يسعد صباحكم زوار مدونتي الرائعين
بتمنى انو الكل يكونو بخير وسعاده

بخصوصي كتر خير الله آنا منيحه وقضيت آحلى 30 يوم رمضاني
مع آسرتي الجميله ربنا يتقبل منا ومن الجميع كل العبادات والطاعات
ويرجع لنا رمضان الجايي ونحنا سالمين وغانمين لا فاقدين ولا مفقودين

وبما آنو هلآ مش جايني نوم ومعي وقت فـــ حبيت بقا آني آحكي بكم شغله
بشكر الله آنو جو رمضان هيدي السنه كانت من آروع مايمكن (عدا عن آسبوع آجتنا موجه الحر)
باقي الآيام كانو الجو معتدل وجميل وماتعذبنا بالعطش متل باقي السنين
بس الشغله المش حلوه آنو تسائبت آيام العيد يوقعو بزبط بآيام العطل عنا
(الجمعه والسبت) وكنا ناطرين يعوضونا هاليومين ,, بس لاء

يوم الآحد نشالله رح تبلش الدوام الرسمي عنا ونحنا بعدنا ماشبعنا من العيد
ولا زبطنا مواعيد نومنا ووعيتنا بعد رمضان وكمان مرهقين
الله يستر وتمرق هالآسبوع ع خير !!

من مسلسلات رمضان ... هيدي السنه تابعت مسلسلين بآهتمام شديد
وتنيناتن طلعو نهاياتن روعه وقويه جدا ومتل ماتوقعت آنن يكونو

مسلسل عشرين عشرين 2020
بطوله / نادين نجيم ,, قصي خولي ,, كارمن لبس ,, فادي إبراهيم ,, يوسف حداد ,, رنده كعدي ,,
وسام صليبا ,, رولا بقسماتي ,, حسين مقدم ,, ماريتا الحلاني ,, بيار داغر ,, ريموند عازار ,, فادي أبو سمرا
وآطلالتين خاصتين لـــ (رامي عياش ,, طوني عيسى)



المسلسل بتحكي عن عمليه (عشرين عشرين 2010) يلي كان من المفروض الرائد جبران عقل (رامي عياش) ينفذو مع التيم تبعو لــ يقبضو ع تاجر المخدرات المطلوب من الحكومه (ديب الديب)
وبسبب آستشهاد جبران ,, آختو النقيب سما عقل (نادين نجيم) عم تطلب من رئيس شعبة المعلومات
العيبد غسان (يوسف حداد) آنها تكمل العمليه نيبتا عنو ,, وبعد دوره تدريبات مكثفه يتم تكليف النقيب سما بالمهمه وعم يعينو تيم كامل معها ع اكفء مستوى من الدقه والمسؤليه

وحسب الخطه سما رح تقوم بدور صبية مظلومه آسما (حياه) وعم تهروب من ضرب وتعذيب خيها (كرم)
يلي بيقوم بدورو مساعد سما النقيب آيمن (وسام صليبا) وسط عوائق كبيره آهمها بنت سما الزغيره (ميرا) يلي كتير متعلقه بآمها بعد وفاه بيها وخالها ,, ومعارضه آم سما الست علياء (ريموند عازار) للعمليه خوفا على حياه بنتا بعد مافقدت آبنها

كيف تقدر سما تتحول لــ (حياه) ؟؟ وكيف تلتقي بــ تاجر المخدرات السري (صافي الديب)
وكيف بيتطور علاقتن وبيحبو بعض ,, وكيف بتنكشف قدام العصابه ؟؟
وهل تقدر سما ترجع لآهلها من جديد وتنجح بآتمام عمليه 2020 ولا لاء ؟؟

ولآني مابدي آحروق الآحداث ع كل يلي حابين يحضرو المسلسل من آول وجديد
لهيك رح بكتفي بهيدا القدر ,, وبدي آضمن للمشاهد آنو رح يشوف دراما تراجيدي وآكشن رائع
وفيه كميه كبيره من القدرات النمثيليه والحوارات القويه
وبطله المسلسل (نادين نجم ) تآلقت في الدورين خاصتا في دور حياه
بطل المسلسل (قصي خولي) كان متالق ومميز جدا بتجسيد الدور
وآبدعت الرائعتين (رنده كعدي وكارمن لبس) بدوريهما وباقي الكاست كمان

مسلسل دفعه بيروت
بطوله // فاطمه الصفي ,, محمود نصر ,, علي كاكولي ,, نور غندور ,, مهند الحمدي ,, حمد آشكناني
ذو الفقار خضر ,, ريان المهدي ,, ناصر الدوسري ,, انس طياره ,, نور الشيخ ,, خالد الشاعر ,, نور الشيخ
يارا قاسم ,, كارلوس عازار ,, مناير العازيمي ,, وائل منصور ,, لولوة الملا ,, يوسف البلوشي ,,
مروه الآطرش ,, ليالي دهراب ,, نازلي كاسابيان ,, ساره آبي كنعان ,, آسعد رشدان ,, مجدي مشموشي
ريان حركي ,, ريم خوري ,, ناتاشا شوفاني ,, آنطوانيت عقيقي ,, وهدى الخطيب





مسلسل رومانسي درامي بيحكي عن مجموعه من الطلبه عم يدرسو بالجامعه الآمريكيه بـــ بيروت
سنه 1965 وهم جايين من 9 بلدان عربيه مختلفه , وبيحملو عادات وتقاليد وأفكار مختلفه جدا
آغلب مشاكلهن وصراعاتن عاطفيه وفكريه ,, عم يتكاتفو مع بعض وبيساعدو وبيساندو بعض
ووقت حدا منن بيوقع بالخطر ,, كل الباقيين عم يدافعو عنو وبيحموه ويكونو عطول سوا مع بعض
من وقت مايدخلو الجامعه لوقت يتخرجو ويستلمو شهادات التخرج تبعن

المسلسل توفق جدا من حيث آداء آبطال العمل يلي كانت بطوله جماعيه وكل واحد تفوق بدورو
,, وأيضا من حيث الإخراج والتصوير ,, والملابس وديكورات وكل أجواء الستينات
وعيشت المشاهد بزبط بجو بيروت في الستينات ,, وآجمل مافي المسلسل التنويع والمشاهد الغزيره
لآنو كراكتيرات المسلسل كانو كتار ,, لهيك مافي دقيقه بالمسلسل تحس فيه بالملل طوال الحلقات الــ 30
وعنجد بتمنى آنو الكاتبه (هبه مشاري) والمخرج ( علي العلي) يكملو هالدفعات بدفعه جديده نشالله رمضان الجايي

مواضيعي خلال شهر رمضان
خلال الشهر الفضيل قدمت باقه منوعه ومميزه من المواضيع بآغلب آقسام المنتدى
وكان هدفي آنو الأعضاء يستفيدو من محتويات وجوهر مواضيعي
تقريبا نص المواضيع كان الاقبال عليهم منيح ,, بس النص التاني مآخدو حقن من الاهتمام
والمشاركه ,, والغريبه انو هيدول المواضيع هني فيهن الجهد الأكبر والنصايح المفيده

لهيك رح آتوقف هالفتره لآني مش حابه انزل مواضيع جديده ويلاقو نفس المصير !!
مآنا بالنهايه بعد وبجهز المواضيع للآعضاء مش لحالي !!

ملاحظه //
هيدا الشهر كنت مستمره بآلغازي وبس قرب شهر رمضان ,, حولت الالغاز
الى الغاز دينيه ورمضانيه ,, كرمال يناسب الشهر الفضيل ويزداد رصيد معلوماتنا الدينيه

وكمان هالشهر قدمت وليمه آفطار لرواد منتدانا الأعزاء ودعيتن عبر الخاص
بصراحه يلي آجا هوى آستفاد ويلي طنش الدعوه والضيافه هوى يلي خسر
آهم شي عندي آنو الأعضاء يلي نور ضيافتي كتير عجبن شغلي وآطباق المائده الكورديه
الف صحه وهنا ع قلوبن ونشالله بيذوقو الاطباق بالواقع

بــاقـــه من مـواضيعـي الجــداد بالمنتــدى

دليل النجاة من 12 حيوانات بريه آذا صادفتهم
https://www.al2la.com/vb/t115017.html

صور خرافية ساهمت الصدفة في تشكيلها
https://www.al2la.com/vb/t115008.html

حقائق مدهشة وصحيحة
https://www.al2la.com/vb/t114808.html

آشياء تضاهي براعة النينجا في التمويه
https://www.al2la.com/vb/t115116.html

علامات تحذيرية على أن صديقتك تغار منك !!
https://www.al2la.com/vb/t115138.html

آختبـار / كــم عـدد المخلوقـات الموجوديـن في الصـوره ؟!
https://www.al2la.com/vb/t115170.html

مـائــده آفطار كورديــه لرواد مسـك الغــلا
https://www.al2la.com/vb/t115196.html

لـغــز مــن هــو النبــي // 30
https://www.al2la.com/vb/t115278.html

الـ cat آجمل وآكيت الكائنات part 2
https://www.al2la.com/vb/t115282.html

إرشادات تربوية لمنع تحوّل ابنك إلى طفل عنيد
https://www.al2la.com/vb/t115302.html

ماهو التعليق المناسب للصوره // 11
https://www.al2la.com/vb/t115312.html

صـديـــق العـمــــر
https://www.al2la.com/vb/t115339.html

🌛 يـا خـارجــآ مــن رمضـــان !! 🌛
https://www.al2la.com/vb/t115355.html

آستخـرج آسـامـي من الصـور
https://www.al2la.com/vb/t115379.html

✨تكريـم خـاص لنجـوم سلسلـه آلغــاز تـاتـيانـا✨
https://www.al2la.com/vb/t115391.html