|
●• ياعازف الحزن لا تعزف علـى أوتـاري أوتاري اصلاً من الأحـزان معزوفـه خذ باقي الجـرح ودروبـي ومشـواري وأجمع سنين العذاب وشتت طيوفه ●• |
هذا انا لاصارت العالم رقود طارية جابهلي ووداني |
هذي دربك حبيبي فرشتها مثل ما يقولوا ورود حـب و وفـا, طيـبة و دفا,بكـل ما قلبي يـجود بس انت حبيبي هونها علي و أصدق بالوعود تـرا انـا انتــظر و اللي يجيــني ما هــو بــمردود ما راح اغير هههههههه |
"، دايم طـمـوحي غيّر لأني أنا غيـر ويارب تعـطيني على قــد حـلمـي "، |
ياللي حرمت القلب مبطي من الصوت .. لاتحرمه هالحين رد الرساله .. ايام عمري معك لحظات وتفوت .. وش تنتظر لاضاع عمري بداله .. يعني عشان اسمك على القلب منحوت .. ماعاد تسئل ليه وش هالنذاله ...؟ :عبوث: |
داق اشارة هلا هلابك ياشقى الروح نورت وجودي اللي مظلم من زماني من فرحتي به لازم الساني الصمت معذور اصله غايب من زماني |
"، يارب ثبت شعور الرضى فينا واسقينا الفرح من واسع سماك "، |
كملت اربع سنين واليوم اببدي اللي حشى القلب مكتوم |
"، محدن يكشف الناس غير المواقف وكلن بأخر الدرب تبين علومه ! "، |
هداوة الليل و القمرا و فيض الصَدور ، تستدرج الروح / و تبرهّن عن أشواقها |
"، أرقب قدومك وداخلي نار الاشـــواق واكبر دليل النــوم ما زار عينــي ! "، |
يستفز المشاعر لا حكا من غلاه ودي اعلمه لكن منعني حياي واحد في عيوني شفت سر الحياة كل مازاد وصله زاد وصله ضماي |
"، ياليت البخت حاتمي وممّيل عقالوه لاقلت جيبوه قال ابشر يابعد حيّي ! :in_love: "، |
يا غُربة الأيام .. يا وَجه مَنسي ! ........... كيف أشتكي والصمت يَضفي ثيابه ، أمي تقول بـِ رقة الصوت : إنسي .. ........... وأنا اقول : أوااااه يذبح .. غيابه .. |
"، هنا هنا وسط الضلوع المغاليق اقلط ونوخ للمحبه اركابك واذا كشفت اللي بوسط الصناديق أدخل على الله لايطول غيابك "ـ |
كتبت لك سطرين ماهي بالاوراق بصفحة خيال وحبر الاقلام لمحه كتبت لك حيره ..بتعذيب ..بفراق بضيقة خفوق يضيق في وزن قمحه |
هيه انت يامجنون لاتبيع شاريك تراة باع الناس يبحث عن ارظاك |
كل ما آحس اني فقدتك،تضايقت و أدوّر لـ خوفي طريق لـ آمانك . للصبر قسوه لا تباطيت واشتقت و انا اتذرى من قساه بـ حنانك . تتغير الاشياء دايم مع الوقت الا بـ قلبي ما تغيّر ، مكانك |
كانك بحبي شاك عندك براهين قلب هديته لك يصير الضحيه |
- هاتوا لي الصد مالي فاللقا حاجه مبطي وانا احايل الفرقا و ادرجها |
- الحر ما يرضى على نفسه الميل وإن كان شانـت باعاها ما شراها - |
ابكي وخدي يشتكي دمع عيني كل السبب ذكراك في وسط دنياي ماعذب الخافق ياكود الحنيني اللي حداني كل ليله على الناي |
- يامــلاك الزين وفـوق الراس تاج عـدني مـن ضمن احبابــك عـدني احب فيك العين من تحت الحجاج واحـب شعــ رن ناثــره لك شـدني - |
. يضيق صدري ويغمرني شعور وارفع ايديني لربي واطلبه ياطول بالي على بعض الأمور اللي تمر المزاج .. وتقلبه . |
- هيه يا من تفتش دفتري وش تبي! كل بيت يمر بك اعرف انه .. جريح ! - |
حزين ومتعومس وبعد ضايق البال من بعد فرقا اعز واعز مخلوق اقفى وشيلني هم ما هوب ينشال والقلب من بعده صار تالف ومحروق |
- قلت لك والسنين تطيح من عيني احلامي في ظل غيرك ما ادورها هذا قرارك تروح وتترك يديني ومشاعري بزود تبريرك تعورها - |
القلب في غيبتك تلعب به الريبه يخاف شئ تغير فيك أو صابك أروح ناسى وأقول القرب ماليبه واخطاي توقف وأنا مدري على بابك |
- كل ما طالعت وجهك راح همّي مدري هذا وجه ولا جبْر خاطر ؟ - |
راح اللي راح يا زمان راج تذكرني بزمان ... أي زمان راح الي راح آه يا زمان ما عاد اهو ذاك الزمان حتى القريب ما مد لي كف الحنان ليه كل شي في هالدنيا رحل قبل الأوان راح الي راح .. |
حبيب الروح ما بين الظلوع العوج منزالـك دخيلك لا تروح ابعيد من قلبٍ غدا بيتــــك |
- كل شيء ٍله ( عمرْ) حتى : المحبّه و انتهت من يوم ما غيري خذاك ! يا حبيب الماضي اللي كنت آحبّه جيب لي موعدْ من الماضي معاك - |
كم واحدٍ يمشي على غير ممشاه ما جاته الدنيا .. علـى مَ تمنى ! يطـرد ورى حظـه .. وحظـه تعداه وغيره يجي حظه وهـو : مَ تعنى |
انا ماقدر انا .. احققلك انا .. اماني العمر انا في دار .. وانتي في دار خليني معك .. معك .. فالدار وعسى الايام .. ياعز انسان تصبرني على ظرفي بقايا العمر .. يقايا العمر .. بقايا العمر ساعدني على النسيان |
. نشري الحيا يوم الأوادم " تبيعه " ومن دون ستر وجيهنا / نرخص الكون ..!! |
- نطوي سنه مرت بها هموم وافراح ونبدا السنه هذي عساها سعيده جعل الهموم اللي من العام تنزّاح ونلقا السعاده في سنتنا الجديده - |
هي ضيقة الصدر وإلا ضيقه الخاطر والله مدري ولكن ضيقه بضيقه |
- هذي هي الدنيا دروس وعلاقات بأيامها صفحات فيها كذا درس إدرس مع العالم وخذ لك شهادات تحصد نتاج الزرع لو يبطي الغرس - |
سيب التغلي عنك لا صرت غالي روحي وقلبي يوم قفيَّت نادوك يابعد من يشغل ليا غاب بالي فكر ومرة نادهم كان لبَّوك |
- كل دقة قلب فيها لك وعد ما اخون ارضك ولو شان الزمن ولو فرضت اني بخونك وابتعد، وين اسافر وانت بِ عيوني وطن ؟ - |
| الساعة الآن 08:19 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا