((لا تسألين القلب يا بنت وش فيه))
 

لا تسألين القلب يا بنت وش ... فيه
فيه البلا فيه الجلا ....... والعذابات
ان طعتني خليه وارجوك ..... خليه
لا تكشفينه يا هوى البال ... والذات
يا كثرهم اللي نحبه .......... ونغليه
راح وجفانا ما نشد من هفى ومات
خلي بلانا في خفانا ........ وتناسيه
يا كثر ما جرينا من الغبن ..... ونات
يا ما سهرنا الليل والدمع .... نخفيه
نخفي به الدمعة على كل ... شمات
يا قلبي اللي ما تناهى ...... طواريه
زادت همومه والبلايا ....... كثيرات
كل ما بغيت ارتاح وانسى .. بلاويه
تجددت جروح قلبي ..... القديمات
لا تبحثينه ينتثر كل ......... ماضيه
خليه يركد لا يثيرك ........ بدمعات
وانت على ما ظن عندك ... مشاريه
مثل الذي عندي وزايد ..... شويات
ان كان القارظ غالي عندك . وتغليه
حاول تجنب حظنا ....... بالعبارات

القارظ العنزي

صح لسانك .. وصح نبضك شاعرنا
ما اروع حروف المحبة المتساقطة من سطورك
دام لنا قلمك المميز
مع تقديري

قيثارة اسم له لونه ووتره الخاص حينما يمر في متصفحي ويمنحني رمز الابداع ، اشكرك سيدتي من الأعماق .

صح صح لسانك ايها المبدع
مليون صح كلك ولا يكفون
لا تدع هذا النهر الجاري من الاحساس يتوقف
دائما اترقب كل ماتنثره من روائع القصيد
درة جديده تضاف الى مجموعة درر القارظ العنزي
صح بوحك وروحك
وياعسى قلبك مايشوف الاسى
ولاصدرك يحر الونات

لك ودي واحترامي

هلا بك إحساس شاعر ، والله لك فقدة ، فلهذا استغلينا غيابك وقلنا ناخذ حريتنا قبل عودتك وعودة قصايدك التي يختفي معها ما يسمى ابداعا لدينا ان صح كلام من يمتدحنا . نحن في انتظار عودتك الى هذا القسم من جديد . ففنك بالطاروق له ذوقه والونه الخاص ، فلا تتأخر أيها الاحساس الشاعري . دمت بود