منتديات مسك الغلا

منتديات مسك الغلا (/vb/)
-   ديوان ومحاورات حصريه لشعر ( شعرائِنا ) (https://www.al2la.com/vb/f84.html)
-   -   ((تجبرني الغربة)) (https://www.al2la.com/vb/t92827.html)

القارظ العنزي 12-05-18 08:35 AM

((تجبرني الغربة))
 
كان انت يا بو جلبة تشكي من .. الميل
الميل يا بو جلبة مبطي لنا ......... داس
لا تشتكي لي الحال واشكي لك الحيل
الله يا مشكاي من كسرة ......... الباس
والله يا لولا دلة كلها ................. هيل
ومتربع ما بين نجر ................ ومحماس
الياضاق صدري صرت بين ...... المعاميل
وسويت لي يالذيب ما يقعد ..... الراس
خطر على قلبي تجيه ............ الولاويل
ويلحق به الهاجوس والفين . وسواس
ويرزم ارزام لامهات ............... المخاليل
خلج تقفوها على قب ........... الافراس
راحت مع الديان مثل ............. الجواديل
يذودها شيخ تقل فرخ ............. قرناس
واهيلها بمراحها دمعهم ........... سيل
وكم خير من دونها طاح ......... محتاس
نفسي عزيزة وتبي علوم ...... الرجاجيل
وعلومنا علم العجايز ............. والالباس
ازريت واكويها بحامي ........... الفناجيل
عيت تروض واتعبتني .......... مع الناس
اصبر على الجمرة وجور ......... المهابيل
وتجبرني الغربة على هافي .... الساس
في ديرة رجالها ترفع ................ الذيل
وبيوتهم ما فيها للعز ............ مقباس
ولا منهم اللي بالملا كنه ........ سهيل
وجهه بشوش وللمخاليق ......... نبراس
مع هقوة ما شايعت .............. للتنابيل
هقوة عزيز مرقبه روس ....... الاطعاس
يفرح بحاجة عزوته ............... والمقابيل
ما يستغل ظروف ناسه ....... والانفاس
وصلاة ربي عد من يركب ............ الخيل
على شفيع الخلق في محشر .... الناس

القارظ العنزي

نجم ضاوي 12-05-18 09:25 AM

قافك جاني . . مهيل كما السيل
نكد على الخاطر واصبحت محتاس

يا شاكي ن همك . علينا وغرابيل
تجرعت .. من دنياك . مرارة الكاس

غديت في دنياك .. غريم . الدياين
تحوم الحدايا .. حول طير . قرناس

تايه في دنياك .. ومالك .. عناوين
ولا لقيت مثلك . شروه من الناس

ارفع يديك .. لخالقك . وقول آمين
الله يعيك لدار ن كلها عز ونوماس

القارظ العنزي 12-05-18 12:43 PM

اي والله يا خوك صابر على الميل
خمسة سنين وكلها نار .. محماس
ارجي من الله جعلها .. بالتساهيل
ويعزنا ربي ويرفع لنا ......... الراس
واجيك انا وسلمان يالغالي .. بحيل
تاخذ بنا جولة في حارة .... أوطاس
وفي حارة المظلوم نتكب . مواويل
نرفع عقيرة صوتنا ونطرب ... الناس
ونفلها يا خوي عقب ...... البهاذيل
ونشرب لنا من ذيك يا معزبي كاس
حيثك صديق القلب يا فارس الخيل
فيك الوفاء كله وفي جوك اوناس


الساعة الآن 07:46 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا