ايامنا الحلوه
 

بصراحه انا ولا فى دماغى ايام حلوه ولا ايام بطعم الشطه والليمون:MonTaseR_196:
هى ايام شبه بعضها ولا باين له وش من قفا
الكلام المكتوب فوق ده ما حد يصدق انى مصدقه
هو ساعات بس قلمى بيكتب حاجات غريبه كده
ال ايام وذكريات وحنين ال :23:
هى بس مقدمه استهباليه لابد منها:الجوهره:

المهم حد يسئلنى انا عملت مدونه ليه
انا هقول له
اولا انا ولا عارف ارد على حد زوار او خاص
حتى التقييمات مش مكتوب مين بيبعتها بس انا بعرف طبعا مين بيبعتها من الاسلوب
بس حتى كمان لسه مش مسموح لى اقيم حد
يعى انا من الاخر بلا اى حيثيه :Jm_005:
المهم وده الاهم بعد كل كلامى المهم ولو حد مش شايفه مهم فمش مهم :eh_s(10):
تحياتى فى البدايه لصاحبه البيت والضيافه الاساسيه
الاخت نورس صاحبه الاسلوب السهل الممتنع والكاريزما الخاصه
والتحيه كمان لسهام البرتقاله صاحبه الدعوه
ندى طبعا شخصيه جميله مش محتاجه منى مدح متالقه فى اى مكان هى ولا بتكتب مواضيع ولا بتشارك فى مسابقات ولا بتعرف تفوز فى اى العاب يعنى بصراحه الله يعينها
على نفسها بس شيل ندى من اى مكان بالضبط كما لو شيلت الملح من الطعام

وطبعا لقيت هنا اخواتى الطيبات مبدعتنا ام محمد الرائعه على الدوام
فنانه قديره ومبدعه وعطاء بصراحه لا ينتهى يعنى المنتدى هنا قبل تواجد مبدعتنا فيه حال ومن بعد وجودها ان شاء الله الكل هيلاحظ الفرق
ومروه العلمونجيه دى اختى بجد بحس انها جزء من عائلتى رغم انى عرفتها هنا فى العالم الافتراضي بس بجد كنت اتمنى تكون اخت حقيقيه لى طيبه جدا وقلب من الذهب ووفائها لمن تعرفهم محل كل تقدير واحترام
شفت كمان ان ساره موجوده شفت اسمها فى ملفي
دى بقي شخصيه سكرايه خفيفه الدم وتلقائيه وحشتنا بجد فيديوهاتها ومواضيعها الحصريه
وكمان شفت دلوقتى ان تاتيانا اسمها منور وكمان بقت برتقاله
تاتيانا مكسب لاى مكان بدماثه اخلاقها ومواضيعها الحصريه ونظامها وتنسيقها وتفائلها شخصيه جميله بصراحه
للان دول بس الى شفتهم هنا
طبعا سلامى وتقديرى لهم
كمان تحياتى للاخوه الطيبين فى المنتدى هنا يمكن لسه ما اعرفش اى حد
بس واضح انهم مجموعه محترمه
يعنى من الاخر علشان انا زهقت تحياتى للجميع :MonTaseR_158:

اشعر باحباط شديد:detective2:
بقي لى اسبوع مشترك هنا فى المنتدى
ولسه زى ما انا اسود
المنتدى كله يشبه قفص البرتقال
وانا عامل زى ما يكون حد حطنى فى الفرن ونسانى
يعنى مش كفايه انى اقصي طموحى ابقي برتقالى
لا بقيت برتقاله بس محروقه
عموما انا نزلت موضوعين فى قسم التصاميم
ولا اتلونت ولا حد عبرنى :b:
المهم انا بحذركم لو لم يتم تلوينى فى اقرب فرصه
احتمال كبير انزل خاطرتى الرومانسيه الخالده
حبيبتى والتمساح:56b889:
يعنى قصص وكتبت
خواطر وابدعت
تصاميم وصممت
فاضل ايه بس اصلح لكم مواسير السباكه بتاعه المنتدى :th_4u2ap3b:


المهم دى باكوره انتاجى الجديد فى مجال التصميم

http://gulfup.co/i/00702/148oxvaogfey.gif

http://gulfup.co/i/00702/jihzcuokdbe6.gif

مدونتى اسمها ايامنا الحلوه
وبصراحه من احلى ايامى الافتراضيه على الشبكه العنكبوتيه
كان مع اطيب ناس عرفتهم فى العالم الافتراضي
بصراحه انا عملت لهم فيديو
هو ناقصه ناس كتير بس دول الى قدرت اجمعهم
كان المفروض الفيديو ده يكون فى مكانه الاصلى
بس للاسف المكان هناك اصبح شبه مدمر حاولت اضعه هناك بس المكان بينهار خلاص ورفض يعرض الفيديو
وعلشان اغلب البقيه الباقيه ما زالو هنا
فوضعت الفيديو هنا
وجميل يكون عندنا ذكرى جميله لناس جميله
ذكرى من ايام راحت بس حلاوتها مش هتروح
يمكن اختلف طعمها عن زمان لانها حاليا
حلاوه بمذاق الشجن

حرر مقطع اليوتيوب من المدير العام لإحتوائة على أغنية

اعتذارى لاخى الطيب مدير الموقع على اضافه الاغنيه للفيديو السابق
فعلا ما كنت اعرف انه ممنوع فى قانون المنتدى
وله منى بصراحه كل الاحترام على اسلوبه المحترم والمهذب جدا فى تنبيهى على ذلك

من ساعه بدور على مدونتى وفى النهايه لقيتها فى الصفحه الخامسه او السادسه
المهم الحمد لله هى ما ضاعت
وزى ما توقعت المدونات الحلال عمرها ما هتضيع :crosscrusher:
للى سئلونى على الفيديو
بصراحه مش عارف ارفعه فين هنا ممنوع وهناك كل شئ ما عاد شغال
المهم احتمال ارفعه على هيئه ملف مضغوط واضع الرابط هناك لانه يخص هناك ما يخص هنا
وبمناسبه هنا
لقيت قصه قديمه كنت كاتبها من فتره وبجد نسيتها تماما
فكره القصه قريبه جدا من موضوع مطروح للنقاش فى قسم النقاش الجاد
وبحثت عنها فى الملفات عندى ولقيتها
كمان القصص الحلال عمرها ما تضيع:MonTaseR_196:
احتمال ابقي انشرها هنا