إضافة رد
 
LinkBack أدوات الموضوع انواع عرض الموضوع
قديم 01-11-19, 04:11 PM   #1
بكاء بلادموع

الصورة الرمزية بكاء بلادموع

يمروني طيف
على وجه الذكرى

يمروني دمع
على خد اجفاني

ياوجيه الصبح
احلامى بك سكرى

من ملامح ماضى
صاحب احزاني

 الأوسمة و جوائز

افتراضي الوَجَع



السلام عليكم ورحمةالله وبركاته

احبتي اعضاء المنتدى الكرام
ومحبي حرف بكاء بلادموع

تحيه طيبه لكم وبكم تطيب الحياة
بعض من همس المشاعر التى اتمنى ان تنال بعض من الاعجاب

الوَجَع


للاستماع اليها على الساوند كلاود
اضغط هنا

وإليكم كلمات النص


الوجع

الوجع ميتحسبش بقولة أي
الوجع سنين كتير فيها ميت
ويقولوا حي

الوجع لما توزع الف ضحكه
علي الخلايق في الدقيقه
والحقيقه
كل ضحكه طالعه بدمها
من ضلوعك
والجرح مغصوب عليه
وياريته طوعك

ولما تسأل اي حد
الجرح ليه
يقول اختيارك
وانت سيد قرارك
انت اللي مشيت طريقك
وما اخترتش رجوعك

وفضلت وسط ليلك
تنادي النجوم
تنورلك في الدرب ضي

الوجع

الوجع ميتحسبش بقولة أي
الوجع سنين كتير فيها ميت
ويقولوا حي

التوهه عمرها ما كانت في سكه
التوهه في حياتك بتبان في شكه
ابره بتاخدها في الوريد
وبتسري في دمك
بتعالج كل ضحكه فيك بهمك
وتبينلك قد ايه مهتمه بعلاجك
من جروحك
وهي بتسرق واحده واحده
في كل روحك

التوهه سنين متغربين
فرحك ونوحك

ولما توصل نهاية الطريق
تلاقي البدايه دمعه نازله
لما تبص لاخر طريقك تلاقيه اوله
ودايره حياتك زي ساقيه
ولا في ايدك تبدل طريقك ولا تحوله
ولا قادر حتي تكمله او تهمله
ولا حد يواسيك في التوهه
غير دموعك
وكل دمعه لخدك صاحب جدع

الوجع

الوجع ميتحسبش بقولة اي
الوجع لما ساقية حياتك
متطلعش اي مي

عطشانه روحك للحنان
للامان
عطشانه تخلق جواك
اجمل كيان

محتاجه لوطن
تحس فيه حلاوة السكن
ووقت المحن
يبقى الحيطان

جدران تصد هجوم
الهموم والشجن
وتمحي تجاعيد الزمن
من ملامحك

الوجع

الوجع لما تنفيني خارج حدودك
ورغم غربتي أسامحك
وازرع علي حدود قلبي
سنابل طارحه قمحك
واسامحك مهما تنشف ميتك
ولا تروي ارضي
وبقليل الود منك ببقى مرضي

الوجع

الوجع لما ابقى راضي اتنفي
بره ارضي والغربه تكوي
جرحي كي
وداري رافضه حضني ليها
واموت فيها وانا بتنفس وحي

الوجع

الوجع ميتحسبش بقولة أي
الوجع سنين كتير فيها ميت
ويقولوا حي


شكرا لكم احبتي على
حسن الاستماع
واتمنى ان تكون حروفي
عن حسن ظنكم

تحيتي وتقديري

محبكم
ياسر إبراهيم خليفه
بُكاء بلادموع


 


رد مع اقتباس
قديم 01-11-19, 05:59 PM   #2
الصولجان

الصورة الرمزية الصولجان

المكان »  في بلاد الحُب
الهوايه »  الخواطر قسم الأدب بشكل عام
MMS ~

 الأوسمة و جوائز

افتراضي



..
ولما تسأل اي حد
الجرح ليه
يقول اختيارك
وانت سيد قرارك

الوجع لما تنفيني خارج حدودك
ورغم غربتي أسامحك
وازرع علي حدود قلبي
سنابل طارحه قمحك
واسامحك مهما تنشف ميتك
ولا تروي ارضي
وبقليل الود منك ببقى مرضي


...

نحكي أوجاعنا للورق .. واخرون يرونه حرف
عابر ..

نحكي مرارت العمر .. وما اعذب القلم حينما
يخط ما لا نستطع قوله..

ومع ذلك شهادتي بك مجروحه .. دمت حرفًا مضي


 

رد مع اقتباس
قديم 01-11-19, 06:12 PM   #3
بكاء بلادموع

الصورة الرمزية بكاء بلادموع

يمروني طيف
على وجه الذكرى

يمروني دمع
على خد اجفاني

ياوجيه الصبح
احلامى بك سكرى

من ملامح ماضى
صاحب احزاني

 الأوسمة و جوائز

افتراضي



شكرا أيتها القديره


 

رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



| أصدقاء منتدى مسك الغلا |


الساعة الآن 12:12 PM.

Powered by vBulletin® Copyright ©2000 - 2019, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
بدعم من : المرحبي . كوم | Developed by : Marhabi SeoV2
جميع الحقوق محفوظه لـ منتديات مسك الغلا