منتديات مسك الغلا

منتديات مسك الغلا (/vb/)
-   ديوان ومحاورات حصريه لشعر ( شعرائِنا ) (https://www.al2la.com/vb/f84.html)
-   -   لا واحسافة ، حصرية (https://www.al2la.com/vb/t93301.html)

أنا فداهم 12-26-18 01:03 AM

لا واحسافة ، حصرية
 

مدخل:
ليت العمر يرجع بي ثلاث سنين
عشان أطير من الفرح بليا جناح

وليت اللي تركنا مع الناسين
ننساه في ساعة لجل نرتاح

-

-

‎طاب جرحي وسرحت وسليت
‎ليه بعد ما طاب جيت ونبشته

‎يمكن بكيتك سنين فاتوا وبكيت
‎صارعت الحزن وحدي و هزمته

‎رقيت فوق الجرح إي والله رقيت
‎رجعت قلبي بعد ما سرقته

‎حاولت تقتل أفراحي وما قويت
‎دسيت سمِّك بكاسي وما شربته

‎رميت رمحك و تعداني و خطيت
‎سليت سيف الغدر لكني كسرته


لا وا حسافة دمعتي يوم هليت
على بقايا ذكريات ساعة ذكرته

أبوعدك أنساك دامك جفيت
وبكذب عيوني لو مره لمحته

بس تدري ليه يا بايع جيت
ونبشت قاسي الرمضا و دفنته

أبي تغمض وتقولي وش رأيت
هذي حياتي بعد حبك خسرته
-

-

مخرج:
وليت المدامع ما تترك العين
الا لفرحة بسببها الدمع طاح



أعد النجوم 12-26-18 01:24 AM

صح لسانك شاعرنا

ابيات راقيه كرقيك

تحيه لك


وجع الروح 12-26-18 11:16 AM

كلماتك الرقيقة
وكالعادة يتوقف قلمي عن الكتابه
لروعه وصفك واحساسك المميز
بكتباتك ونثرك الذي لا يضاهيه قلم وورقة
ابداع ودقة في اختيار الكلمة
خاطرة ولآ اروع
اهنيك من كل قلبي على كلماتك وروعه تناسقها وجمال تسكينها
ابداع وتألق دائم ما شا الله
ابدعت يا صاحب القلم المميز بطرحك
ونثر حروفك التي تطهر منها روائح الياسمين
بانتظار ما سيجود لنا به قلمك من لوحة ادبيه جديدة
كل الود والامنيات لك
تقبل مروري المتواضع

احلام عابره 12-26-18 11:33 AM

يالي على قدسية الحب تعديت
ولا راعيت وجع الخفوق وجرّحته

رميتني بسهام الشك وتتجنيت
ليتك عرفت العذاب الي شفته

كم ليلة بكيتك فيها .. وونيت
يا بايع الود علمني ليش. بعته

جيتك كلي بشوقي وانت تغليت
وين العهد بالوفاء الي قطعته

ياكم ليلة في بعدك .... تمنيت
ترجع خفوق من صدري سرقته

انا فداهم
ابدعت وامتعت
اتمنى ان تتقبل مروري وردي كما هو


الساعة الآن 11:00 AM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا