .. يا طيب . الفال

كل هذا . . لها . . يا القارظ محبه
نسيت .. من الدله .. تصب فنجال

والله أنا ادري . . دوى علتك قربه
ماشفت مثل حبك من الناس رجال

إن كان ودك به .. امشي في دربه
لا تعطي للوسواس في بالك مجال

عيش في ذاته ولا تعيش في غربه
واصبر على هجره مهما الزمن طال

يالله دخيك .. القارظ .. راح . شربه
حظه طاح .. مع .. الاشقر .. ومال


الله الله يا .. القارظ العنزي ...
يشهد الله انك امتعتني بهذي القصيده ...
جزله وعذبه من شاعر عذب السجايا ...

صح اللسان وسلم نبض الفؤاد والبنان ...
يا رجل ماتوقعت الحب يخليك تبدع وتجزل هكذا ...
الا كان شجعتك من زمان على الحب هههههههه ...
لله درك كفيت ووفيت وفالك البيرق ...

لا خلا ولا عدم ...

القارظ العنزي 10-29-18 12:59 PM

صدقت أورانوس صح السانك على ذاك البيت الصادق ، وصح احساسك وبدنك ماتهونين .

القارظ العنزي 10-29-18 01:00 PM

صح احساسك مرجانة وربي يعافيك


الساعة الآن 10:37 AM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا