((قالت : تعال وقلت : ))
 

قالت : تعال وقلت : وشلون وشلون
لا شايف زولك ولا فيك ....... حيلة
قالت : تعال وشوف من هم . يهلون
كل المشاعر والعيون ....... الكحيلة
وان كان هم يا شوق ما هم يكفون
انثر لك الدمعة وجعد ...... الجديلة
وان كان هم يا شوق ما هم يسدون
خذني على الاسلام يمك ..... حليلة
قلت : البلا ناسي وناسك ... يعيون
ما يقبلون البلبلة ........... والفشيلة
اصبر وصابر يا بعد كل ...... مزيون
وانا احتسب دموع عين ..... هميلة
عسى الله يجمع شملنا خالق الكون
ما لي وما لك غير ربي ...... وسيلة

القارظ العنزي

صح احساسك طاغي النظرة لاهنت

صح لسانك يالمبدع
تحياتي

-

-

صح لسانك يالقارظ العنزي أبدعت

-

-

تفوق الوصف كلماتك يابن وايل
غصبٍ علي أقولها مافيك حيله

تلعب بقلوبنا وتسوي الفعايل
يا واحدٍ يفرق عن كل جيله ..!

دام الكرة فـ ملعبك اعمل عمايل
إطرب المعنى بمفرداتٍ ، جميله


-

لا خلا ولا عدم