زجل مغربي (الزين رآه بالعرارم )
 

السلام عليكم ورحمة الله وبركاته
هذه أول خاطرة لي هنا باللهجة المغربية او بعبارة اصح زجل مغربي
كما تعودت دوما وكما كانت كتاباتي أول ما بدأت في الكتابة هي الزجل المغربي
وأنا من هواة هذه الكتابة
ارجو ممن لم يتمكن من فهم بعض المصطلحات باللهجة المغربية ألا يتوانى في سؤالي عنها


خاطرة بعنوان الزين رآه بالعرارم

الزين راه بالعرارم
ولكن خاصك معامن تفاهم
بحال بنت الفقير بحال بنت الحاكم
خاصها غير تكون بنت الاصل وتتحشم
تعرف الحب والسعادة اللي انت تقاسم
خليني من اللباس وصبايغ وحمرت الفم
حيت عدد اللي تزوج ورجع عليه نادم
ولد وليدات وتفارق ورجع يتحاكم
وحياة الابناء مرة مرة قدامو ترسم
والسبب هو واحد يبني واخر يردم
كل واحدشد طريق عاد بدى يخمم
شحال من عائلة مع بعضها ما تسلم
اللي كانت خاوة رجعت عداوة كم
وقال من هده نتعلم ماكانتش فالعلم
اتمنى تصارح زوجتك باللي تحلم
ونتمنى ليك السعادة ياللي تفهم
يجيب ليك الله بنت الناس اللي تحشم
وفي قلبها مايكون الحقد والسم
وحتى بنات الاصل كاينة خاصها غير باش تحزم
كاين اللي احسن من شي نوع ديال الرجال خدمة وفم
تحياتي لكم

رجاااء ام القاسم وخديجة :x117:

بفففففف
كنظن كتعرفي شحال نعشق الزجل
واعره بزاااف والله
وفعلا صدق حرفك
الزين بالعرارم وخصك معامن غير تتفاهم
برااافو روماتي الحنون مواااحات ل خدوج وقاسم :56b889:

أهلا بيك صحورتي
الله يعطيك الصحة حبيبة ديالي
مرورك اسعدني
الزجل هو اجمل ما يمكن ان نسمع وفيه عبر وكلام جميل و ومعبر

اللي احسن من شي نوع ديال الرجال خدمة وفم
ههههه من لخر برافو عليكي رجاء ما اجمل الزجل

يعطيك الله العافية وسلم بنانك

كلمات كثيره مافهمتها قاعد

اسال زميل لي متزوج مغربيه :in_love:

يا أم القاسم الغالية
صح لسانك .. ودام احساسك
بصراحة ما فهمك معنى الكلام
بس تبدو معاني كلماتها حلووة
وخصوصاً على نفس الوزن والقافية
تسلم ايدك حبيبتي ..:Dl3: