| آنثــى من عــالـــم الخيـــال | | | | | | | | | | | | | | | | الهوايه » السفر بين عالم المعرفه وروائع الطبيعه | | | | | | | | | | 
d تـــراتـيــــل مخمـليــــه ≃ الترتيلـه الـــ 25 ــــ ≃ حــــواء وــــآدم c
حـــواء وــــآدم في 10 محـــاور جــوهريــه ((من تحليلاتي الخاصه معززه بآبحاث علميه )) :-
1~ قيل أنو ... الرجل يريد أن يحتل العالم ,,, أما المرأه فهي حنونه لا تحب الحروب وانما فقط تريد الحصول على هذا الرجل بالذات !! والمقصود هون بأنو رغبه وتركيز الرجل ع السلطه وفرد العضلات
بس رغبه وتركيز المرأه وطموحها هي الحصول ع قمه السلطه بدون عضلات !!
2~ المرأه بتستعمل يوميا شي 20000 وسيله اتصال يلي بيتكونو من (كلمات + تعابير صوتيه +أيحائات جسديه) , مقابل 7000 للرجل اي تقريبآ 3 أضعاف !!
الرجل بينفذ رصيدو الكامل من الكلام بموقع شغلو , لهيك لما بيرجع بقا لبيتو رح يضل صامت وساكت , بوقت زوجتو حتا لو خلصت نص رصيدها من الحكي والتواصل 10000بموقع عملها ,,, رح يبقالا بعد شي 10000 كلمه لازم تفرغهن بالبيت خاصتا ع طربيزه الأكل ,وبهالطريقه رح تصدع رأس زوجها وهالمسكينه كمان مألا ذنب !! تكوينا الفسيولوجي هيك
لأنو شقيي دماغ المرأه مرتبطين مع بعض وعم يعملو كـــــ كومبيوترين بيتبادلو المعلومات بيناتن بواسطه كايبل وبلأساس الوحدات المسؤوله عن صياغه والقاء وتبادل الكلام بين الشقين رح بيضلو ع تواصل ونقل دائمين ,,, وقت هالشقين منفصلين عند الرجل وهالشي بيوضح ميل النساء وحاجتن المستمره للتحدث والتعبير ولتبادل الكلام ,,, وكمان بيؤكد نجاح النساء بادارة أكثر من عمل في وقت واحد multi task (بس الرجل دماغو أحادي المهام لهيك بقا رح يركز ع شغله وحده واكيد رح يتفوق فيه).
وبذات الوقت بيكشف لالنا ليش المرأه مابتقدر تتجوز حدا مابتحبو او ع القليله ما بتستلطفو !
لانو شقيي راسها (شق الحب وشق الزواج)مرتبطين سوا وعم يجمعهن غشاء .
بس الرجل كل شق من دماغو منفصل (شق الحب) عن التاني (شق الزواج) ومابيربطن اي غشاء , لهيك عم نلاقيه يعشق فتاه , ويتزوج اخرى و بيضهر مع فتاه 3 وبيعاشر وحده 4 ,,, بس بالنهايه مابيحب الا نفسو !
3~ موهبه قرأه الخرائط ,حفظ الابعاد والاحداثيات ,وتدوير الصور وتحويلها الى ثلاثي الابعاد ... موجوده في 4 مناطق من الشق الايمن و4 اخرى في الشق الأيسر من دماغ الرجل ,,, بوقت لاتوجد اي منطقه محدده في دماغ النساء مختصه بهالمواهب لهيك هني معذورين اذا مكانو بارعين بهالقصص !!
4~ المرأه عدا عن رؤيتها عرضيا حوالي 180درجه ,,, فيها كمان تشوف من طرفي عيونها لبرا بزاويه 45 درجه لهيك عم تقشع بسهوله كل الأشيا الجانبيه والأشخاص يلي بيمرقو بجانبا ,,,(وهيدي أساس الأسطوره يلي بتحكي بأنو النسوان عندن عيون من ورا رأسهن كمان) بوقت الرجل بيقدر يشوف أفق بعيد بمدى ضيق جدا لهيك أنو شي طبيعي لما مابيلاقو الأشيا يلي directly قدام عيونن .
5~ الرجل بيحل كل مشاكلو بصمت وبدون المساعده من اي احد , لانو بيستعمل شقيي دماغو في تحليل اسباب المشكله وقد مابيقلب المشكله في دماغو بنهايه رح بيلاقيلو الحل المناسب خاصتا بوجود وحدات معالجه المشاكل بدماغو ,,, وبهالاوقات رح بيضل ساكت وصامت وزوجتو بتفكر انو هالصمت بدايه خطر ولما بتحكي معو هيك رح يتأطش سلسله افكار الرجل وشي طبيعي انو يعصب من زوجتو ,,, والمسكينه مابتعرف بقا شو سبب هالأنفعال ?!!
بوقت لما المرأه بتواجه اي مشكله لانو مفي اي وحدات خاصه لحل المشاكل بدماغها ,,, لهيك بتلجأ لشرح المشكله وتداولها مع اقرب شخص منها ,,, اذا بالبيت مع زوجا , او برات البيت مع اختا او صديقتا وهني رح يتفهمو الامر لانن من نفس الجنس ,,, بس المشكله انو الرجل مابيفهم بقا ليش النسوان مابيقدرو يحلو مشاكلهن بنفسن وبصمت(متل مابيعملو الرجال) وليش هالقد بتحكي ومابتسكت الا بعد مابتطلع كلشي من قلبا ... وبالفعل هيدي الطريقه الوحيده يلي رح تخليها ترتاح .
6~ الرجل بيستعمل مصطلحات لانو الجزء الامامي من الشق الايسر بدماغو مخصص لهالمهمه , بس في المرأه بيقع في اواخر الجزء الخلفي من شقيها لهيك بتكون أضعف , الرجال بيلتأجو للمصطلحات من ميله لحتى يتحدو النساء ويتفوقو عليهن بالمهام يلي بدو تحدث سياسي او ستراتيجي ... ومن ميله 2 الرجال مألن جلاده يشرحو ويوصفو كتير لهيك بيستعينو بهالمصطلحات وبكلمه بدال الجمل أختصارا للوقت والجهد .
7~ سايكولوجيه بني آدم مابيتغيير حتا وهني اطفال زغار ... الصبيان عم يضهر عليهن النزعه الهجوميه ورح يتوزعو ع مجموعات وبيحاولو يعينو قائد بيناتن لحتى يتنافسو مع بعض .
بس البنات رح يحاولو يلعبو بالدمى وبيتصادقو وبيعملو زيارات مع باقي البنات الأخرى وبيتوطد علاقاتن .
8~ المرأه بتقدر تكشف الكذب والرجل لا ... لأنو الرجل بطبيعتو بيهتم لعموم الكلام فقط لهيك مابيلاحظ الفرق ,,, بوقت المرأه بتهتم بكل التفاصيل ولهيك رح تلاحظ ادق حركه من الرجل بعد ما تركز ع نظراتو , حركاتو , تعابير وشو , تغيير او ثبات رنه صوتو ,وطريقه كلامو معها .
9~ المرأه لما بتوقع تحت الضغط بتجرب تاكل الشوكولا وتعمول شوبينغ واذا مامعها مصاري رح تحاول تفضفض لأي شخص بتصادفو , بس الرجل بيلتجأ للمشروبات واذا كان مزنوق رح يحاول يسرق او يعتدي .
وقت الستريس ... الرجل بيتصرف بدون تفكير , لهيك أكتريه يلي بالحبس بيكونو رجال
والمراه بتحكي بدون تفكير , لهيك أكتريه زائري الاطباء النفسيين بيكونو اناث .
10~ المرأه اذا تعبت في شغلها , او واجهت مشاكل , او مرض طفلا , رح تفتر رغبتها وحاجتها للعلاقه الحميمه مؤقتا ورح تحاول تلتجأ للنوم لأستعاده نشاطا وحيوتها .
عكس الرجل يلي اذا بدو يتخلص من ضغوطات الحياه وقلقو واستعاده اتزانو رح يلتجأ للعلاقه الحميمه ,,, وهالشي رح يسبب بمشاكل مستمره بين الأزواج , الرجل بيتهم المرأه بانها بارده وهيا بتتهمو بأنو اناني وبس بيفكر براحتو ...
لهيــــك ومن هــــون لحد أخــــر يــــوم ,,,
رح بيستمر أختلافات حواء وآدم وبيخلص عمرن بين خلاف وأتفاق ... وأتفاق وخلاف ... لأنن بلأساس مابيشبهو بعض ومختلفين ,,, المرآه جميله وهيا بتحافظ ع رقتها وآنوثتا والرجل رائع وهوى بيحافظ ع هيبتو ورجولتو ,,, بس أهم شي انو تنيناتن بيكملو بعض وبيأسسو آسر وعم يبنو سوا مجتمع وأجيال لآنن آساس آستمرار بني آدم !
✍............. a تـــاتــيـــانــــــا b
 |
|
8555Likes
01-16-20, 02:46 PM
