منتديات مسك الغلا

 


موضوع مُغلق
 
LinkBack أدوات الموضوع انواع عرض الموضوع
قديم 12-04-18, 11:28 AM   #7
الجنرال خالد

الصورة الرمزية الجنرال خالد

آخر زيارة »  03-15-24 (12:43 AM)
المكان »  هناك حيث لا أحد
الهوايه »  قراءة الشعر والكتب والرياضه
MMS ~

 الأوسمة و جوائز

افتراضي



جميلة القصة ... متابع لك
ومنتظر الاجزاء الباقيه


 


قديم 12-04-18, 01:32 PM   #8
سمو المجد

الصورة الرمزية سمو المجد
. SHEEM

آخر زيارة »  يوم أمس (06:26 PM)
المكان »  في قلب من يحبني...!
الهوايه »  قراءة عيوونك...!
اللهم إن كان آلمي نهايته فرح فيآرب .. عجل به وأنت الكريم ذو العزه...♥
MMS ~

 الأوسمة و جوائز

افتراضي



المشاركة الأصلية كتبت بواسطة الجنرال خالد مشاهدة المشاركة
جميلة القصة ... متابع لك
ومنتظر الاجزاء الباقيه

متابعتكم تسعدني
ان شاءالله


كل من مر من هنا نورتوا


 
مواضيع : سمو المجد



قديم 12-05-18, 11:57 AM   #9
سمو المجد

الصورة الرمزية سمو المجد
. SHEEM

آخر زيارة »  يوم أمس (06:26 PM)
المكان »  في قلب من يحبني...!
الهوايه »  قراءة عيوونك...!
اللهم إن كان آلمي نهايته فرح فيآرب .. عجل به وأنت الكريم ذو العزه...♥
MMS ~

 الأوسمة و جوائز

افتراضي



[ الجزء الثاني ]

حاول خالد انه يقرأ الرساله الخاصّه ولكن تفاجأ بتنبيه إداري مكتوب فيه :
" لايمكنك استعمال الرسائل الخاصّه قبل 150 مشاركه "
طالع مشاركاته واكتشف انها 90 مُشاركه !
انقهررر وقرر انه يوصّل مُشاركاته لـ 90 مشاركه بشرط انه يتحاشى تواجد صمت لين يقرا الرساله
وبالفعل راح للقسم العام وقسم الترحيب وبدأ يرد على المواضيع
وكانت كل ردوده " مشكور ويعطيك العافيه " مسوي لها نسخ ولصق عشان يخلص بسرعه !
لفت انتباهه مواضيع حلوه في القسم العام كانت بأقلام اصحابها
وكان ذاك المنتدى يمنع طرح المواضيع المنقوله في القسم العام

وفعلاً وصل لـ 150 مشاركه أخيــــــــــراً ..
وعلطوووول راح للرسايل الخاصّه وفتح الرساله
ولكن الرساله كانت من إدارة الموقع عباره عن دعايه لأحد المواضيع
تحطم خالد وقفل الإنترنت وراح انسدح على سريرهـ . . .
ورآح فكرهـ لـ بعيييد بعيد " معقول أنا حبيتها ؟ أنا خالد اللي ماعمري حبيت بنت !
معقول أحب بنت وعن طريق إنترنت بعد ! يعني ماشفتها ولاشافتني ولاسمعنا صوت بعض حتى !
والله ياخالد ماعندك سالفه انسَى البنت ! أصلاً أي حب اللي انت تتكلم عنه بين يوم وليله
عشانها اعطتك ورده ! والا عشانها قالتلك سلامة قلبك ياخالد ! هـــــــه والله انك تضحك على نفسك "
وانقلب على بطنه وحط راسه تحت المخدّه ونااااااااام

في نفس الوقت كانت صمت الرحيل في منزله " خاطره " في قسم الخواطر بالمنتدى
كانت الخاطره تتكلم عن أبوها المتوفي وكيف صارت حياتها صعبه من بعده ..

صحَى خالد من النوم وعلطول دخل المنتدى وتوجّه لـ قسم الألعاب وماكانت صمت موجوده
لكنه شاف اثنين من الأعضاء جالسين يسولفون في الشات عن خاطرة صمت الرحيل
حاول انه يعرف مكان الخاطره من كلامهم ورجع صفحه صفحتين ليييين عرف انه بقسم الخواطر
راح لقسم الخواطر وشاف موضوع بـ عنوان " يبه .. وش الحياه من بعدك "
قرأ الموضوع من بدايته إلى نهايته أول مره يحس بحلاوة المواضيع
مايدري ليه اعجبه الموضوع مع انه كان ألم لـ صمت الرحيل !
المهم انه اعجبه الموضوع وقرر يزور القسم من فتره لفتره حتى يشوف خواطر صمت
قبل يطلع من قسم الخواطر خطر على باله يكتب ردّ على موضوعها وكتب هالرد :
" عَزيزتي صمت حاولت أن أستوعب خاطرتكِ ولكني لم أستطع فـ الألمُ أكبر من يُترجمَهُ عَقلي الصغير ,
حَتى قلبي عجز عَن التعبير بـ هدوووء ودون أن يتحدث ! الفقدان مُرٌ بـ طبيعته فـ كيفَ لو فقدنا أغلى البَشر ؟
لن أطيلَ عَليكِ ولكن مايجب عليكِ معرفته أن هُناكَ أناسٌ في هَذهِ الحياه وَهبنا اللهُ إياهم تعويضاً لما نفقده في هذهِ الدنيا .. تقبلي مروري خالد "


مايدري ليش خالد كتب هالرد ولايدري وش شعوره تجاه صمت الرحيل بـ الشكل الصحيح
هل هي مشاعر حب ؟ والا مجرد مشاعر اعجاب لااقل ولاأكثر !
يمكن لانها اول بنت قابلها في المنتدى ؟ << فعلاً فعلاً هذا هو الأرجح

رجع خالد لقسم الألعاب وحاول انه يلعب في المواضيع حاله حال باقي الأعضاء
بعيد عن صمت وطاري صمت .. بعد مااكتشف ان مشاعره مجرد اعجاب لاهي حب ولاشي
وبالفعل دخل قسم الألعاب يرد على هذا العضو وهذي العضوه ويضحك معاهم
ويحاول قد مايقدر انه ماينتظر دخلة صمت عشان ينساها ولايتعب نفسه بالتفكير فيها واجد
مرّ الوقت وراحت ساعه ساعتين وهو جالس يضحك ويلعب في قسم الألعاب لييين تعب وقرر يطلع من النت




يتبع ..


 
مواضيع : سمو المجد



قديم 12-06-18, 04:46 AM   #10
سمو المجد

الصورة الرمزية سمو المجد
. SHEEM

آخر زيارة »  يوم أمس (06:26 PM)
المكان »  في قلب من يحبني...!
الهوايه »  قراءة عيوونك...!
اللهم إن كان آلمي نهايته فرح فيآرب .. عجل به وأنت الكريم ذو العزه...♥
MMS ~

 الأوسمة و جوائز

افتراضي



[ الجزء الثالث ]


في هالجزء راح تتعرفون على شخصية خالد أكثر وأكثر ان شالله


كان خالد داخل على القسم العام في المنتدى
بعد ماتصفح عدد من المواضيع فيه وأعجبته
ماكان يتصور ان القسم العام يكون بهالجَمال
كان قسم متحرّك بكل ماتعنيه الكلمه من معنى
مواضيع حلوه وأفكار جديدهـ ومنافسات بين الأعضاء

تحمّس خالد أكثر وأكثر مع المنتدى وصار في كل موضوع له بَصمه
مايمرّ موضوع عليه الا ولازم له رد فيه وكانت ردودهـ مُميّزهـ

" خالد كان طالب في أول جامعه يحب القراءَهـ وله اسلوبه المُميّز في الكِتابه
نقدر نقول عليه فضولي وجريء اشوي .. حبّوب ويمتلك كاريزما تميّزه عن غيره من الناس "

حاول بقدّ مايقدر إنه يعكس حياته الحقيقيه وشخصيّته الطبيعيه على عالم الإنترنت ..
ولأنه يحب الأغاني بـ جنووون كانت بداية المواضيع اللي غيرت من حياته في عالم الإنترنت
لما فتح موضوع جديد في قسم الأغاني وحط فيه أغنيه بـ صوته .. كانت أغنية (يابعد هالدنيا ليه)
كان خالد يغنيها بـ إحساس جداً راقي .. وكان متأكد وواثق ان الاغنيه راح تعجب الأعضاء في المنتدى
لأن له تجارب كثيره في مواقع الإنترنت (غير المنتديات) كان ينزل فيها صوته ويلاقي إعجاب كبير ممن حوله
ومثل ماتوقع خالد لما نزل الاغنيه جاته ردود فعل شجّعته أكثر وأكثر على التواصل مع الأعضاء في المنتدى

كانت أجمل الردود اللي وصلته على موضوع الأغنيه من عُضوهـ اسمها شوق الدلع كتبت له:
" خالد ماشاءالله عليك صوت رائع واحساس راقي أجبرتني أحمّل الأغنيه على جوالي واحطها
نغمه فيه , ولكن ممكن أطلب منك طلب ؟ ياليت تغني أغنية (ولاتزعل ولاتتعب شعورك ولاتاخذ على خاطرك مني) "
بالطلب هذا حسّ خالد ان فيه ناس تتابع جديدهـ فعلاً

صار خالد حديث الأعضاء في المنتدى والماسنجر وكثيييير توصله رسايل خاصّه من الاعضاء والعضوات
وكثييييير يكتبون عنه في مواضيعهم
ماكان خالد يتصوّر انه بيوم من الايام راح يوصل به الامر انه يكون من أهم اعضاء هذا المنتدى
إذا غاب عن المنتدى أو القسم العام بشكل خاص الكلّ يفتقده والكلّ يسأل عنه
حتى وصل الحال بالأعضاء انهم يعتبرون برود القسم غياب خالد ونشاطه تواجد خالد ..!!

وهذا الشي زاد خالد غرور في نفسه !

.
.

القسم العام في ذاك المنتدى كان يرفض المواضيع الشاتيه
وخالد كان جنوووونه المواضيع الشاتيه ..
حتى ان مواضيعه كانت توصل الردود فيها إلى 100 و200
وثلاث أرباعها سوالف أعضاء .. إلى أن يتقفل الموضوع من قبل المشرفين

تعوّد خالد على تقفيل مواضيعه وتعوّدوا الأعضاء على الشي هذا
وكان كل موضوع يتقفل على خالد يسبب ضيق للأعضاء أكثر منه على خالد
لانهم كانوا يستمتعون بمواضيعه والسوالف اللي تصير فيها
وكل هذا زاد من حب الأعضاء لـ خالد وزاد من كرهـ الإدارهـ له !

حصل خالد على عدد من الأوسمه والألوان والتمييز والإشراف وكان دائماً يرفضها
لان عندهـ قناعه ان قلمَه وتواجده وحب الأعضاء أكبر من أي تكريم يحصل عليه

/

في يوم من الأيام كان خالد في القسم العام وكَـ عادته كان يدور على موضوع يسولف فيه
ومالقى غير موضوع (وقع ولو بكلمه) حاول بقد مايقدر انه يحوّل هالموضوع إلى شات !
وفعلاً نجح في تحويله إلى شات لأنه كان يسولف مع كل من يدخل هالموضوع

كان من بين الأعضاء اللي يسولف معاهم خالد بنت كويتيه اسمها سيريلوكهـ
وعضوتين من الشرقيه اسمهم حلم طفله و بوسي كات
اممممممم وكان يتواجد عضو خفيف دم اسمه عاشق الأماكن

كان آخر شي يتوقعه ان تكون صمت الرحيل من ضمن الأعضاء اللي يتواجدون في وقع ولو بكلمه !
دخلت صمت الحيل وكتبت بيت شعر وسلّمت على الموجودين ..
ردّوا عليها السلام بـ شكل عادي الا خالد اللي قال : هلا وغلا صمووووته وعليكم السلام تو مانور الموضوع
ردت عليه صمت الرحيل وتجاهلت كل اللي كانوا في الموضوع
واستغرب من كلامها لما قالت له : خالد من زمان عن أغانيك شدعوى صرت تتغلى علينا !

راح تفكير خالد بعييييد
معقوله كانت من اللي يتابعون مواضيعي الي انزل فيهم الأغاني ولكن ماترد عليها ؟

حاول انه يطرد هالتفكير الغبي اللي دايماً يجيه وقال بخاطره:
طيب حتى لو ماردت على المواضيع ماهي بأول ولاآخر وحده تسمع الاغنيه وتطلع بدون ماترد



تأخر خالد على صمت الرحيل وكتب لها هالرد:
ههههههه لاشدعوى صموته مانتغلى على الغالين ^,^
بين اغني لك ماعندي مانع بس مافيه شي بلاش

ردت عليه صمت:
اوووه صرت تغني بفلوس بعد
طيب آمر يلا قول وش تبي

خالد: أبي توقيع سمعت انك خطيره بتصميم التواقيع
صمت: بس ؟ ماطلبت شي الحين اصمم لك احلى توقيع
خالد: تسلمين كلك ذوووق يــــــــلا سي يووو

.
.

طلع خالد من المنتدى وقفل الإنترنت
ينتظر التصميم اللي بتسويه له صمت



يَتبع ..


 
مواضيع : سمو المجد



قديم 12-06-18, 04:52 AM   #11
سمو المجد

الصورة الرمزية سمو المجد
. SHEEM

آخر زيارة »  يوم أمس (06:26 PM)
المكان »  في قلب من يحبني...!
الهوايه »  قراءة عيوونك...!
اللهم إن كان آلمي نهايته فرح فيآرب .. عجل به وأنت الكريم ذو العزه...♥
MMS ~

 الأوسمة و جوائز

افتراضي



[ الجزء الرابع ]

صحَى خالد من النوم ظهر اليوم الثاني
وقبل مايصلي الصلوات اللي فاتته غسل وجهه وعلطول جلس على النت
فتح المنتدى وطلعت في وجهه " رساله خاصه جديده المُرسل: صَمت الرحيل , العنوان: صباااح الغلا "
ضغط موافق وطلعت له صفحة الرساله:
" هلا هلا خلوووود صباح/ مساء الخير . .سويت لك توقيعومافيه شي بلاش مثل ماتقول ههههه
بس أبي أطلب منك طلب إذا مايضايقك ! بـ صرآحه انا سويت التوقيع ولكن كتبت عليه اسم غير اس المستخدم تبعك
وانا جايه ابيك تغير اسمك في المنتدى لانه بصراحه تليق عليك الأسماء الرنانه أكثر من هالاسم
شووو قلت ؟ أنتظر ردك .. صمت الرحيل / سُعاد "

قرأ الرساله مره ومرتين وثلاث وأربع وماأعجبه شي ولااستغرب من شي الا اسم البنت !
اووووول مره يعرف اسمها وأووول مره تكتب اسمها في المنتدى
جلس يفكر ويفكر .. ليش تبيني اغير اسمي المستخدم ؟!
وشنهو اصلا الاسم اللي تبيي احطه بدل خالد عبدالرحمن
بلاها ماتدري اني جلست ساعه ادور على اسم يوم جيت اسجل
ولما عجزت ومالقيت اتصلت بصديق ولافاد هههههههه

ضغط على أيقونة " اقتباس النص " وكتب لها هالرساله :
" هلا هلا والله وغلا صباح النور صموته شخبارك ان شالله بخير
بصراحه استغربت في رسالتك من شيين أول شي انك تبيني اغير اسمي
والشي الثاني انك كاتبتلي اسمك وانا بصراحه اول مره اعرف اسمك
مع اني أكره هالاسم لانه اسم عجايز هههههه بس صاير حلوو على أهله ^,^
أنتظر ردك .. خالد عبدالرحمن / خالد << يبي يسوي زيّك خخخخخ "

ضغط على " إرسال " وعلطوول راح للقسم العام يدردش في موضووع وقع ولو بكلمه
أول مادخل شاف اخر الردود كانت لـ صمت الرحيل اللي راحت تقرأ رسالته ..



ردت عليه صمت وكتبت له:
"هههههههههههه
خالد والله مافيه شي معين بس بصراحه خطر على بالي اسم حلووو يناسبك أكثر
وحبيت انه يكون لك , أبي اسمك يكون (نسيناكم) .. شرايك ؟
وبالنسبه لاسمي فداك يالغالي بس لاتعلم أحد بس انت تعرفه :-) "

رد عليها خالد وقالها:
" عاد تبين الصراحه .. أنا من زمان كان ودي اغير اسمي
اممممم والحمدلله انك عطيتني اسم حلوو وان شالله يليق علي
خلاص الحين اروح اطلب تغييره بس بيكون تحت التجربه
يعني اذا ماعجبني بشوف لي اسم ثاني هع

عاد تصدقين انا فرحت على بالي تغارين علي
وتبيني اغير اسمي ههههههه

ياسُعاد ^,^ "


وصلت الرساله لـ سعاد ولما قرتها ابتسمَت وفرحت
ولما انتبهت لابتسامتها استحت من نفسها وكتمت فرحتها
وقال فخاطرها: قليل الادب هالخويلد ليش يقول تغارين علي
الحين هو بيني وبينه شي عشان اغار عليه ؟
اوووف منهم ذا الشباب مايستحون على وجهم والشرهه على اللي تعطيهم وجه

ولا طاب خاطرها الا لما كتبت له رساله جديده:
"والله انك قليل أدب شنو يعني اغار عليك
كل شي وله حدود ياخالد .. وانا كل اللي بيني وبينك أخوّه لااقل ولااكثر "


قرأ خالد الرساله وانصدَم من كلامها وحس انه فعلاً أخطأ
وهذا عيبه هو دائماً يحس ان اللي حوله قريبين منه ويمونون عليه
وصار يفكر الحين وش يرسل لها: يقول انا اسف ويعتذر منها ؟
والا يطنش رسالتها ولا كأن شي صار ومصيرهم بيتقابلون في موضوع ويطيح الحطب
امممممممممممم قطع تفكيره صوت الكيبورد وهو يكتب عليه:
" صموته الله يهداك شفيك عصبتي انا ماقلت انه بيننا شي
بعدين ترى حتى الاخو يغار على أخته والصديق يغار على صديقته والحبيب يغار على حبيبته
حتى الحيوانات يالحيوانه يغارون على بعض خخخخخ
بعدين وين توقيعي ياللي ماتستحين ؟
ترى طلبت تغيير اليوزر وانتي الى الحين ماارسلتي هالتوقيع
ترى بسوي نفسي ثقل وبزعل منك وبقول مابيه ههههه "

وصلت الرساله لصمت ولما قرتها قامت من مكانها وضمت يدينها على صدرهاااا
اووووف منه ذا الخالد يازييييييييييييييييينه ياناس
وارسلت له رساله سريعه بدون ماتفكّر بالمضمون:
" روووح ياشيخ الله يسعدك ويابخت مين تغاااااااار عليك "

.
.

كان خالد جالس على الكرسي ممدد رجوله على الطاوله وفي حضنه اللاب توب
يعيد ويزيد في رسايل صمووته اللي صارت بينهم اليوم
يقرا صندوق الوارد والصادر ويعيد مره , ثانيه وثالثه
وكل اشوي يقرا رسايلها وكأنه اول مره يقراها
ويجول بخاطره هالكلام:
" كثييير بنات لي علاقه معهم بالمنتدى وأكثر منهم اللي معاي بالماسنجر
بس ليش مشاعري واحاسيسي تجاه صمت الرحيل غير ؟
ليش لما اسولف معاها أنسى نفسي ويتغير حالي .. لالا مافيني شي بس أكيد يتهيّأ لي
اووووووف مني ياكثر ماأكابر ! حتى بيني وبين نفسي ماني بقادر اعترف !
معقول يعني انا احبها ؟ لا لا شنو احبها يمكن ارتاح لها بس ويعجبني وجودها
أصير غـــــــــــبي لو أحب بنت ماشفتها ولاشافتني وكل اللي بيننا رسايل وكلام عادي ..!!
ايييه صح انا ارتاح لها لاأنسى اني تعوّدت على وجودها بالمنتدى
والحين مرّت شهووور وشهوووور واحنا في منتدى واحد "

اووووووووووف .....
الله ياخذ الشيطان أذن العصر وانا ماصليت صَلاة الظهر ..!!

.
.


ومن الجهه الثانيه /
قفـّــلت المنتدى وطلعَت من الانترنت وهي حاسه باحساس غريب وحلووو
بس ليش ماتدري ! يمكن عشانه قالها اغار عليك ههههههه
هي عارفه انه يعجبها خالد ويعجبها اسلوبه وعلاقته مع الاعضاء
لكن ماهي من البنات اللي يسولفون مع الشباب بكثرهـ
ولاعمرها صار بينها وبين احد من الشباب علاقه ابداً أبداً
لكن كل اللي تعرفه ان خالد رسَم في خيالها صوره مختلفه عن الشباب ومختلفه بشكل كبير


يَتبع


 
مواضيع : سمو المجد



قديم 12-08-18, 04:06 PM   #12
سمو المجد

الصورة الرمزية سمو المجد
. SHEEM

آخر زيارة »  يوم أمس (06:26 PM)
المكان »  في قلب من يحبني...!
الهوايه »  قراءة عيوونك...!
اللهم إن كان آلمي نهايته فرح فيآرب .. عجل به وأنت الكريم ذو العزه...♥
MMS ~

 الأوسمة و جوائز

افتراضي



[ الجُزء الخامس ]


دخــَـــــل خالد الإنترنت وأوّل مافتحَت له صَفحَة المُنتدى جاته رساله جديدهـ من صَمت الرّحيل
" ألف مبروووك النك الجديد لايق وصاير أحلى وأحلى عليك .. هذا توقيعك وهذي الصّورهـ الشخصيه
ان شاء الله يعجبونك ويكونون قد المقام .. بس عندي طلب واتمَنى انك ماتفهَمني غلط ياخالد
بصراحه ماأبيك تكتب تحت التوقيع انه مني او انا اللي سويته ولاتقول لأحد اني انا اللي طلبت منك تغيير اسمك
والله ياخالد مو عشان شي بس انت تعرف الناس تفهم غلط وكلام الناس مايرحم .. وانت سِيد العَارفين سي يو "


رد عليها خالد :
" أول شي مسّاك الله بـ الخير والله يبارك فيك .. ثاني شي مشكورهـ على التوقيع ماشاءالله عليك فنانه بالتصاميم ,
عموماً ماطلبتي شي يالغلا وان شالله ماراح اكتب اسمك تحت التوقيع .. مشكوره مره ثانيه "

.
.

دخـَـــلت صَمت الرّحيل على القسم العامّ ولاحظت خالد كاتب موضوع عنوانه " حب أيه اللي انتا قاي تؤول عليه ؟ "
ضغطت على الموضوع وقرأت اللي فيه كان يتكلم عن الحب وعن نظرة الناس له .. ومن ضمن الكلام في الموضوع
كان يقول " وجهة نظري في الحب ان يكون متبادل بين طرفين أنثى والآخر ذكَر ويجب أن يكُونوا متفاهمين
كذلك انني لاأؤمن بـ الحب الا إذا كانت البنت تضحّي علشان اللي يحبها وتضحيتها تتمثل بأمور كثيره
مثلاً لاتقوووله انا احبك لكن حبنا لازم انه مايتعدّى المكالمات والكلام يعني مايوصل لدرجة انهم يتقابلون ! "
وآآآآخر الموضوع كان كاتب " لاننسى إن الحب أعمى وقد يَجبرنا على كسر قواعد بحياتنا ماكنا نظن أننا قادرين على كسرها ! "

إستغربت صمت من جُرأة خالد وموضوعه وحسّت ان نظرتها صوبه بدت تتغير
فـ كيف يرضى على اللي يحبها انها تطلع معاه !
المفروض انه يخاف عليها ويمنعها عن مثل هالأمور .. يكفي انها حبّته وهذا غلط !
يعني تكبّر غلطها بطلعاتها معاه بحكُم انها تضحيه ..!! غريب أمر خالد فعلاً
بعد تفكير طويل تجرّأت وكتبت ردّ جديد في الموضوع:
" أهلاً خالد أولاً مبروك النك الجديد لايق عليك ياغالي ^,^
لاأخفيك استغربت من موضوعك ووجهة نظرك التي قد لاأتفق معك فيها أبداً
فـ كيف ترضى على من تحبّها أن تكسر مبادئ وقيَم وعادات وتخون نفسها !
عُموماً هيَ وجهة نظرك وأحترمها ولكن وجهة نظري تختلف اختلافاً كبيراً عنك
فـ أنا لاأرَى أن خروج الفتاهـ مع الشابّ نوع من التضحيه فـ المشاعر لاتقاس بهكذا أمُور ياخالد
كذلك فـ أنا لاأؤمن بـ الحب دُون زواج ! فـ الزوج هُو الحبيب ولاغيرهـ
والفتاهـ التي تحب من هَذا الطريق ليسَت إلا تبحَث عَن سَعاده وهميّه لاأساسَ لها
لن أطيل عليك في الكلام ولكن رَاجع نفسك فثمّة أمُور قد أخطأتَ فيها من وجهة نظرك هذهِ
أخيراً أتمنى لكَ عِشقاً سَعيداً .. كما أتمَنى منكَ تفسِير كلامك الأخير في موضوعك (لاننسى أن الحب أعمى ...إلخ)
وكعادتك طرح جريء ومميز شكراً لك "

قرأ خالد وجهة نظرها ووجهة نظر غيرها ولكنه مُصرّ على رأيه
لانه يشوف ان الحب اللي مايتعدّى المكالمات والسوالف مايعتبر حب
وكتب لها هالردّ : " أهلاً صمت اول شي الله يبارك فيك ^,^
ووجهة نظرك لها احترامها ولكنها خاطئه في نظري فلاأعتقد أنّ ماتتحدين عنه حب
قد أدرجُهُ تحتَ مُسمّى التسليَه أو شيء من هَذا القبيل !
فهَل تريديني أن أعشق فتاهـ لم أرَها ؟ أتريدين مني أن أعشقَ خيالاً ؟
أما بالنسبه لكلامي الأخير فما قصدتُ بهِ أننا قد نترك أمُور من أجل الحب
هذهِ الأمور كُنا نعتبرها قناعات لن تتغير , إلا أنّ الحب كانَ لهُ رأيٌ آخر
وقد كسَر هذهِ القناعات والقواعَد وجَعلنا نقتنع بما لانقتنع به !
شكراً لأنكِ هنا .. لكِ ودّي , "

ماطاب خاطر صَمت بـ ردّ خالد وماتدري ليه حسّت انها منقهره عليه وعل وردّه وقناعته اللي مثل وجهه
وكتبت له ردّ من جديد:
" خالد أكتفي بـ تذكيركَ بـ حديث الرّسول صلى الله عليه وسلم:
(مااختلى رجلٌ بإمرأه إلا كانَ الشيطان ثالثهُما) "

قرأ خالد ردّها وانقهر منه وترك الموضوع ولارَد عليها ولاعلى اللي بعدها
مرّت ساعه ساعتين وحَست صمت انها قسَت على خالد بردّها
ولكنها ماتشوف انّ كلامها فيه غلط لان مثل ماله قناعاته هي لها قنعاتها
قامت أرسلت له رساله خاصه " خالد زعلان مني ؟ "
خالد: " لاماني زعلان والله لايجيب الزعل .. بس ليش ؟ "
صَمت: " خالد والله لو منت غالي عندي كام ماقلتلك مثل هالكلام
والله يعلم وش كبر غلاك بقلبي عشان كذا كتبت مثل هالكلام "
خالد: " وانتي بعد غاليه والله وغلاك كبير عندي
بس ياسُعاد انتي كلامك مو معقول شلون الواحد يحب بنت ماشافها ولابيشوفها ؟ "
صَمت: " خالد الحب أكبر من الشوفات والطلعات , الحب مشاعر واحاسيس
والمشاعر والاحاسيس في نظري أجمَل بكثير من الأمُور السخيفه اللي انت تشوفها
وآسفه على هالكلمه ولكنها الحقيقه لانها امور سخيفه في نظري "
خالد: " صمت اسف معليش انا عندي قناعات ومااقدر اغيّرها ,
الا اذا ترضين اني أخدع نفسي أو اخدع اللي أحبها !
تبيني يعني اقولها انا احب خيال ماعمري شفته ؟
والا تبيني اقولها احبك واحبك وانا ماحبها ؟! انا ماأرضى على مثل هالشي ياسعاد "

تأخّرت سعاد بالرد على رسالة خالد الأخيره اشوي وبعدين أرسلتله:
" خالد رووووووووح شوف موضوعك ويابختك افرح وانبسط
صار فيه بنت تحبك وتوافقك على كلامك ! روووح والله يهنيك معاها ..!! "

دخل خالد على موضوعه وشاف ردّ من العضوهـ سارونه:
" أوافقك الرأي ياخالد الحب تضحيه واللي مو قد التضحيه مو لازم يتعب روحه ويحب
ااااخ عليك يعجبني تفكيرك وجرأتك في الطرح وطرح وجهة نظرك بدون تميلح
أهنيك ياخالد والله يوفقك في حُبّك .. تحياتي لك سارهـ "

شاف خالد رد ساره وضحك من قلب
لانه تذكر علاقته مع ساره هذي وكيف تطوّرت العلاقه
حتى انها وصلت إلى تلفون وطلعات وقابلها أكثر من مرّهـ
آآآخر مرهـ قابلها فيها كان لقاءَهـ فيها قبل ماتتزوج !
كان عارف خالد ان نظرة ساره للحب تغيرت كثير بعد زواجها
ولكن كعادتها تحب الردود الاستفزازيّه للأعضاء
وتحب تثير المشاكل والبلبله بينهم وبين بعض
حتى لو كان على حساب ردود هي مش مقتنعه فيها
أهم شي عندها انها تسلي روحها وتضحك . . .
لأنها شايفه ان اسمها بالمنتدى مايقدّم ولايأخر
ولايعكس صورتها الحقيقيه ابد ولااحد يعرفها

رجع خالد للرسايل الخاصّه وكتب لـ صمت الرحيل:
" هههههه صموته والله اني ضحكت عليك وعلى ساره
اول شي انتي شكو في ردّها ثاني شي ساره متعودين احنا عليها مثل هالردود
وماهي غريبه على ساره انا تكتب ردود استفزازيه وتأييد هي اصلا مش مقتنعه فيها "

صمت: " حتى لو ياخالد بس ساره واضح انه بينك وبينها شي
لانه مو اول رد تأيّدك فيه .. مُمكن اعرف وش بينك وبينها ؟ اذا مايضايقك طبعاً "
خالد: " لامايضايقني ابد بس مااعتقد انه في داعي اني اتكلم عن انسان او انسانه من وراه
لان في كلام كثير صعب ان الانسان يقوله لأي شخص .. فأتمنى منك انك تتفهّمين موقفي وتعذريني "


ردّ خالد الاخير على صمت حسسها ان خالد عندهـ اشياااء كثيييييره بحياته كاتمها
حسسها ان خالد له علاقات كبيره في حياته الانترنتيه وخارج الانترنت
ماتدري ليش انقهرت من رد ساره وماتدري ليش هي غارت منها ومن علاقتها بخالد الواضحه من ردها !
لكن الاكيد ان خالد كبر بعينها اكثر واكثر على الرغم من ان تصرفاته هي مش مقتنعه فيها
وكبر بعينها أكثر انه كتووم وماقالها هالكلام عن البنت برغم انه كان ودها تعرف شسالفته وياها
صارت سعاد تتكلم بينها وبين نفسها كثير عن خالد .. آآآآه ياخالد اشياء كثيره في حياتك نفسي أعرفها
نفسي اعرف مين خالد الانسان .. أبي اعرفه كإنسان مابي اعرفه كمُعرّف وعضويه !
بس شلووون ادخل في حياتك الحقيقه وانا اللي أرفض أي علاقه لي مع شابّ مهماً كان
صح انا معجبه في خالد واحسه قريب مني كثير بس تفكيره مختلف حيييل حيييل عني
ليش احس انه صايع بس قلبه طيب ههههه وليش احس انه كذاب بس جذاب هههههه
وليش تعجبني فيه الصراحه مع اني اشوفها وقاحه ههههههه
يوووه منك ياخالد والله اني ادري ان علاقاتك مع البنات كثييييييييره
وانك قليل أدب وماتستحي على وجهك هههههههههههههههههههههههه
غرييييييييب في تصرفاتك غريب في ردودك وكلامك وفي نفس الوقت واضح واللي بقلبك على لسانك


قطع تفكيرها وضحكها وهسترتها صوت أمّها تناديها:
" سعاد سعاااااد تعالي تغدي حطينا الغدا "
قفّلت الإنترنت وطفّت الكومبيوتر بعد ماقررت انها تضيف خالد على الماسنجر ..!


يتبع..


 
مواضيع : سمو المجد



موضوع مُغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



| أصدقاء منتدى مسك الغلا |


الساعة الآن 04:22 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
بدعم من : المرحبي . كوم | Developed by : Marhabi SeoV2
جميع الحقوق محفوظه لـ منتديات مسك الغلا