منتديات مسك الغلا

 


Like Tree213Likes
موضوع مُغلق
 
LinkBack أدوات الموضوع انواع عرض الموضوع
قديم 01-14-19, 04:21 PM   #205
سمو المجد

الصورة الرمزية سمو المجد
. SHEEM

آخر زيارة »  يوم أمس (06:26 PM)
المكان »  في قلب من يحبني...!
الهوايه »  قراءة عيوونك...!
اللهم إن كان آلمي نهايته فرح فيآرب .. عجل به وأنت الكريم ذو العزه...♥
MMS ~

 الأوسمة و جوائز

افتراضي



ھھھھھھھھھھھھھھھھھھھھھھھھھھھھھھھھھھھھھھھهه🤤😂♥
وربي انا اليوم مره مره فاصله

تخيلوا كده معايا
الضهر لمن خرجت من الجامعه ودخلت السيارة جوالي كان ف الشنطه
طلعتو صورت ورجعتوا تاني
بس كان عندي اشعارات ان بابا متصل عليا مرتين مع اني تاخرت 5 دقايق بس
المهم بعد نص ساعه وصلنا مدرسه اختي واخدناها
وبعدها للي ف الابتدائي << هنا القصه
لمن دخلت قالت السلام عليكم
م لحقت انا واختي الي ف الثانوي نرد يعني توها مسلمه
المهم بابا عصب وهزأنا انو م نسلم والسلام ردو واجب وكده
ف اختي قالت لو كنت مسرحة
بعدها اتصل جوال بابا ولمن طالع قال لي ليه متصله عليا؟؟؟
قلت لو انا ؟ كيف اتصلت جوالي ف الشنطة؟؟؟؟

قال اجل جوالك مسرح كمان

ھھھھھھھھھھھھھھھھھھھھھھھھھھھھھھھھھھھھھھھهه🤤😂♥

وربي مت ضحك من جد كيف جوالي اتصل رغم انو جوة الشنطة وكمان مقفوووله

المهم

في مسابقه مسويتها اختي قيثارة
وموعدها الساعه 12 الليل عاد انا مره انسى الوقت بسبب ي اني نايمة او مشغولة
شوفوا ايش سويت توي هههههههههههههههه


<<< يااارب تنفع بس معايا


 
مواضيع : سمو المجد



قديم 01-15-19, 01:42 PM   #206
سمو المجد

الصورة الرمزية سمو المجد
. SHEEM

آخر زيارة »  يوم أمس (06:26 PM)
المكان »  في قلب من يحبني...!
الهوايه »  قراءة عيوونك...!
اللهم إن كان آلمي نهايته فرح فيآرب .. عجل به وأنت الكريم ذو العزه...♥
MMS ~

 الأوسمة و جوائز

افتراضي



السسسلام عليكم

يسعد مساءكم بكل خيييير

اليوم م عندي فعاليات للاسف

توي افتكرت حاجة

دي الفترة مره طايحة ع الشطه بشكل جنوني
المهم امس دخلت ماركت الجامعه عندنا وشفت الفشفاش الاحمر
<< اكيد تفتكروه
قلت خساره مافي شطه ههههههههه

وطنشت وخرجت
المهم مو قلت اني رجعت للماركت تاني مع صحبتي؟
بالصدفه شفت شطة كريستال الصغيره موجوده ف الزاوية
قلتلها مناااال شوووفي في شطه ابغا مع الفشفااااش
ادتني نظره خلتني ابلع لساني واخرج
ھھھھھھھھھھھھھھھھھھھھھھھھھھھھھھھھھھھھھھھهه🤤😂♥ء

—————————

عاد اليوم قمت من 4 الفجر وزعلانه ليه م صحوني 3 ؟
وبعد م صليت الفجر الساعه 6 وشويه لانو يأدن عندنا 5:55 تقريبباً

بابا ناداني وقال عندك محاضرتين وخمسة ساعات بريك مره مو متقبل موضوع الساعات الطويله دي تقعدي فاضيه ف الجامعه

<< من هالناحية انا صح اوافق الرأي بس في حلول اتوقع

المهم المحاضره الاولى عندي لها وحدة بس يعني عندي الغياب بعد 3 اخد حرمان واليوم اخدت اول غياب فيها

المحاضره التانيه مع الهندية الي سحبت علينا امس صراحة لو م غيروها باحدف الماده لانها الترم الي فات لعبت ف درجات البنات لعب << م بتكلم من كلام سمعتو باتكلم من تجربه جربتها ف دكاترتنا الهنود خصيصاً

المهم بابا قال مو موديكي اليوم خلي صحباتك يشوفوا الوضع ويمكن يقدروا يخلوهم يعدلوا الجدول وفعلا غبت

اول شي صبحت ع الغيوم .💙

7:15 ص






بعدها قمت رتبت وخلصت شغلي وروقت

ايوه صح افتكرت مدري ايش طلبتني ماما من الفريزر ولمن جبت لها الي طلبتو جبت صحن شريحة اللحم داك معرف كيف اسمو
بس يسوو فيه ستيك لحم
المهم سويتو الصبح كمان << فطور هههههههه

و على الساعه 10 سويت لي قهوة فرنسيه بالبندق << تجنن


اختي لو كانت مو ف الدوام كان قتلتني ههههههههههههههههههههههههههههه
مسكت تي شيرتها وخليتو فرشة طاوله هههههع


وبعد م طفشت قلت باحل واجب التحليل للخميس
11:45 ص



واخر صورة مدري كيف صورتها
ابغا دروس خصوصية ف التصوير هههههههههه
12:56 م << المفروض هالوقت محاضرتي بعد 4 دقايق هههههههههههههههههههههههههه



شاحني دحين 2 ان شاءالله تنزل ف الوقت المناسب ومايقفل عليا


 
مواضيع : سمو المجد



قديم 01-15-19, 02:15 PM   #207
سمو المجد

الصورة الرمزية سمو المجد
. SHEEM

آخر زيارة »  يوم أمس (06:26 PM)
المكان »  في قلب من يحبني...!
الهوايه »  قراءة عيوونك...!
اللهم إن كان آلمي نهايته فرح فيآرب .. عجل به وأنت الكريم ذو العزه...♥
MMS ~

 الأوسمة و جوائز

افتراضي







عجبتني العبارة قبل فترة وكتبتها
ايت صورة احلى؟
انا عندي الصورة الاصل احسها احلى
بس غطيت ع اسمي وحطيت بدالو سمو


 
مواضيع : سمو المجد



قديم 01-15-19, 05:18 PM   #208
سمو المجد

الصورة الرمزية سمو المجد
. SHEEM

آخر زيارة »  يوم أمس (06:26 PM)
المكان »  في قلب من يحبني...!
الهوايه »  قراءة عيوونك...!
اللهم إن كان آلمي نهايته فرح فيآرب .. عجل به وأنت الكريم ذو العزه...♥
MMS ~

 الأوسمة و جوائز

افتراضي



عندي سؤال

ليه لمن اشوف الغيوم انخبل؟

توي جالسه ألون واشوف الغيم كده من بعيد << من الشباك
وقمت اصور

والله الي يفتح ألبوم الصور ف جوالي كلها غيم

دي الي توها
5:15 م


 
مواضيع : سمو المجد



قديم 01-15-19, 05:37 PM   #209
سمو المجد

الصورة الرمزية سمو المجد
. SHEEM

آخر زيارة »  يوم أمس (06:26 PM)
المكان »  في قلب من يحبني...!
الهوايه »  قراءة عيوونك...!
اللهم إن كان آلمي نهايته فرح فيآرب .. عجل به وأنت الكريم ذو العزه...♥
MMS ~

 الأوسمة و جوائز

افتراضي



السسلام علييكم
كيفكم ي حبايب
عساكم طيبين...^_^


قبل شويات قلت اني بالون صح؟
اشتقت ارجع لذكريات الثانوي بالذات ثالث
كنت اتفنن ف دفتري الرياضيات خصيصاً

والدليل>>


عاد رافعة عندي دافتري
زي دفتر اولى ثانوي بس الترم التاني
وتالت ثانوي الترم الاول والثاني

ان شاءالله اخصص وقت واوريكم كيف كانت :.)


ودحين شوفوا ايش سويت ف دفتر المحاضرات حق هالترم


<< دي بفلتر

الأصل >>


صراحة من دخلت الجامعه مره م سويت كده
صح اكتب محاضراتي كنت بس مقربعه مره احس رغم ان صحباتي يقولوا لي فايقه ترتبي ...!
المهم

قبل شويات رحت تويتر باشوف كلام تحفيزي
وشفت هالصورتين عجبوني وحبيت اشارككم فيها
مره احتاج هالشي دي الفترة وبقوووة





وبس والله
زي م قلت لكم ان شاءالله اوريكم دفاتري الرياضيات ايام الثانوي

<< كونوا بالقرب


 
مواضيع : سمو المجد



قديم 01-15-19, 07:20 PM   #210
سمو المجد

الصورة الرمزية سمو المجد
. SHEEM

آخر زيارة »  يوم أمس (06:26 PM)
المكان »  في قلب من يحبني...!
الهوايه »  قراءة عيوونك...!
اللهم إن كان آلمي نهايته فرح فيآرب .. عجل به وأنت الكريم ذو العزه...♥
MMS ~

 الأوسمة و جوائز

افتراضي





والله والله والله ان هالانساده سعاده بالنسبه لي
ام واخت قبل م تكون لي معلمة
<< درستني رياضيات ايام الثانوي
وربي م عشقت الرياضيات غير منها
ولمن عرفت ان تخصصي رياضيات اول شخص كلمتوا وبشرتوا هيا
نصحتني والله ولا قصرت معايا وربي جميلك م انساه م حييت
حتى ف أولى ثانوي صار لي مووقف مره مره صعب
<< اقولوا بعدين ان شاءالله
وهي وقفت جنبي وساعدتني
احبك والله


 
مواضيع : سمو المجد



موضوع مُغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



| أصدقاء منتدى مسك الغلا |


الساعة الآن 04:19 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
بدعم من : المرحبي . كوم | Developed by : Marhabi SeoV2
جميع الحقوق محفوظه لـ منتديات مسك الغلا