إضافة رد
 
LinkBack أدوات الموضوع انواع عرض الموضوع
قديم 01-04-19, 05:43 PM   #1
أحـمـد

الصورة الرمزية أحـمـد

الهوايه »  السفر عبر الزمن
MMS ~

 الأوسمة و جوائز

افتراضي ايامنا الحلوه



بسم الله الرحمن الرحيم

قلت ذات يوم ان
الزمن والزمان مش زمن محدد
فلكل حد فينا زمن وزمان
ارض وبيت واسره وارتباط بمكان
الزمن والزمان هو الى كون جوانا الانسان


الزمن والزمان
زمان كل حد فينا بكل قساوته
وبكل مرارته وبكل حلاوته وبكل ذكرياته وبكل حنينه
زمان هو ذكرياتنا وماضينا
وبكل حد من اهالينا ودعته قلوبنا و دموع عينينا
وبكل حد من حبايبنا فارقنا ونسينا
وبكل حاجه كانت حلوه فينا
هيفضل دايما زمان احلى


وبما اننا الان فى بروفه لبكره
وبما ان الزمن جزء منه ماضى وجزء منه بكره
وبما انى على قناعه اننا بنعيش النهارده ذكرياتنا الحلوه الى مش هنحس بيها الا بكره
وبما انى متاكد انى مجرد ما هخلص كتابه سطورى دى
اصبحت اللحظه دى جزء من ذكريات هنفتكرها بكره
فقررت احب كل لحظه هعيشها النهارده
لحد ما ييجى يوم هكون فيه بس جزء من امبارح
لان مش هيكون مكتوب لى ساعتها اشوف شمس بكره


ايامنا الحلوه هتفضل حلوه
لو سرقنا لحظات فرحنا بنفسنا وما استنينا حد يهدى الفرحه لينا
طول ما احنا قادرين نكتب ماضينا ومستقبلنا بايدينا
طول ما احنا لسه حاضر مش مجرد ماضي بيحكيه الى هيبقي يفتكرنا من اهالينا
طول ما احنا واثقين ان الله خلقنا مش بس علشان يشقينا

ايامنا ان شاء الله هتفضل حلوه


 


رد مع اقتباس
قديم 01-04-19, 11:13 PM   #2
أحـمـد

الصورة الرمزية أحـمـد

الهوايه »  السفر عبر الزمن
MMS ~

 الأوسمة و جوائز

افتراضي



بصراحه انا ولا فى دماغى ايام حلوه ولا ايام بطعم الشطه والليمون
هى ايام شبه بعضها ولا باين له وش من قفا
الكلام المكتوب فوق ده ما حد يصدق انى مصدقه
هو ساعات بس قلمى بيكتب حاجات غريبه كده
ال ايام وذكريات وحنين ال
هى بس مقدمه استهباليه لابد منها

المهم حد يسئلنى انا عملت مدونه ليه
انا هقول له
اولا انا ولا عارف ارد على حد زوار او خاص
حتى التقييمات مش مكتوب مين بيبعتها بس انا بعرف طبعا مين بيبعتها من الاسلوب
بس حتى كمان لسه مش مسموح لى اقيم حد
يعى انا من الاخر بلا اى حيثيه
المهم وده الاهم بعد كل كلامى المهم ولو حد مش شايفه مهم فمش مهم :eh_s(10):
تحياتى فى البدايه لصاحبه البيت والضيافه الاساسيه
الاخت نورس صاحبه الاسلوب السهل الممتنع والكاريزما الخاصه
والتحيه كمان لسهام البرتقاله صاحبه الدعوه
ندى طبعا شخصيه جميله مش محتاجه منى مدح متالقه فى اى مكان هى ولا بتكتب مواضيع ولا بتشارك فى مسابقات ولا بتعرف تفوز فى اى العاب يعنى بصراحه الله يعينها
على نفسها بس شيل ندى من اى مكان بالضبط كما لو شيلت الملح من الطعام

وطبعا لقيت هنا اخواتى الطيبات مبدعتنا ام محمد الرائعه على الدوام
فنانه قديره ومبدعه وعطاء بصراحه لا ينتهى يعنى المنتدى هنا قبل تواجد مبدعتنا فيه حال ومن بعد وجودها ان شاء الله الكل هيلاحظ الفرق
ومروه العلمونجيه دى اختى بجد بحس انها جزء من عائلتى رغم انى عرفتها هنا فى العالم الافتراضي بس بجد كنت اتمنى تكون اخت حقيقيه لى طيبه جدا وقلب من الذهب ووفائها لمن تعرفهم محل كل تقدير واحترام
شفت كمان ان ساره موجوده شفت اسمها فى ملفي
دى بقي شخصيه سكرايه خفيفه الدم وتلقائيه وحشتنا بجد فيديوهاتها ومواضيعها الحصريه
وكمان شفت دلوقتى ان تاتيانا اسمها منور وكمان بقت برتقاله
تاتيانا مكسب لاى مكان بدماثه اخلاقها ومواضيعها الحصريه ونظامها وتنسيقها وتفائلها شخصيه جميله بصراحه
للان دول بس الى شفتهم هنا
طبعا سلامى وتقديرى لهم
كمان تحياتى للاخوه الطيبين فى المنتدى هنا يمكن لسه ما اعرفش اى حد
بس واضح انهم مجموعه محترمه
يعنى من الاخر علشان انا زهقت تحياتى للجميع


 

رد مع اقتباس
قديم 01-06-19, 08:24 PM   #3
أحـمـد

الصورة الرمزية أحـمـد

الهوايه »  السفر عبر الزمن
MMS ~

 الأوسمة و جوائز

افتراضي



اشعر باحباط شديد
بقي لى اسبوع مشترك هنا فى المنتدى
ولسه زى ما انا اسود
المنتدى كله يشبه قفص البرتقال
وانا عامل زى ما يكون حد حطنى فى الفرن ونسانى
يعنى مش كفايه انى اقصي طموحى ابقي برتقالى
لا بقيت برتقاله بس محروقه
عموما انا نزلت موضوعين فى قسم التصاميم
ولا اتلونت ولا حد عبرنى
المهم انا بحذركم لو لم يتم تلوينى فى اقرب فرصه
احتمال كبير انزل خاطرتى الرومانسيه الخالده
حبيبتى والتمساح
يعنى قصص وكتبت
خواطر وابدعت
تصاميم وصممت
فاضل ايه بس اصلح لكم مواسير السباكه بتاعه المنتدى


المهم دى باكوره انتاجى الجديد فى مجال التصميم





 

رد مع اقتباس
قديم 01-11-19, 01:35 AM   #4
أحـمـد

الصورة الرمزية أحـمـد

الهوايه »  السفر عبر الزمن
MMS ~

 الأوسمة و جوائز

افتراضي



مدونتى اسمها ايامنا الحلوه
وبصراحه من احلى ايامى الافتراضيه على الشبكه العنكبوتيه
كان مع اطيب ناس عرفتهم فى العالم الافتراضي
بصراحه انا عملت لهم فيديو
هو ناقصه ناس كتير بس دول الى قدرت اجمعهم
كان المفروض الفيديو ده يكون فى مكانه الاصلى
بس للاسف المكان هناك اصبح شبه مدمر حاولت اضعه هناك بس المكان بينهار خلاص ورفض يعرض الفيديو
وعلشان اغلب البقيه الباقيه ما زالو هنا
فوضعت الفيديو هنا
وجميل يكون عندنا ذكرى جميله لناس جميله
ذكرى من ايام راحت بس حلاوتها مش هتروح
يمكن اختلف طعمها عن زمان لانها حاليا
حلاوه بمذاق الشجن

حرر مقطع اليوتيوب من المدير العام لإحتوائة على أغنية


 

رد مع اقتباس
قديم 01-11-19, 03:31 PM   #5
أحـمـد

الصورة الرمزية أحـمـد

الهوايه »  السفر عبر الزمن
MMS ~

 الأوسمة و جوائز

افتراضي



اعتذارى لاخى الطيب مدير الموقع على اضافه الاغنيه للفيديو السابق
فعلا ما كنت اعرف انه ممنوع فى قانون المنتدى
وله منى بصراحه كل الاحترام على اسلوبه المحترم والمهذب جدا فى تنبيهى على ذلك


 

رد مع اقتباس
قديم 01-24-19, 01:12 AM   #6
أحـمـد

الصورة الرمزية أحـمـد

الهوايه »  السفر عبر الزمن
MMS ~

 الأوسمة و جوائز

افتراضي



من ساعه بدور على مدونتى وفى النهايه لقيتها فى الصفحه الخامسه او السادسه
المهم الحمد لله هى ما ضاعت
وزى ما توقعت المدونات الحلال عمرها ما هتضيع :crosscrusher:
للى سئلونى على الفيديو
بصراحه مش عارف ارفعه فين هنا ممنوع وهناك كل شئ ما عاد شغال
المهم احتمال ارفعه على هيئه ملف مضغوط واضع الرابط هناك لانه يخص هناك ما يخص هنا
وبمناسبه هنا
لقيت قصه قديمه كنت كاتبها من فتره وبجد نسيتها تماما
فكره القصه قريبه جدا من موضوع مطروح للنقاش فى قسم النقاش الجاد
وبحثت عنها فى الملفات عندى ولقيتها
كمان القصص الحلال عمرها ما تضيع
احتمال ابقي انشرها هنا


 

رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



| أصدقاء منتدى مسك الغلا |


الساعة الآن 02:45 AM.

Powered by vBulletin® Copyright ©2000 - 2019, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
بدعم من : المرحبي . كوم | Developed by : Marhabi SeoV2
جميع الحقوق محفوظه لـ منتديات مسك الغلا

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64