سود المحاجر سحبني جنوبي
 

كل نشد عن صاحبه واشعل . النار
ونيران قلبي تشتعل .. ما دروا بي
يا لعن ابوكم يا عرب يا هل . الكار
ما شفتوا اللي طاح توه ... يدوبي
لا ناشد عني ولا شفت ..... مسيار
مادري علام العرب ما شقوا ... بي
تغيرت دنياي مع كل ........... تيار
تيار يصدمنا وتيار ............. لوبي
واخر اصحابي صار بالناس سمسار
يبيع ويشري بعرضنا ..... ما يتوبي
يالله تعوضنا عن مر ......... الامرار
بالطفلة اللي في هوانا ....... لعوبي
تاخذ علينا امرار لعبات ...... وامرار
خلتني كالمجنون شققت ..... ثوبي
هي منوتي من بين ترفات . الاعمار
صغار سن وعقلهن ......... بالهبوبي
وان عاينن بالعين يرمن . بالاخطار
سود المحاجر سحبني ..... جنوبي
وخدودهن نور القمر وقت الاسحار
من شافهن ينسى الصلاة . ويروبي
يا لعن ابوهن كيف حطن لي اهجار
كني كسيح ما يجيد ....... الركوبي

القارظ العنزي

ويش .. بعقلك .. ياصاحبي .. صار
شايفك ذا اليوم .. شاعر . طروبي

ويش سوت بك .. بعدنا . . الاقدار
وويش القدر . . اللي رامك صوبي

تذكر يوم إني . . اعطيتك . . انذار
زعلت وحطيت . . دوبك في دوبي

تحسبني أنا اللي .. بحت . الاسرار
هقوتك .. فيني . . صاحب لعوبي

الله يا الدنيا .. دولاب الفلك . دار
اشرقت شمسي وشمسك غروبي

نظرتك بعيني ونظرت لي بمنظار
منظار اغواك .. عن كل .. الدروبي

ادري بقلبك .. وألتمست لك اعذار
تعال يمي واترك الظبي اللعوبي

العشق عشق الروح يا سيدي البار
ما هو من عشق قلوبنا يا محبوبي
الروح تقرا روحها وكشف الاسرار
والقلب يلعب لعبته ..... ما يتوبي
ارواحنا تعاشقت رغم ..... الاعمار
ما همها ناس تخب .... وسعوا بي
ولا همها اديارنا وبعد ..... الاقطار
ولا همها من نجد والا ..... جنوبي
شي مقدر يا عزيزي ...... بالاقدار
غصب يجيك الترف لو كان نوبي
ما تبعد الارواح مع بعد . الامصار
حتى بمنامك تطربك ... باللعوبي
تمرك زيارة وتعطيك ..... ما صار
تقول تقرا يا حياتي ..... اسلوبي
مع ضمة تشفي غليلي . والاكدار
ضمة حبيبي من خفايف ذنوبي

صح لسانك شاعرنا ابيات جميله
وزادها جمال المجاره بينك وبين نجم ضاوي :نبض::نبض:

صح لسانك واعتلا شانك شاعر مبدع
ونجم ضاوي زاد على الجمال جمال
بس قولك:
وخدودهن نور القمر وقت الاسحار
من شافهن ينسى الصلاة . ويروبي
بلاش منها اجل كان بتنسيني صلاتي هههههههههه

ربي يسعدك

ليتك ياساكن القلب .. لي جار
اويجيبك الشوق ياخل ..صوبي

تزهابك حياتي وتزين ...هالدار
واقول للعالم هاذهو.محبوبي

ياصاحبي مهما الزمن فينا دار
ولفت دروبك تلتقي مع دروبي

لاتحسبني ناسين لك ....وغدار
والله الزمن عن عادته مايتوبي

*((القارض العنزي))*
ابدعت وامتعت
صح لسانك مدد بلا عدد