الشركات الأجنبية وبالذات الكبرى سيكون نفوذها أقوى من الدول مستقبلا .. هنا حوار منقول باللهجة المصرية عن تصور جزء من هذا الدور مع التحفظ على بعض العبارات .
..................


- ألو، دومينوز بيتزا؟
- لا يا فندم مع حضرتك جوجل بيتزا..

- جوجل إيه؟ شكلي طلبت رقم غلط آسف جدا.. 🤔
- لا يا فندم الرقم مضبوط.. جوجل اشترت دومينوز بيتزا من كام يوم.. 🙂

- نهااار أبيض، إنتو ماخليتوش حاجة إلا واشتريتوها؟! طاب عاوز بيتزا من فضلك..
- ولا يهمك يا فندم.. تحت أمرك.. تحب حضرتك نبعتلك طلبك المعتاد؟ 🙂

- وإنتو تعرفوا منين طلبي المعتاد؟ إنت مش لسة بتقول شاريينها من كام يوم بس؟! 🤔
- حسب رقم موبايلك يا فندم آخر 15 مرة طلبت بيتزا فراخ سبايسي سميكة مع أطراف محشية جبنة.. 🙂

- خلاص طيب جيبلي زيها ماشي..
- طيب إيه رأيك يا فندم المرادي تجرب بيتزا الخضار بعجينة رفيعة من غير حشو أطراف؟! 🙂

- لأ شكرا.. أنا مابحبش الخضار.. 😕
- بس دة الكوليسترول عندك عالي جدا يا فندم! 🙂

- إيه دة؟! وإنت إيش عرفك أصلا؟! 😤
- المستشفى يا فندم اللي حضرتك بتعمل فيها فحوصاتك رابطة نظام الفحص عندها مع جوجل.. ونتايج حضرتك خلال السبع السنين الأخيرة ظاهرة أدامي على الشاشة.. 🙂

- يا دي النيلة! إيه الحصار دة؟! لا يا سيدي برضه مش هاخد بيتزا خضار.. ومالكش دعوة بالكوليسترول بتاعي.. أنا عندي علاج بستخدمه.. 😠
- بس حضرتك يا فندم مش منتظم على العلاج دة.. يعني حضرتك من 4 شهور اشتريت علبة من صيدلية العزبي فيها 30 قرص ومن يوميها حضرتك ماشتريتش تاني! 🙂

- رحت صيدلية تانية واشتريت منها.. 😡
- بس دة مفيش أي عمليات شراء أدوية على بطاقتك الائتمانية خلال الثلاث شهور اللي فاتت يا فندم! 🙂

- دفعت كاش.. 😡
- مستحيل يا فندم.. لأن حسب بيانات البنك اللي حضرتك بتتعامل معاه آخر عملية سحب نقدي كانت 150 جنيه من أكتر من 4 شهور! 🙂

- عندي فلوس كاش مخبيها من زمان.. رحت صيدلية مصر واشتريت من عندهم..
- صيدليات مصر يا فندم بتحفظ جميع مشتريات الزباين برقم موبايلاتهم.. ورقم حضرتك ماتسجلش على مشتريات الصيدلية من سنة! 😀
خلاص يا سيدي.. مش عاوبيتزا ولا جوجل ولا واتساب ولا فيسبوك ولا تويتر ولا انستغرام.. هطير من الدنيا دي خالص علشان أخلص منكم.. هروح جزيرة مفيهاش لا نت ولا موبايلات ولا تليفونات ولا حد يتجسس علي.. استريحت كدة؟! 😬
- اللي تؤمر بيه حضرتك يا فندم.. بس لو حضرتك حبيت تسافر ماتنساش تجدد جواز سفرك لأنه منتهي من شهرين! 😁😁

مافيه خصوصية ف الوقت هذا للاسف
يعني مافيش حاجة تستخبى

يعطيك العافية رنوس

مافيه خصوصية ف الوقت هذا للاسف
يعني مافيش حاجة تستخبى

يعطيك العافية رنوس