ياللي تصيح اليوم وينك ....... حبيبي
حنا ابتلينا مثلكم في شقى ..... الحب
بلاية اللي مثل لون ............ الحليبي
من شفتها يالقرم ضيعت .... انا الدرب
دعيت ربي جعلها من .......... نصيبي
مير البلا من دونها ولعت ........ حرب
اصبر واصابر لاجلها ........ يالصحيبي
وهي مثلنا تصبر على الهوش والضرب
ابو جديل مثل وصف ......... السبيبي
وعيون حر طالع الجول ...... والخرب
يا طول ما جريت صوت ..... النحيبي
من يوم قالوا اهلها ما لكم ........ قرب

الحال نفس الحال محروم محروم
والضيق جاني من بلاها .....بلاها

النفس ياما شافت اهموم وهموم
طول العمر عايش معاها ....معاها

صافي النوايا لكن الدرب ....ملغوم
خذ السعاده حتى نوره ....خذاها

وش حيلتي اقاصي العمر مظلوم
كل اليمن ضاقت علي ..بسماها

اريد اسافر واختفي عنها ...دووم
واترك ديار اللي ذبحني ...غلاها

يالقارظ العنزي ترا عندي .علوم
باشد للاردن واجاور ......شتاها

حياك الله يا فتى دايم ...... الدوم
الدار دارك يا فتى ......... يا فتاها
حياك ربي جونا ما به ....... سموم
جو يعين النفس تنسى ..... شقاها
والحال مثل الحال والكل . مكلوم
وكل ينادي عشقتها ..... واحتراها
مير البلا الاسباب ما ترحم . القوم
والنفس يا مشكاي جاها ..... بلاها

الود اجيها لكن الحال مضيوم
والعيش والاسعار زايد غلاها

خلاص باغير طريقي قدا القوم
دار النجم ضاوي واهيم برباها

هو قد عطاني وعد وبالوعد ملزوم
وللحن اناظرها تجيني عساها

الشوق ازور البيت واطوف واحوم
وأسأل الاهي يرحم اللي خذاها

ويريح قلبي من متاعيب وهموم
ويعجل الاقدار وارحل .......وراها

والله ودي اليوم اشد الحزوم
قاصد ديار الخير واتبع خطاها

لكنك انته عارف بكل العلوم
اريد منك اخبار امشي وراها