اطلب ابيات شعرية .. ابشر و لبيك طاب صباحكم/مسائكم بكل ما تشتهي انفسكم من خيرٍ بإذن الله احبتي أعضاء هذا الصرح الجميل .. وضعت هذا الموضوع لطلبات الأعضاء من أبيات شعرية وانا راح اكتبها لكم بدون اي مقابل لأنكم في القلب و إلى القلب مرساكم ..~ طريقة الطلب : ١-نوع الابيات (غزل،عتاب،مدح،الخ..) . ٢-الشخص المعني بالابيات . ٣-ملاحظات إضافية من حيث فكرة الابيات المطلوبة أو الموضوع الاساسي و الهدف من إرسال الابيات أو حدث بناء علية أردت كتابة هذا الابيات . ملاحظة :لا يمكن طلب أكثر من طلب خلال الأسبوع بحيث كل اسبوع يكون لك طلب واحد كحد أقصى |
السلام عليكم ورحمة الله مساء الخير اولا ثانيا فكره مررره حلوه ماشاءالله راقت لي وبقوه ربي يديك العافيه لي عوده ان شاءالله |
فكره جمييله تساعد اللي عندهم مناسبات يعطيك العافيه :0741: |
والله فكره حلوه رغم أنها تاخذ من وقتك وجهدك الكثير وينك عني من زمان:دموع الورد: بس جيت بوقت خلصت فيه مناسباتي :icon10: امممممم عندي استفسار بسيط فرضا عندي مناسبه :MonTaseR_112: وجيت وطلبتك ..الابيات ترسلها هنا ولاخاص :MonTaseR_196: يعطيك العافيه ! |
_ - فكرة جداً جميله يعطيك العافيه :رحيق:. |
اقتباس:
|
اقتباس:
الله يعافيك ويخليك لاحبابك |
اقتباس:
الله يعافيك ويخليك لاحبابك |
اقتباس:
شوفي وانا اخوتس انا هنا لخدمتكم بالنسبه لاستفسارك اذا تبينها ع العام نزلي طلبك هنا واذا تبينها مناسبة خاصة ابشري توصل لك ع الخاص :نبض: |
فكرة ( بطلة ) تسلم يا شاعرنا وأقترح ارسال الأبيات حسب رغبة العضو إن أرادها عامة أو خاصة عالخاص جزيل الشكر لك ولي عودة مع طلبي لاحقاً إن شاء الله |
اقتباس:
يسلمك ربي لاحبابك اقتراح جميل جداً ، وانا بانتظار طلبك :MonTaseR_207: |
فكـــــــ( رائعــــه )ــــــــرة الطلـــــــــــب خمسة أبيات في الوجد ( التوجد ) وياحبذا لو تكون على قافيه صعبة :يحيى: اتمنى لك التوفيق :MonTaseR_137::MonTaseR_137: |
اقتباس:
يا هلابك عزيزي .. تفضل طلبك : يا وجد حالي وجد منهو تمنّع عن الوجيه الناعمه يوم جاته قام يتثيقل خطوته ويتصنّع والقلب غاوي ما يسوي سواته الضيق خانقني وترى البعد سنّع منهو يدور للسنع من جفاته بان الفراق و قلبي اليوم خنّع يا كيف مدري كيف لا يا جراته ضاق الفؤاد و فعله اليوم شنّع كل الصفات اللي تمثل حلاته |
اقتباس:
الله الله الله الله الله الله صح لسانك وسلم فكرك وبنانك بصراحة وفيت وكفيت وابدعت وجبت الطلب على شروطه وهذا رد أتمنى أن يرتقي لمستوى ذوقك وابياتك الكفــــــو يرفــــع هامتــه ما يدنّع وانته كفو والشعــر هذي طراته وجـــــهٍ بدون قناع واخــــــــر مقنّع والا انت وافي ماتجيك الشماته والحــــــر في كـــــل الامور يتسنّع تلقي الجزالــــه تحتــوي مفرداته أصلي على ماقيـــل ماهو مصنّع فيه الاصالــه والوفاء من صفاته قافك كمــــــا غصــــنٍ بالاثمار ينّع وراع الوفا بالطيـــب يلقى جزاته :MonTaseR_137::MonTaseR_137: |
اقتباس:
و صح لسانك على هذي الابيات الجزله ياليت لو تعاوني بطلبات الاعضاء بهالموضوع اللي يصممون التواقيع مو اطيب مننا يا صاحبي :g: |
اقتباس:
والله ابشر بعزك إذا احتجتني ماراح اتخلى عنك ويشرفني :MonTaseR_137::MonTaseR_137: |
اقتباس:
بيض الله وجهك .. انت كل بين فترة وفترة شقّر على الموضوع والطلب اللي ما تنفذ ارتجل و نفذه من باب المساعدة و رايتك بيضاء يا السنافي |
السلام عليكم اهلا اخ قلم شاعر الفكرة جدا رائعه منك خاصتن وانها فكره قد تكون متعبه لشخصك الكريم ولكن اكيد ماجبت هالموضوع الا وانت قده لذلك ياليت لو تسوي لي ابيات عن الام اذا تقدر وفي النهايه شكرا لك من القلب تحية لك |
اقتباس:
واذا تبغى طلب محدد بالاسم اطلب وتامر امر يا ربي إحفظها بحفظك يا جبّار اللي لها كل المشاعر لباسي أمي عسى ربي يحميها بالأذكار صبح ومسيّه بالوعى والنعاسي اليوم قلبي يشعل الحر بالثار من فعل رجل(ن) بأمه اليوم قاسي يومه صغير اللعبه اللي بها إحتار كانت تجي من دون وجه العباسي والحين ياتيها بكذب(ن) و أعذار ينطق يقول إنه في بعده سواسي لا يا خلي القلب تأثم بالإجهار ربي حسيبك يا كريم المآسي أمك و أمك ثم أمك لها إختار كلك غلط و أصبح عنادك يباسي يالله سترك يا عزيز(ن) يا ستار من غلطة الجاني صحيب التناسي أخر حروفي دعوت(ن) لك بالأسحار يا فرحتي يا مهجتي تاج راسي |
الله عليك كنت ابي اختبرك لكن ماشاء الله عليك طلعت قدهاااا كفو والله يعطيك العافية تحية لك شاعرنا |
اقتباس:
يسعدك ربي ويخليك يا اخي الكريم ( اعد النجوم ) انا بالخدمة دائماً وسعيد بتواجدي بهذا الكيان العظيم :رحيق: |
مستعد لاستقبال طلباتكم :رحيق: |
مساء الخير اخي قلم شاعر اش رايك تعطينا قصيدة غزلية على كيفك وشكرا لك تحية طيبه لك |
اقتباس:
قلبك رهيّف يا صاحبي :31: تبشر بالقصيدة الغزلية .. في منتهى الرّقه لها العمر غاية محبوبتي كل العذارى تحتها هي زينها غطّى جميع الصباية من زينها كل الوصايف خذتها تخطي وتقرب من خفوقي بدراية غنج و دلع هي الصفات اسمحتها قالت حبيبي لا تخلّي الوصاية ثم ادمعت عينٍ في ليل و بكتها قلت الوكاد اني شريتك معاية هي كلمتي و انتي ترى خابرتها لا تدمعين العين كلك هواية كل الحروف انتي ترى شاعرتها وان عز بابك عذلنا يا مناية خلّي العواذل تنردع شاكلتها بوحي :رحيق: |
الله عليك شاعرنا المبدع قلم شاعر والله قصيدة غزلية راقيه ورائعه جدا راق لي ماكتبت اخي العزيز عساك على القوة ولا تحرمنا من بوحك الراقي اخي الغالي |
يسعدك ربي اعد النجوم :ورد: < مستعد لطلباتكم :رحيق: :MonTaseR_221: |
اهلين شاعرنا الموقر اليوم جايب فكره ونبيها تكون قصيدة اش رايك في شعر الحكمه وانا اتوقع انك قدها يلا نبي قصيدة على ذوقك في الحكمه وقبل مااطلع صح لساااااااااااااااااااااااااااااااااااااااااااااااا انك من الحين |
فكرة ممتازة 👌 موضوع هائل دمتَ بخالص الود |
الساعة الآن 11:19 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا