اعد النجوم تفضل هذي قصيده لي عن الام
واذا تبغى طلب محدد بالاسم اطلب وتامر امر

يا ربي إحفظها بحفظك يا جبّار
اللي لها كل المشاعر لباسي

أمي عسى ربي يحميها بالأذكار
صبح ومسيّه بالوعى والنعاسي

اليوم قلبي يشعل الحر بالثار
من فعل رجل(ن) بأمه اليوم قاسي

يومه صغير اللعبه اللي بها إحتار
كانت تجي من دون وجه العباسي

والحين ياتيها بكذب(ن) و أعذار
ينطق يقول إنه في بعده سواسي

لا يا خلي القلب تأثم بالإجهار
ربي حسيبك يا كريم المآسي

أمك و أمك ثم أمك لها إختار
كلك غلط و أصبح عنادك يباسي

يالله سترك يا عزيز(ن) يا ستار
من غلطة الجاني صحيب التناسي

أخر حروفي دعوت(ن) لك بالأسحار
يا فرحتي يا مهجتي تاج راسي

يسعدك ربي ويخليك يا اخي الكريم ( اعد النجوم )
انا بالخدمة دائماً وسعيد بتواجدي بهذا الكيان العظيم

مستعد لاستقبال طلباتكم

قلبك رهيّف يا صاحبي

تبشر بالقصيدة الغزلية ..


في منتهى الرّقه لها العمر غاية
محبوبتي كل العذارى تحتها

هي زينها غطّى جميع الصباية
من زينها كل الوصايف خذتها

تخطي وتقرب من خفوقي بدراية
غنج و دلع هي الصفات اسمحتها

قالت حبيبي لا تخلّي الوصاية
ثم ادمعت عينٍ في ليل و بكتها

قلت الوكاد اني شريتك معاية
هي كلمتي و انتي ترى خابرتها

لا تدمعين العين كلك هواية
كل الحروف انتي ترى شاعرتها

وان عز بابك عذلنا يا مناية
خلّي العواذل تنردع شاكلتها



بوحي